محمد بجمود: خلاص ي رانيا اديني عملت الي عليا اهو واتجوزتك وسافرتك امريكا عشان تعملي العمليه أظن كدا مفيش حاجه تاني مطلوبه مني
رانيا بحزن:شكرا ي محمد انا عارفه أن ماما هي الي غصبتك عشان تتجوزيني عشان محدش يقول عليا كلمه وحشه انت طبعا عارف ان ملناش حد بعد بابا الله يرحمه واحنا ع اتفقنا اول منوصل هنطلق وكتر خيرك
محمد بشفقه عليها:لا شكر ع واجب انتي برضوا بنت عمي وزي اختي
رانيا بوجع قلب :اه طبعا احنا اخوات اخوات وبس
استووووب نتعرف علي الأبطال الاول
(انا اسمي رانيا والي بيتكلم دا محمد جوزي أو ف خلال ساعات هيبقي طليقي زي مانتو فهمتو هو اتجوزني شفقه عشان يسفرني اعمل عمليه برا مصر وطبعا عشان عاداتنا وتقاليدنا مينفعش واحده تسافر مع راجل غريب حتي لو رايح ينقذها من الموت ومحمد بالمناسبه يبقي ابن خالتي بس عايش لوحده من بعد موت خالتي وجوزها نرجع للأحداث بقا.....
وصلنا ل مطار القاهرة الدولي
وكانت هناك مامتي مستنيانا
ماما:الف الف حمد لله ع سلامتكوا ي ولاد
رانيا ومحمد بنفس واحد:الله يسلمك ي ماما
رانيا:اي ي ماما لازمتها الدموع دي بس
مامت رانيا :دي دموع الفرحه يبنتي انك رجعتيلي سليمه وشوفتك ي نن عين امك
رانيا:طب كفايه دموع بقا وهاتي حضن عشان وحشتيني اوي
مامت رانيا:تعالي ي قلب امك
محمد:مقصدش اقطع عليكوا اللحظه دي بس هو احنا ممكن نروح بقي
مامت رانيا: يلا ي ابني
وذهبوا الي منزل والدة رانيا
محمد:تمام انا كدا وصلتكوا ي ماما هروح انا وبليل هاجيب المأذون عشان نطلق وكل واحد بقي يشوف حاله
والدة رانيا:الي تشوفه ي ابني انت استحملتنا كتير وكتر خيرك
محمد:متقوليش كدا دا واجبي يلا استأذن انا
ام رانيا :اذنك معاك ي حبيبي
ذهب محمد وأغلقت رانيا الباب وراه
ام رانيا:هو لازم يبنتي موضوع الطلاق دا انا قولت هترجعوا زي السمن ع العسل وهتلغوا الاتفاق دا خالص
رانيا بتنهيده حزن:يعني اعمل اي بس ي امي انا بحبه اوي بس للاسف هو مبيحبنيش وخلاص انا مش هتقل عليه اكتر من كدا
وذهبت الي غرفتها وأغلقت بابها
ام رانيا:ربنا يهديكوا ويصلحلكوا الحال يبنتي
عند محمد.....وهو يتحدث ف الهاتف
محمد:الو ي حبيبتي انا لسه واصل اهو ونفسي اشوفك اوي
البنت:ونا كمان ي حبيبي نفسي اشوفك اوي
محمد:تمام تعاليلي ف كافيه *****
وذهب محمد الكافيه وبعد دقائق وصلت الفتاه وهي مرتديه ملابس قصيره ولا تستطيع تحديد ملامحها من الميك اب وعندما رأت محمد اخدته بالحضن وهي غير مباليه بالجميع
محمد:اي الي انتي بتعمليه دا ي مجنونه احنا ف مكان عام
البنت بوقاحه:وفيها اي يحبيبي م يولعوا الناس انت وحشني
محمد :المهم انا كنت جاي اقولك اني خلاص هطلق رانيا انهارده وهاجي اتقدملك
البنت:بجد ي حبيبي انا بحبك اوي
محمد:ونا كمان بحبك اوي يلا انا هروح اجيب المأذون
البنت:ماشي ي حبيبي
ذهب محمد الي المأذون واخده الي منزل رانيا بينما وهو يصعد ع درج المنزل استمع الي صراخ والدة رانيا اخذ محمد يجري ع الدرج وعندما داخل فزع عندما رأي رانيا واقعه علي الأرض لا تتحرك ووالدتها بجانبها تصرخ
محمد:هو اي الي حصل
والدة رانيا ببكاء:معرفش يبني والله هي كانت ماشيه فجأه لقيها وقعت مني ساعدني ي ابني والنبي نوديها المستشفى
حملها محمد واخذ يجري بها الي المستشفي وعندما وصلوا حملوها الممرضين ع أحدي الغرف وذهب خلفهم الدكتور وبعد حوالي ساعتين خرج الدكتور من الغرفه
محمد :طمني ي دكتور والنبي رانيا مالها
الدكتور :انا اسف ي استاذ شد حيلك البقاء لله
محمد :يعني اي انت اكيد كداب ي رانياااااااا ي رانياااا اكيد هي مامتتش لا
بينما كانت والدتها تصرخ عليها وتبكي ب اسمها
وتبدل المشهد بعد 5سنوات أمام مقبره مكتوب ع شاهدها (رانيا محمد عبدالله)
محمد:انا عارف انك سمعاني ي رانيا واكيد حاسه بيا دلوقتي انا عايز اعتذرلك علي اي كلمه دايقتك بيها وصدقيني انا معرفتش قيمتك غير لما روحتي من بين ايديا صدقيني لو رجع بيا الزمن مكنتش هسيبك ابدا واوعدك اني هشيل مامتك ف عنيا وهفضل عايش علي زكراكي لاني بحبك اوي ي رانيا وعمري م حبيت غيرك انا كنت غبي لما فكرت نفسي بحب غيرك لكن انا عمري م حبيت ولا هحب غيرك ابدا وياريت تسامحيني عشان لما اجي عندك نقدر نكون مع بعض وصدقيني اللقا قريب ي حبيبتي اللقا قريب يلا انا همشي بقي وهجيلك تاني مع السلامه ي رانيتي.....💔
تعليقات
إرسال تعليق