_____________________
_كنتي بتعملي ايه؟!
:مفيش كنت قاعده عادي.
_متكدبيش كنتي بتعملي ايه علشان صوتك بيقول إنك معيطه.
:يبنتي كنتي قاعده عادي في ايه.
_كنتي فاتحه الاكونت بتاعه وبتراقببه كالعاده صح!!
:-------
_ردي كنتي بتتفرجي على صورة والاكونت بتاعه صح!!
:--------
_يبنتي حرام عليكي اللي بتعمليه في نفسك ده والله.
:بحبه.
_يبنتي ده خاطب.
:لا فركش
"ايه ده محدش شاف كرامتي يجدعان "
_بس لسه بيحبها صح ولا غلط افهمي بقي وفوقي وبطلي تراقبيه انسيه بقي.
:انساه ! هي سهله يعني اني انساه ما انا حاولت كتير ومش عارفه بحبه اعمل ايه يعني
_اهدي بس ومتزعليش والله انا زعلانه علشانك بس مش اكتر اهدي وحياتي.
:بحبه اوي هو ليه مش بيحس بيا ها بحبه اوي والله
"أنا مروه عندي ١٧ سنه داخله أولى كليه كان حلمي ادخل كليه علم نفس بس هو الحلم تقريبا مش هيتحقق ومش هقدر ألوم حد لأني انا اللي غلطانه مركزتش في مذاكرتي كويس الحمد لله بحب واحد بس للاسف مبيحبنيش"
ودي حبيبه صحبتي بتهزأني كالعاده علشان كنت بتفرج على صوره والاكونت بتاعه وبعيط إيه المشكله أنا مش فاهمه والله ناس غريبه او انا اللي معنديش كرامه زي ما هم بيقولوا باين كده "
__________________________
*بت
مروه:امم
*ايه امم دي ردي عدل.
مروه:خلاص ايوا، نعم، يعيون البت حلو كده
*عامله ايه
مروه:تمام الحمد لله، وانت
*تمام
مروه:مالك!
*مفيش
مروه:لا فيه بدم قولت تمام يبقي فيه.
*عاوز اكلمها بس مش عاوز.
مروه:اه عارفه الاحساس الزباله ده.
"بحسه معاك عالطول والله يسطا مش غريب عليا يعني "
*وحشتني اوي انا هكلمها خلاص.
مروه:طب استن نتكلم بالعقل.
*ماشي.
مروه:هتكلمها ازاي او ترجعوا ازاي انتوا كنتوا مخطوبين مش مرتبطين في فرق بين انكوا مخطوبين وانكوا مرتبطين.
*ميهمنيش كل ده هي وحشتني وهكلمها خلاص.
مروه:طب ماشي ادخل قولها انها وحشتك.
*دخلت بالفعل.
مروه:يارب ترجعوا لبعض.
*يارب.
مروه:لما ترد ابقي قولي بقي.
*ماشي.
________________________
_قفلت الفون وقعدت اعيط كعادتي ايه الجديد هي وحشته وحشته لسه بيحبها مفيش أمل انه يحبني خلاص والله انا بحبه اوي نفسي يحبني بس هو بيحبها ربنا يسعده اهم حاجه .
استوووب"ده أحمد بقي اللي بحبه عنده ٢٠ سنه الا شهرين كده من القاهره داخل تانيه كليه عرفنا بعض بسبب هوسي بتامر حسني المهم احنا صحاب بس انا مهزأه وبحبه وكمان كنت قلتله قبل ما اعرف انه بيحب اصلي مهزأه بعيد عنكم المهم أنه بيحكيلي عن منار اللي بيحبها وكانت خطيبته بس فركشوا بس لسه بيحبها وراح يكلمها وانا ببكي على الاطلال هنا"
----------------------------------------
مروه:بقولك.
أحمد:قولي.
مروه:لا خلاص.
أحمد:لا قولي ومتعصبنيش انتي عارفه اني مش بحب كده.
مروه:عارفه بس كنت هقولك حاجه بس رجعت في كلامي بص هقولك بس مش النهارده.
أحمد:خلاص والله ما انا عاوز اعرف اصلا.
مروه:لا هقولك بس مش النهارده.
______________________
أحمد:بت.
مكالمه واتس فائته،مكالمه واتس فائته.
