=فينك
سيبتيني لوحدي ليه؟
دي كانت الرسالة الي مش عارفة عددها الي ببعتهلها
اختفت.. اختفت فجأة مش عارفة راحت فين
الرسائل بتوصل بس مش بتشوفها
حتي مبقتش عارفة هي قفلت الصفحة مثلا؟
هي مبقتش تنزل حاجة عليها من ساعة ما سابتني
بس هي اصلا مكانتش بتنزل كتير
حاسة اني هتجنن
(ازيكم انا سجود عندي 22سنة اهلي متوفيين معنديش اخوات عايشة لوحدي
معنديش غير عمي الي بيطمن عليا كل فترة
عندي صاحبة واحدة أو كان عندي مش عارفة احدد)
انا من النوع الي بيتعرف علي ناس كتير بس مكنتش بدخل اي حد حياتي لاني كنت خائفة علي نفسي
اه خايفة انا مش بستحمل الفراق فكنت بخاف
بخاف بيجي يوم ويمشوا بس حتي بعد محاولاتي مشيوا
ومبقتش ادخل في علاقات تاني حفاظا عليا وعلي قلبي الي بيوجعني مع كل فراق
بقيت منغلقة علي نفسي لحد اما هي جت
ارتاحتلها وفتحت قلبي تاني
بقت محتلة كل وقتي وكل حبي ماانا مكنش عندي غيرها فكنت مدياها كل حاجة
بس فجأة اختفت من غير اي خبر وانا ببعتلها رسائل علي امل واحدة توصلها
هم ليه بيسيبونا كدا وهم عارفين اننا هنتعب هم مش بيفهموا مثلا؟ لا حقيقي ليه الأذية دي
كنت لسة هكتب رسالة تانية لحد اما جالي اشعار انها نزلت بوست
بقيت مش صدقة وجريت اشوف الي منزلاه عشان اطمن عليها
بس انصدمت
ده..ده..هو....اخويا؟ يعني هو اخوها؟..بس ..بس انا مش فاهمة حاجة
روحت عالشات عشان الحقها قبل ما تقفل تاني
لقيتها عملت بلوك
بقيت قاعدة هتجنن لحد اما بدأت اربط الاحداث مع بعضها
هي نفس الطريقة ازاي مأخدتش بالي؟
قعدت في ذكرياتي من سنة ونص
كنت بدأت انعزل عن الناس وبقي تليفوني هو الحاجة الوحيدة الي بتخليني متصلة بالعالم الخارجي
لحد اما لقيت حد باعتلي علي صراحة
اخدتها ونزلت بوست ورديت عليها
بعت تاني رد علي كلامي وانا ارد
لحد اما اتعلقت بيه وبقيت استني الصراحة بتاعته مكنش بيقول حاجة بس كان بيطمن عليا دائما وانا كنت فاقدة الاهتمام فحبيت الاهتمام ده
لحد اما في الاخر قالي هو مين وطلع ولد
وبعت ادد وانا قبلت! ايوا قبلت مااحنا مش بنتكلم في حاجة غلط واحنا أصحاب واخوات بس
وبقينا نتكلم يوميا وبالساعات كمان ومش بنزهق
ومكنش فيه اي كلام خارج بصراحة
وفضلنا عالحال ده سنة كاملة
بس اكتشفت أنه حتي كلامنا الغير خارج مينفعش
مينفعش كلام بين الولد والبنت اصلا
لان ربنا قال في كتابه الكريم "ولا متخذات اخدان"
اي لا تتخذ المرأة خليلا لها والخليل اي الصاحب
مبقتش عارفة اعمل ايه طب ابطل أكلمه ازاي؟ طب هو انا لو قولتله هيفهمني؟ولا هيقول اني بتهرب ومش عاوزة أكلمه تاني؟
يارب اهديني للحل يارب
فضلت اكلمه تقريبا اسبوع بس مع كل كلمة كنت بحس بتقل علي قلبي واني باخد ذنوب مع كل حرف وكنت بتعذب حرفيا
لحد ما قررت
قفلت الصفحة واختفيت
ايوا مقدرتش اواجهه مع أن الحق معايا بس انا مش من النوع الي بيقدر يناقش حد كتير بتعب
وطبعا اخترت ربنا
طلعت اخته؟ يعني أنا كان بيتلعب عليا؟مش قادرة اصدق
طب هي عارفاني يعني اكيد عارفة اني مش بحب الفراق
يبقي اكيد مكنش سهل عليا واكيد ربنا عارف ده
وممكن ده يكون اختباره وعقابه ليا
هي كانت سايبة الاكونت لحد ما نزلت الصورة وبعدين عملتلي بلوك
كانت بتوصلي الرسالة!
سابتني بنفس الطريقة بس انا كان عندي أسبابي
كانوا بيدوقوني من نفس الكاس هه ميعرفوش اني دوقته اصلا كتير
فهمت كل حاجة دلوقتي!!
