رفعت رأسي وبصت له بأستغراب.
مش بهرب _بترجع الكرسي لوراء وبتقوم _
_لا واضح فعلاً إنك مش بتهربي، طب ممكن نقعد ونتكلم سوا شوية؟
عايز اي ياياسين
عايز افهم اتغيرتي مره واحدة نحيتي لي، بقالك كذا يوم مش بتردي عليا، مش عوايدك ياوعد من يوم ما بقينا صحاب.
بصت له بِكُل حُب وقعدت، كان وحشني حقيقي من غيره بكون تايهه، يمكن بقا هو الشخص الوحيد اللي قادرة ارمي كل عيوبي قدامه ويشوفني حلوة بردوا، بس مينفعش لو قولتله على شويه المشاعر اللي عندي هنخسر كتير أوي، هخسر ياسين.
_طلبت مِنك تقعدي مش عشان تفضلي ساكتة وخايفة حتى تبُصي في عيني..
_هقول إيه!
_قولي لي بتهربي لي؟
• بصت له بغضب وعصبية وقولت له:
• _قولتلك مبهربش خلاص يا ياسين.
• ينفع اللي بتعمليه دا ياوعد، أنتِ عارفة كويس بكون تايهه من غيرك، من يوم ما دخلتي حياتي وبقيتي اقرب الناس ليا.
• وبعد ماأكون أقرب الناس ليك ياياسين أي هيحصل، هتمشي زيهم بالضبط وهنخسر بعض، خليني أبعد ونتعود على البعد، بكرا بنت تيجي وتخطف قلبك وساعتها هتمشي وأعيش نفس المعاناة من تاني، مش عايزه اتكلم أكتر من كدا ياياسين أمشي بالله كتر كلامنا هيوجعني.
• أنا مش عايز أوجعك ياوعد
• بصيت ليه بحيرة خايفة أقوله عن اللي حاسة بيه ف اخسره طول عمري، صوت ضربات قلبي كان وصل لسابع سما، لسه موصلكش؟ معرفتش أرد أقول إية! كنت ببص له وأنا عايزة أعيط، أيدي بتترعش من كُتر الخوف والقلق والتوتر، لي كده لي دلوقتي!
• ردي ياوعد مخبيه عني أي
• ولا حاجة أنا عايزة أفضل لوحدي.
• همت بالرحيل ولكن جالها صوته من خلفها
• ولي متقوليش إن البنت اللي خطفت قلبي تبقي أنتِ ياوعد لي متقوليش إني مبقتش عارف اعدي يومي من غيرك.
• بصلته بوجع يمكن ردي هيوجعه بس دا أحسن لينا.
• مينفعش ياياسين مينفعش، أنا همشي، هنخسر بعض وأنا مش حمل الخسارة دي.
• وعد أنتِ بتقولي أي يعني أي هتمشي، وعد أنا بقولك بحبك فاهمة، أنتِ وعدتيني إنك هتفضلي هنا مهما حصل.
قلبي وجعني لما حسيت نبرة صوته زعلان.
أنا أسفة بس دا اللي لازم يحصل، مش هقدر أكمل وأنا عارفة نهاية دا أي.
همت بالرحيل ولم تنتظر رده كان قرارها من عقلها ولم تلتفت لقلبها هذه المرة، فهي ذاقت عذاب قلبها مرة سابقة.
طول الطريق ماشية أفكر هل اللي عملته دا صح ولالا
معرفتش أجاوب نفسي، معرفتش أقول ايه!
أصل مكنتش عارفة أنا هقدر أبعد ولا لأ
• لحد ما رجلي اخدتني عند ورد
انا خايفة أنه يمشي ويزهق مع الوقت، الشخص الي قادر يحس بيا ويفهمني حد من سكوتي ومن اقل كلمة اقولها يتغير، معرفش هفضل اهرب لحد امتي ولا اكون مطمنه امتي بس انا خايفة
هي دي مخاوفك ياوعد؟
_ مش عارفة يا ورد إذا كان هي دي مخاوفي، ولا ببرر لنفسي.
_ ما هو أنتي مش هتفضلي قاعدة طول عمرك كدا، مش هتكملي حياتك بطولك، كل ما حد يقرب منك تتهربي، مش دا ياسين اللي طايرة بيه في السما، مش دا صاحبك اللي بتحبيه اكتر من أي حد في الكون ومن يوم ما دخل حياتك وأنتِ بقيتي أحسن، حتي حزنك محدش يعرف عنه حاجة غيره..
سكت شوية وأنا بفكر، اتنهدت قبل ما أتكلم و كأني بطلع الهم اللي على قلبي، والكلام اللي رافضة حتى أعترف بيه لنفسي.
معرفش ياورد أنا همشي.
افضلي أهربي ياوعد، أهربي من قلبك كمان، بس عايزه أقولك مش هتلاقي أحسن من ياسين تكملي معاه، أكتر حد فاهمك، فاهمك أكتر من نفسك.
مشيت من عندها وأنا عقلي مشتت، وقلبي زعلان، أنا فعلاً هقدر على البعد دا ولالا،أنا فعلًا حبيت ياسين، بس هفضل طول عمري بهرب لحد أمتى، بس كل اللي اعرفة مش عايزة اتوجع كفاية اللي شوفته في حياتي.
فاتت الأيام وكل واحد منهم في وادي ياسين ومش بيبطل رن على وعد، ووعد وهروبها من قلبها ومن ياسين
واخيرًا استسلمت وعد لرن ياسين وردت عليه.
اخيرًا ياوعد رديتي عليا أنا هتجنن عليكي وعد انا بحبك علشان خاطري خليكي موجودة وارجعي عن اللي أنتِ بتقوليه دا، متهربيش ياوعد أنا عارف ومقدر خوفك انا مش هسيبك.
أنا أسفة يايسن مش هقدر أكون موجودة ولو سمحت خلينا ذكرى حلوة في حياة بعض ونبعد أحسن ما نخسر بعد والكره مالي قلوبنا، أنت أحسن حد دخل حياتي وعلشان كدا هنبعد خلي بالك من نفسك كويس وربنا يراضيك مع السلامة.
• «اليوم أسير في الطُرق التي سلكناها سويًا وقلبي يرتجف من الحزن الذي اصابة»
تعليقات
إرسال تعليق