مروه:ايه في ايه، انت كويس، ايه اللي حصل، مالك.
أحمد:اهدي بس ثواني.
مروه:طيب.
أحمد:عامله ايه.
مروه:تمام،بس كل ده علشان عامله ايه خضتني.
أحمد:ما انتي اللي مختفيه من الصبح.
"طب في حد يخطف قلب حد كده يجدعان افتقدتني من الصبح بالله لو ما اتجوزني الوقتي لأعملكوا فضيحه يلا بقي"
مروه:معلشي،عامل ايه.
أحمد:تمام الحمد لله.
مروه:مش كنت عاوزه اقولك على حاجه من يومين كده؟!.
أحمد:اها.
مروه:طيب هقولك الوقتي استن.
النهارده 11/8/2021 كده بقي بقالنا ٦ شهور نعرف بعض امم كنت قيلالك اني هقولك حاجه حبيت اخليها في اليوم ده علشان انت عارف اني بحب ابعتلك فيه رساله فمكنش ينفعش اقولك قبلها ياريت لو في اي حاجة تزعل اوعي تزعل لاني عمري ما اقصد ازعلك المهم اول حاجة الف مبروك انك رجعت انت ومنار تاني بتحبها بجد ربنا يخليكوا لبعض عارف بحبك اه بحبك ومش بحبك بس ومقدرش اقول في دي لا عمري بس جيت ابص لاقيت انه مينفعش عارف كان جالي امل لما سيبتها انك ممكن تحبني مكنتش فرحانه انك سيبت منار كنت زعلانه علشان انت انت بتحبها وزعلان فأنا زعلانه علشان انت زعلان بس كان في امل صغير اتجدد جوايا بس عارف كنت دايما عقلي مش قابل الفكره وانك ممكن تحبني بس قلبي الأهبل ده كان بيسكته وبيعطيني أمل بس لما شوفت قد ايه انت زعلان ونفسكوا ترجعوا وكل ده فوقت شويه وفكرت ما انت لو كنت عاوز تحبني كنت حبتني من ٦ شهور بس محبتنيش فمش هتيجي وتحبنى الوقتي يعني بتقولي اني اتحب وكل ده كنت بقعد اقول طب بدم انت بتقول كده ليه مش بتحبني لحد برضو اما شوفت حبك لمنار افتكرت نفسي واني مش عارفه احب غيرك وانت مش بتحبني ما بالك بأنك بتحبها وهي بتحبك ومخطوبين كمان اكيد مش هتعرف تحب غيرها وده مش يدل ان اللي قدامك وحشه بس انت حبيتها بجد فمش عارف تحب غيرها فعلا الحب ده شئ جميل معلشي طولت عليك بس مش يمكن آخر رساله الله اعلم الايام مخبيه ايه في الاخر حابه اقولك اني بحبك وكل حاجه بس المرادي انا هبعد بمزاجي بإرادتي مش مغصوبه ولا زعلانه بالعكس فرحانة ليك اوي وكمان لاني اقتنعت انك مينفعش تحبني اكيد هتحب وهحب في يوم بس انت هتكون اول حب جربته ربنا يسعدك في حياتك ومع خطيبتك ويخليكوا لبعض ويجعلها من نصيبك يارب ووتجوزوا بس اوعي تنسى تعزمني على فرحك لسه صحاب عالفكره تكلمني في اي وقت ولو عاوز تقولي عامله ايه بس اي وقت لسه صحاب وموجوده لو احتاجتني بتمنالك السعاده في حياتك
أحمد:يابنتي انتي مش وحشه والله ولا متتحبش ولا كل الكلام ده بس كل واحد مش بيقرر هو هيحب مين او بيحب مين مش العقل اللي بيختار ممكن هي مش افضل اختيار بالنسبالي بس حبي ليها خلاها احسن اختيار بالنسبالي ومقتنع بيه جدا وربنا يسعدك ف حياتك يارب وتلاقي ابن الحلال اللي يحبك وتحبيه ومتقلقيش هعزمك ع الفرح
مروه:يابني اقتنعت بالحته دي خلاص اه لو معزمتنيش هجيبك من شعرك .
______
مروه:أنا خدت قرار ونفذته كمان.
حبيبه:أبهريني قراراتك دي بخاف منها اصلا قولي ي اختي قولي.