بصيت علي الصورة الي حطاها ليها هي وأخوها وبكل الحزن الي جوايا الي انقلب حقد:
خلاص؟ارتحتوا كدا؟ حسستوني باللي حس بيه؟
دي اخر مرة هدخل في علاقة
الناس بقت مؤذية اوي
رجعت تاني لعزلتي بس المرة دي اكتر من الاول مش بقيت حتي امسك التليفون
بس نزلت شغلي اه ماانا دكتورة جراحة بس كنت حتي قررت انعزل عن ده
عدت سنة وانا بحاول اتعافي من تجاربي كلها بس مرجعتش في قراري بحاول اتعافي عشان اعيش
& سجود في واحد متقدملك
=قوله مش موافقة يا عمي
&يا حبيبتي شوفيه واقعدي معاه بس
ده اتقدم اكتر من مرة وبيرجع رغم انك كنتي بترفضي
انا سألت عليه والشاب كويس جدا
وانتي عارفة اني مش هغصبك علي حاجة
=انا نفسي استغربت مين الي متمسك بيا اوي كدا؟ ويعرفني منين ده انا نفسي مش متمسكة بيا
=ماشي يا عمي هشوفه
الحقيقة استغربت اكتر لما عمي بلغني أنه كان باين في صوته فرحة كبيرة اني وافقت
عدي 3ايام وجه هو وأهله للرؤية
*احم ازيك يا سجود
= الحمد لله في زحام من النعم
رديت وانا اصلا لسة يستوعب الموقف
*انا احمد 26 سنة مهندس معماري شغال في شركة علاقتي بربنا الحمد لله كويسة
=انا سجود 23 سنة دكتورة جراحة
اتنهدت: انا واحدة معنديش طاقة ادخل في علاقات.. واحدة اكتفت من الدنيا..واحدة كل يوم الصبح تسال نفسها هي عايشة ليه.. واحدة بتسأل نفسها كل يوم هو انا وحشة اوي كدا إنه محدش يفضل جمبي
الطفلة الي جوايا ماتت
* مماتتش لا هي بس لقت العالم بقي ميستاهلش البراءة بتاعتها فاستخبت جوة مستنية الي يطلعها تاني..تسمحيلي اكون الشخص ده؟
محتاج فرصة
=للاسف الفرصة دي هي الحاجة الي انا عايشة بيها
*اديهالي
=خدها
*ببساطة كدا؟ مسألتنيش هتعيشي ازاي لما تديني فرصتك
=عادي مبقتش فارقة انا اصلا مش باقية علي حياتي
*وهتبقي عليها امتي؟
=لما اعرف انا عايشة ليه؟
*لما تسأليني هتعيشي ازاي هعرف انك باقية عليا
انا هاخد فرصتك
بس هنكتب الكتاب علطول عشان اعرف اتصرف
طريقته لطيفة بس انا مكنتش باقية علي حاجة وحتي فرصتي ادتهاله
كان عنده اخت بقت صحبتي
مقدرش اقول انها بتفرض نفسها عليا
لان وجودها لطيف..شبهه!
بس مرضتش اعلق نفسي لاني عارفة أنه علاقتي بيها مربوطة بيه ومع اول خناقة هتروحله
كتبنا الكتاب فعلا وبقيت مراته بس انا مش حاسة بحاجة عاملة زي الحي الميت
كان بيعمل حاجات كتير عشاني خروج وفسح وملاهي كان بيعاملني زي الطفلة..بس..انا خائفة!
*سجود انا محتاج فاصل هرتاح شوية وارجع عشان اعرف اكمل
=ده كان كلامه ليا.. معقول زهق؟ بس عنده حق
كنت قاعدة زعلانة مش عارفة زعلانة علي فراق تاني حاساه قرب ولا زعلانة علي زعله
لقيت الباب بيخبط روحت افتح لقيتها أخته
صحبتي الجديدة
قولت اكيد جاية تزعقلي بس انصدمت
شدتني لحضنها
-متقلقيش يا حبيبتي هيرجع ولحد ما يرجع انا هفضل جمبك هنا
=هو انا قولت مع اول خناقة هتروحله؟
احم طلعت غلطانة
يومين..يومين مش بيكلمني فيهم حسيت بالفراغ بعده وحشني؟ ايوه فعلا وحشني
التليفون رن
=الو
........
=حاضر حاضر
-في ايه يا سجود
=حالة طارئة في المستشفي
-طب يلا هاجي معاكي
روحنا المستشفي بس مكانش فيه حاجة بطريقة مرعبة
المستشفي ضلمة ومفيهاش نفس
=هو فيه ايه؟
يارا انتي فين؟
فجأة النور جه واتصدمت
مش عارفة انا عمالة اتصدم ليه
شوفت يارا وأحمد وعمي والمستشفي كلها واصحابي من المدرسة الي الدنيا فرقتنا
*كنتي بتسألي انتي عايشة ليه
اسمعي
$ فاكرة يا سجود لما كنت بحتاج حاجة تتشرحلي مكنتيش بتتاخري عني ابدا
كلهم ردوا: ولا عننا كلنا
انا لما كنت بحتاج حاجة في الفيزيا
وانا في الكيميا
وانا الاحياء
واحنا الرياضة
حتي لو مكنتيش عارفة اكيد انتي مش عالمة بس علي الأقل كنا عارفين انك مش هتتاخري
وانا انقذتي ابني من الموت ورجعتهولي تاني بفضل ربنا
وانا كنتي سبب في شفائي بعد ربنا بعد اما الدكاترة فقدوا الأمل فيا
وانا كممرضة فخورة أني بشتغل معاكي
وكمان ساعدتيني لما كنت محتاجة مساعدة مالية
وانا وقفتي جمبي لما نفسيتي كانت وحشة
وانا كمدير المستشفي فخور انك موجودة فيها
-وانا ك يارا كنتي ليا احلي صديقة
*اما أنا بقي فانتي سرقتي قلبي
عرفتي بقي انتي عايشة ليه؟
ودلوقتي محتاج فرصة
=بس دي فرصتي الي انا عايشة بيها
*اديهالي
=وانا اعيش ازاي؟
*هتعيشي بفرصي❤️
"وجئت انت لتستبدل العالم بك..❤️"
تعليقات
إرسال تعليق