" الموبايل رن باسم حازم ف رديت"
مريم:سلام عليكم
____:وعليكم السلام.. حضرتك تعرفى صاحب الرقم دا؟
مريم(بقلق):اه اه أخته
____:صاحب الرقم دا لقيناه مغمى عليه ف الشارع ونقلناه مستشفى***تقدرى تروحيله
"معرفش ازاى لبست وركبت العربية ووصلت قدام المستشفى بالسرعة دى ،سألت على غرفة حازم وطلعتلها"
الدكتور: حضرتك تقربى للمريض اللى جوا؟
مريم:أنا أخته هو هو فى ايه ماله حاازم
الدكتور:عملناله تحاليل وللأسف طلع واخد جرعة مخد*رات زيادة
مريم:ايييييه اللى حضرتك بتقوله دا،انا اخويا مبيشربش القرف دا
الدكتور: حضرتك التحاليل بتأكد أنه بيتعاطى بقاله شهر وجسمه مقدرش يقاوم لما خد جرعة زيادة ف عشان كدا اغمى عليه
مريم(بصدمه):يعنى ايييه! يعنى اخويا مد*من!
الدكتور:____
مريم(بحزن):طب هو هيفوق امتى يادكتور
الدكتور:ممكن يفوق خلال ال ٢٤ ساعة الجايين وأكيد هنبلغ حضرتك، عن إذنك
مريم(بعياط):ليه ياحازم ليييييه عملت فى نفسك كدا،ليه توجع قلبى عليك بالشكل دا،ليه مشيت ف السكة دى ليييه،تفتكر بابا وماما الله يرحمهم مبسوطين منك دلوقت!
"قومت صليت ودعيت له كتيير وفضلت قاعدة ف المستشفى لحد ما فاق"
____:يااستاذة، استاذ حازم فاق
مريم:ينفع ادخله
____:اه طبعا اتفضلى
"دخلت ولقيت وشه باهت خالص وتحت عينه كلها سواد وشعره بقا طويل وحرفيا كنت عايزة اعيط قدامه بس مسكت نفسى"
حازم:حمد لله على السلامه يامريم
مريم:عملت ف نفسك كدا ليه ياحازم !
حازم:أنا عايز أخرج من هنا
"استأذنت من الدكتور ودفعت مصاريف المستشفى وخرجنا ماهو اكيد مش هيتكلم ف المستشفى يعنى"
"روحنا قعدنا على النيل عشان يعرف يتكلم براحته"
حازم (بتنهيدة): كنت بحبها اوى...كنت مستنيكى ترجعى من السفر عشان اروح اتقدملها ... كنت بدعى ربنا بيها وانا بصلى...عرفت انها خطبت...مجرد ماعرفت كدا روحت البيت قعدت اكسر ف اى حاجة قدامى .. وقعدت اعيط..مكنتش بعرف اكل ماكانش بيبقا ليا نفس للأكل اصلا..وكنت قاعد مع صحابى مرة وحكيتلهم عشان مكتمش جوايا واتعب اكتر ... بدأو ياخدونى ف سكة المخد*رات بحيث أن أنسى..وانا زى العبيط مشيت وراهم..حياتى اتشقلبت ١٨٠ درجة ..بقيت مد*من .. مبقتش مهتم بشكلى ولا حلمى ولا اى حاجة .. جربت ابطل بس بس مش قاادر..كان نفسى احكيلك وانا بكلمك فيديو كول بس مكنتش قادر احكى.. كنت خايف عليكى من اللى هتحسيه لما تعرفى أن اخوكى بق بقا مد*من..أنا عايز ابطل القرف دا يامريم..أنا مش مرتاح ..كفاية أن ربنا مش راضى عنى وانا ف سكة زى دى