مروه:لا المرادي قرار كويس. انا فكرت ولقيت إن أحمد مش هيحبني لو كان عاوز يحبني كان حبني من ٦ شهور هو خلاص قررت اننا صحاب وبس.
"طب بالله يجدعان انا اكبر كذابه وشويه وقلبي هيطلع يشتمني علشان انا لسه بحبه ما انا مهزأه اصلا" وكله عارف كده بس عمرنا ما نروح نقول "
حبيبه:طب حلو بس ياريت تفضلي ثابته على قرارك كده ياريت يعني.
مروه:لا إن شاء الله لا تقلقي هو انا عمري رجعت في قرار وبالذات لو في حوار أحمد ده.
حبيبه:انتي اصلا عمرك ما ثبتي على قرار وبالذات في حوار أحمد ده.
مروه:طب كويس انك عارفه يعني مش هتتصدمي ولا حاجه فعادي.
حبيبه.......!
مروه:البت شكلها إتشالت سلامعليكوا انا بقي.
_______________________
بعد شويه:
أحمد:بقولك اي، غني لتامر حسني.
مروه:مين هيغني
أحمد:مروه
مروه:مروه انا
أحمد:اومال انا ، يلا مبهزرش والله
مروه:ده انا صوتي زباله يعم
أحمد:ملكيش دعوه بقا، غني ورد صناعي.
"ورد صناعي إيه بس اللي أغنهالك يسطا أنا أغنيلك قولني كلام حاجات من دي مش ورد صناعي"
مروه:انت دايما بتقولي متغنيش
أحمد:لا كنت بهزر والله
مروه:طيب استن
🎶🎶🎶🎶🎶🎶
مروه:صوتي زفتتتت
أحمد:مسمعكيش بتغني تاني بقا، انا كان عقلي فين، اتجننت عشان اطلب طلب زي ده، ده مش صوت يغني يا مروه.
مروه:هو انا ضربتك على ايدك يعم انا ماشيه.
______________________
مروه:بت
@ايه
مروه:وحشتيني
@:مووور
مروه:تعرفي إني بحبك اه والله
@:مصيبه عملتي ايه المرادي
مروه:أنا لاء عمري يبنتي تعرفي عني كده
@:مروه اخلصي هخرب عليكي
"وطبعا يجماعه دي واحده لازم أثبتها كده الاول دي الجزء التاني من الشله بتاعتي ماي بيست فريند سهيله او نقول بومه هانم علشان هي بومه أصلا المهم حاليا عاوزه اهرب بس مش عارفه ازاي اني خاااايف"
مروه:سهيله اهدي بس هنتكلم بهدووووء
سهيله:مروه اخلصي الاه
مروه:طب تمام انا...
سهيله:ها اخلصي
مروه:أنا إتكلمت أنا وأحمد تاني بعد إما بعتله الرساله اللي قولتلك عليها دي
سهيله:أحيييييييه يمروه أحيييييييه
مروه:ما هو يعني اصل هو
سهيله:أصل إيه وزفت إيه ومعتش هكلمه وإحنا صحاب وبس ومش هنتكلم خلاص هبعد مش قولتي كده
مروه:ما هو.....
سهيله:مروه إمشي من وشي حالا.
مروه:طب سلامعليكوا انا بقي هجيلك وقت ثاني علشان شكلك مجنونة الوقتي
"وطبعا يجماعه الجري نص الجدعنه فخرجت من الشات ومتسجرتش افتحه تاني اصل دي بتاكل عيال صغيره اصلا والله المفروض إني أكبر منها بسنه وتحترمني وكده بس زي ما انتوا شايفني كده واهم حاجه عندي الكرامه ثم الكرامه ثم الكرامه"
________________________________
أحمد:صباح الخير.
مروه:ايه ده ايه ده صاحي بدري كده ليه.
أحمد: منار كان وراها درس ومصحياني من الساعه ٩ علشان مش عاوزه تروح لوحدها انا مالي انا ومال كل ده.
مروه:معلشي استحمل.
بعد كام ساعه:
مروه:بتعمل ايه
أحمد:قاعد في فندق
مروه:بتعمل ايه هناك مش ليك بيتكم
أحمد:قاعد انا ومنار في كافيه هناك.
