- خافي من الجو دا يا بسملة.
_ بس هو في أحلى من المطر يا تيتا.
- أنا مقولتش المطر وحش بس البرق شديد بسبب الجو دا اتكسرت قلوب، واتفرق أحباب.
- إزاي يا تيتا مش فاهمة.
_ أحكيلك حدوتة ومتنزليش في الجو دا.
- أيوا إحكيلي أنتِ بقالك كتير مش حكيتي ليا.
_ " كان ياما كان يا سعد يإكرام وما يحلا الكلام إلا بذكر النبي عليه أفضل الصلاة والسلام".
- ااه.
إنتِ كويسة.
- اه رجلى اتجزعت بس.
منتي من ساعة ما بصيت ناحيتك وإنتِ بتبصي عليا.
- الصراحه حاسه إني شوفتك قبل كدا بس مش فاكرة فين.
هو إنتِ اللى كنتي لابسة فستان أحمر في الحفلة اللى كانت من يومين في القصر.
_ أيوا انا، يبقا أنت اللي وقعت العصير عليه من غير قصد.
ولا يهمك بس كنتي جميلة، أجمل من الأميرات.
- شكراً على المجاملة اللطيفة دي.
دي مش مجاملة دي حقيقة، إسلام.
_ بسنت.
" ومن وقتها بقوا يتقابلوا كتير وحبوا واتعلقوا ببعض"
وفي يوم
_ تعالى يا بسنت عايز أقولك حاجة.
- نعم يا بابا.
_ جايلك عريس.
- مش موافقة.
_ ليه دا والله شاب محترم جدًا.
- مش عايزة دلوقتي، مش حابه دلوقتي خالص، علي الأقل خالص لما أخلص الدبلومة بتاعتي.
- ماشي، اعملى حسابك إن إحنا هنسافر، مش عارف هقعد أد إيه.. أنا مش ضامن كمان هرجع عايش ولا لا بس لازم تكوني معايا.
- متقولش كدا بعد الشر عليك.
_ الموت مفيهوش شر، المهم إجهزي هنمشي بعد بكرا.
_ ماشي يا بابا.
بسنت وحشتيني .
_ اسلام انا ماشية.
ماشية رايحة فين إنتي لسه قعدتي.
_ أقصد إني مسافرة.
مسافرة!! طب وهتيجي امتي.
_ مش عارفة بابا محددش وقت.
يعني هتمشي.!
_ للأسف.
هستناكي لما تنزلى تكلميني.
- مش عارفه هتفتكرني وقتها بقا ولا لا.
ليه؟!
- واثقة فيك واثقة إنك هتحقق نجاح عظيم وهتتشهر وكتابك هيحقق إنجاز عظيم.
شكرا على ثقتك، بس أنا مش هنساكي إنتي متتنسيش يا بسنت.
_ بضحك بس هتكون حد مشهور ومغرور هتعمل مش عارفني بقا.
لا مين قال كدا.
- وه الساعة بقت خمسة أنا همشي عشان متأخرش، ولما انزل تاني هكلمك.
وسافرت بسنت ووالدها لمدة سنة سنةحقق فيها إسلام إنجازه وكتابه اتشهر جدا واترقي في وظيفته، وبسنت خلصت الدبلومة بتاعتها.
- أنا صبرت عليكي كتير أهو وخلصتي الدبلومة بتاعتك وقبل اما نسافر من هنا عايز أقولك إن ابن عمك طلب إيدك.
_ بس...اا
- مفيش بس إنتي هتوافقي معندكيش حل تاني.
_ خلاص يا بابا إديلي فرصة أفكر وأرد عليك.
- ماشي.
ورجعت بسنت تاني.
- إبن عمك جاي بكرا بليل.
_ احنا لسه واصلين النهارده، وعايزة اروح لصاحبتي بكرا.
_ مش هينفع وهتوافقي يعني هتوافقي، انا عارف انك بتتهربي.
- ماشي يابابا هوافق، بس بالله عليك أروح اشوفها.
_ ماشي روحي بس متتأخريش.
......
_ ما تعرفيش عنه أي حاجة.
- عرفت أن كتابه نجح، وبقا شغال في جريدة كبيرة.
_ متعرفيش تجيبي رقمه.
- استني هدور عليه.
_ لاقيت رقمه أهو، هتتصلي بيه.
_ أيوا.
_ السلام عليكم
وعليكم السلام
_ إسلام أنا بسنت فاكريني.
بسنت إنت رجعتي.
_ مش عارفه اسمعك كويس الشبكة وحشة بس عايزة اشوفك ضروري النهاردة هستناك الساعة اربعه في الحديقة.
ماشي أنا سمعتك متمشيش إلا أما اجي.
- هتنزلى إزاي في الجو دا يابسنت إنتي مش شايفة الجو عامل إزاي.
_ لازم أنزل لازم أشوفه، لو مراحش لأبويا أنا كدا هتجوز غيره وأنا مش عايزة غير هو.
- خلاص روحي يا بسنت بس بالله عليكي متتأخريش وخلى بالك لو الجو قلب تعالى يا بسنت.
_ حاضر، يلا لا إله إلا الله.
- محمد رسول الله في رعاية الله يا حبيبي.
"نزلت بسنت عشان تقابل إسلام كان في هوا والسما كانت شبه مغيمة بس الغالب بيدل إن في عاصفة جاية، في نفس الوقت كان نزل إسلام وشاور لتاكسي عشان يركب بس الجو كان عند إسلام وحش أوي ومع ذلك نزل.
صوت هوا شديد وغيوم كثيفة بالسما وبرق بينور المكان وبينطفي في ثواني، صوت برق شديد.
_ يلا يا بسنت إرجعي بيقولوا في عاصفة يا بسنت وأنا خايفة عليكي.
- بس هو لسه مجاش.
_ يا حبيبتي الساعة بقيت خمسة ونص لو كان جاي كان جيه، يلا إرجعي بقا الهوا بقا شديد أوي.
- حاضر أنا جاية.
ببكاء- مش هقدر اتجوزه مش عايزاه أنا عايزة إسلام.
_ إسلام استنتيه ومجاش، إسلام سابك، وإحمدي ربنا إنه كشفوه في أول الطريق وحاولى متبينيش زعلك عشان والدك، عارفة إنك مغصوبة بس والدك مش هيختارلك شيء وحش، يلا يا حبيبتي اطلعي.
- حاضر.
واتجوزت بسنت إبن عمها وسافرت ".
_ بسنت عايزة أقولك على حاجة.
- في إيه؟
_ إسلام.
- هو كلمك.
_ مات، شوفت الاخبار امبارح قالت إنه عمل حادثة في اليوم اللى كان هيقابلك فيه بسبب العاصفة ودخل في غيبوبة وبعدها مات.
ببكاء- يعني أنا ظلمته.. يعني هو كان بيحبني وكان جاي ليا، ولا نقول إلا إن لله وإن إليه راجعون ربنا يرحمه ويغفرله.
- يااه يا تيتا يعني هو مجاش ليه عشان العاصفة ومات بسبب العاصفة بردو، بس هي ظلمته يا تيتا.
_ أي حد كان في مكانها كان هيفكر كدا، ها هتنزلى بردو.
- هنزل فين بقا، الانسان ملهوش في الشتا والعواصف دي إلا فونه وبطانيته، تصبحي على خير.
تعليقات
إرسال تعليق