مريم(بدموع): اولا ياحازم هى لو من نصيبك ف اتأكد إن كان ربنا جمعكو مع بعض..ف هى اكيد مش خير ليك ..لان ربنا بيختار الخير لينا ف مينفعش نعترض على قضاء ربنا..ثانيا انسى كل حاجة وانسى اصحابك دول وابعد عنهم وهنبدأ خطوة خطوة من اول وجديد..وهتستحمل وهتخف بإذن الله وانا هكون جنبك ..بس اوعدنى انك هتقاوم نفسك ف فترة العلاج ولما تخف أن شاء الله مش هتمشى ف السكة دى تانى
حازم(بحزن على حاله):اوعدك
"راح المصحة وبدأ يتعالج والدكتور بلغنى أنه عنده استيجاب للعلاج وعنده إرادة ف أنه يبطل خالص ..كنت بروحله كل يوم واقعد احفز فيه وهو اصلا اشطر كتكوت ف حياتى والله لو هشحت كدا محبش أد حازم اخويا بجد.. وبعد فترة مش طويلة الدكتور بلغنى أن حازم اتعافى بنسبة ١٠٠%"
مريم:احلى واشطر كتكوت دا ولا ايه متتصورش أنا مبسوطة بيك ازاى
حازم: الحمد لله يامريومة بفضل ربنا ثم بفضلك أنا اتعفيت
مريم:ياهوووو
مريم:يلا بقا ياشبح عشان تعزمنى على حاجة بمناسبة انك خفيت
حازم:ايدا هو مش المفروض العكس وانتى اللى تعزمينى!
مريم:محصلش
حازم:دا انا عيونى ليكى لحد مااخلص منك واجوزك بقا عشان زهقت
مريم:اقعد توه ف الكلام عشان انسى ومتعزمنيش بس على مين يابااباااا أنا مبنساش اصلا ولو معزمتنيش ياحازم لاقتلك حتة حتة وارميك للكلاب اللى ف الشارع عشان ياعينى جاعنين خالص
حازم: طيب خلاص حاضر ايه بلاعة واتفتحت
مريم:ايوا كدا أما أنا مقولكش استرونج اندبنت وومان بقا إنما ايه
حازم:اومااال
"حازم خرجنى وقعدنا نتمشى كتييير اوى وعزمنى على حاجة الحمد لله وبالله أنا بحبه اوى "
ف البيت
حازم:بت أمرياااااااام
مريم:ايه بتنادى على واحد صاحبك!
حازم:فى واحد زميلى متقدملك وهيجى النهاردة وهو محترم وبيصلى وعارف ربنا وابقى قابليه وصلى استخارة ولو ارتاحتى يبقا على بركة الله خلصنا منك
مريم:تخلص من مين يلااا داانا قاعدة على قلبك اصلا
حازم:ها قولتى ايه
مريم:هقابله وهبقى اصلى استخارة زي ماقولتلى
حازم: احم بصراحه كدا عايزك تيجى معايا بعد ماتقعدى مع اللى جايلك النهاردة نتقدم لسلمى جارتنا وهى معايا ف الكلية على فكرة
مريم: ايوااا بقا هو دا الكلام التمام
حازم:قولتى ايه
مريم:هو أنا الاقى فرصة اخلص منك وارفض ! طبعا موافقة
حازم:تخلصى منى!
مريم:ايه ياوحش مالك بتقرب كدا ليه ايدا انت هتضرب ولا ايه مش عيب تمد ايدك على انثى زيي ..هه بهزر أنا مقدرش ابعد عنك لحظة اصلا
حازم :ايوا كدا اتعدلى
مريم:اخويا وروحى وكل حاجة ياجدعااان لو هشحت كدا محبش ادك
الخلاصة:(بلاش السكة دى كلها مصايب وقرف دا غير نظرات الناس وغير أن ربنا مش هيبقى راضى عنك.. ابعد عن أى صاحب سوء لان هيوديك لسكة مش كويسة...مش عشان حصل مشكلة تلجأ للسكة دى ..ممكن تلجأ لربنا وهو اللى هيجبلك الحل صدقنى .. ادعى وانت بتصلى وبإذن الله هيستجيب )
تعليقات
إرسال تعليق