مروه:ايه ده بجد هي لسه معاك
أحمد:اومال هروح فندق لوحدي اعمل ايه يعني
مروه:خلاص يعم مكنتش اعرف.
أحمد:طب اتقلي كده علشان منار في الحمام متجيش تلاقيكي عماله تبعتي رسايل كده
مروه:ماشي.
___________________
مروه:ها عملت ايه النهارده.
أحمد:قاعدت انا ومنار مع بعض وووووووووو...
_كان بيحكي عن خروجتهم وانا كنت في دنيا تانيه خالص بيحكي عن واحده تانيه خرج مع واحده تانيه مش معايا كنت تايهه وبعيط مش عارفه عيط امتي وازاي بس فوقت على صوت رساله منه رديت عليه وقولتله هنام.
______________________
فاتت ايام كتير جيه يوم اتخانقنا مش خناقه كبيره كان مجرد سوء تفاهم بسيط بس هو مردش علي تبريري للموضوع قررت اقفل فتره قفلت ٣ أيام كنت مفكره انه ممكن يقلق او ممكن يتصل بس طبعا عكس توقعاتي متصلش فتحت ٣ يوم بالليل كنت مفكره هلاقي رسايل منه كتير بقالي ٣ ايام مش ظاهره المفروض يكون مفتقدني زي ما كان قايل إننا صحاب ويومه بيبقي ناقص من غيري بس للأسف ملقيتش منه ولا رساله ولا حتى رد على اخر رسايل بنا ساعتها كنت مصدومه قلبي اتكسر على ايده للمره المليون تقريبا كتبت بوست اعاتبه فيه نزلته استوري شافه مكنش فيه اي رد فعل قعدت يومين فاتحه مستنياه يكلمني بس طلعت مش فارقه معاه خلص زعلت اوي ساعتها قررت اني ابعد عنه قفلت سوشيال تاني بس كنت مقرره ابعد فتره أطول بحاول انساه
"بس انا مهزأه والله يجماعه ولا هنساه ولا نيله طول ما انا قافله هفضل اتفرج على صوره وفيديوهاته وشاته وأسمع ريكورداته لحد اما أحفظهم وأول ما أفتح ويكلمني هرد عالطول وده ليه بقي لأني مهزأه عادي جدا"
جيه تاني يوم ولسه قافله سوشيال برضو بس مش نسيته دايما قدامي وانا بعمل اي حاجه بشوفه قدامي بهرب من التفكير. فيه بالنوم بس بحلم بيه برضو مش عارفه أعمل إيه علشان انساه بالله ما عارفه
عدي كام يوم كمان حبيبه عاوزاني أفتح وأنا عاوزه بس خايفه خايفه أفتح أوي لو فتحت وملقيتش رسايل منه بعد كل الفتره دي أنا ممكن يحصلي حاجة قلبي هيتكسر للمره الاكتر من المليون والله خايفه أفتح أوي بجد بستناه كل يوم كل دقيقه كل ثانيه إنه يتصل مش بيتصل مش بفقد الأمل وبفضل مستنيه وهفضل مستنيه عدا كذا يوم جيه يوم لقيت فوني بيرن بس مطلعش هو المفروض أبطل أحبك شويه المهم رديت علشان لو اتأخرت عليها في الدر هتاكلني
مروه:ألو.
&ألو عامله ايه أخبارك قافله ليه.
مروه:تمام،بصراحه خايفه أفتح اوي خايفه افتح ألاقيه مسألش عليا خايفه ملقيش مسدجات.
"وطبعا يجماعه عنيكوا ما تشوف إلا النور خدت كميه تهزيق طبعا" إيه ده نسيت أعرفكوا على البيست فريند التالته بتاعتي عزه قلبي من جوا كده لو هشحت محبش حد قدها أصلا شلتي الصغيره متكونه من عزه وحبيبه وسهيله لو هشحت كده محبش حد قدهم بجد بعتبرهم نصي التاني وبجد بجد بحبهم اوي المهم نرجع للتهزيق تاني"
عزه:طب والله لو كنت اعرف انك قافله علشان الحوار ده ولا كنت هعبرك ولا أسأل فيكي ولا كنت هكلمك اصلا عيله مهزأه صحيح.
"ايه ده ي جماعه في إيه هي البت دي بتقفش بسرعه كده ليه هو انا قولت حاجه غلط الوقتي طاا"
مروه:يبنتي مش كدا افهمي انا خايفه افتح بس طبيعي هفتح بس حاليا بشحت على باب السيده فمش معايا فلوس أشحن بس كده
"والحمد لله لحقت نفسي لأن البت دي بتاكل بني ءادمين أصلا"
المهم طبعا قعدنا نرغي بتاع نص ساعه كده بكارت الفكه اللي شحناه ده وطبعا قفلت علشان شحاته ورصيدها هيخلص مصاحبه شحاتين والله وانا اولهم عادي يعني
المهم في كذا حد من صحابي بيتصلوا عليا يشوفوني قافله ليه مكنش هاممني كل دول انا كنت عاوزاه هو بس يتصل كنت مستنيه اسمه ورنته اللي ليه هو بس مفيش حد يشاركه فيها"وطبعا بما إني تافهه وكدا فهخرج عن الحوار عادي واقولكوا الرنه حاطه اغنيه قولني كلام لتامر حسني قلبي ده لو هشحت كده محبش قده والنبي انا مهزأه وبحب أمه لا إله إلا الله أصلا " كنت مستنيه أسمعها بس للأسف مسمعتهاش بس لسه مستنياه لسه وهفضل مستنياه كمان
فكرت أفتح وفتحت فعلا بعد ٦ أيام قافله كنا الساعه ٣ الفجر كده وكنت متوقعه طبعا اني هلاقي رسايل بقي وكل ده وكالعاده مش بلاقي ولا مسج ولا كأني إختفيت كتير كده ولا كأن وجودي فارق أصلا وكالعاده اتصدمت بقت عاده عندي اني أتصدم منه فعادي يعني مش حوار بعد إما كنت هفتح قفلت تاني وخدت بعضي بقلبي اللي مجروح بدموعي اللي مش راضيه تنزل وبكل هدوء هدوء من بره بس بس من جوا جوا في دوشه جامده أوي بهدؤي ودوشتي دول دخلت نمت هعيط على إيه ولا إيه بصراحه معتش ملاحقه أعيط فبنام النوم هو المكان الوحيد اللي بهرب فيه من أي حاجة حوليا النوم وكعادتي هنام وانا جوايا كميه وجع وحزن ميكفيش بلد أصلا وكل ده بسبب إني حبيت واحد مبيحبنيش ولا هو ليا للأسف وطبعا كده وصلنا للنهايه إنه مش ليا ولا هيكون ليا
"وحابه أقول بلاش تتعلق بلاش تحب بلاش كل ده هتتعب في الآخر بلاش تحب حد مش ليك عارفه انه بيبقي غصب عنك مش بمزاجك كل ده عارفه أنا واحده ضد فكره الارتباط أو إن ولد وبنت يتكلموا أصلا بس فجأه إتغيرت مش عارفه ليه بس اتغيرت لما حبيت ودي كانت أكبر غلطه في حياتي حبيت حد مش ليا واتعلقت بيه وفي الآخر انا اللي خسرت وإتجرحت في النهايه حابه أقول بلاش تحبي غير واحد دخل البيت وخطبك من الآخر متحبيش غير خطيبك وجوزك المستقبلي".
مهما بعدت عني هفضل أحبك ومش هعرف أنساك هتفضل أول حب في حياتي حتى لو مكنتش ليا بس هتفضل أول حب جربته بحبك
" أخبرتك أنّ وجودك كان يملأ الفارغات التي بداخلي، لكنك بَخلت عليّ ورحلت".
وفي الخلفيه صوت تامر حسني وهو بيقول" حبيبي من يوم ما بعدت عنك بستناك وفكرك كل يوم ولا بنساك ولا بعدك لقيت راحه بموت ميه مره بالراحه وده اللي بحس بيه وعاااارف كل إما أحاول أبطل أحن لييك قلبي يقوم واجعني تاني عليك وأيامنا اللي واحشني هي دي اللي قتلاني مش عارف أعمل إيه أنا نفسي نرجع تاني نرجع ومتسبنييييش كل حاجه فيك وحشاني ولا عارف بعدك اعيييش طب أقولك حاجه تعباني من يومها وانا في مكاني وإنت اللي مبتجييييش"
تعليقات
إرسال تعليق