نور : صباح الخير يا دكتور اشرف
اشرف : صباح النور يا نور
نور : اتفضل....
اشرف بتعجب : ايه دي يا نور
نور : استقالتي يا دكتور انا مش قادره اكمل شغل
Stop.... Flash back
انا نور يزيد 28 سنه دكتوره امراض نفسيه و عقليه بشتغل من ساعة ما اتخرجت ف مستشفى لصاحب والدي مامتي متوفيه من وانا عندي 7 سنين والدي بقى هو حياتي بطلي الاول و الاخير
نور : صباح الخير يا بابا
يزيد : صباح الفل والياسمين على قلبك
نور : خلي بالك من نفسك لو سمحت و خد الأدوية ف مواعيدها يلا يدوب الحق انزل الشغل لو احتاجت حاجه كلمني
يزيد : متسربعه على ايه يا نوري استني افطري يبنتي
نور : احبك وانت بتدلعني كده ايه الفطار الملوكي ده يا بوب
يزيد : اي خدمه مش هتاكلي برضو؟
نور : حقك عليا يا بوب متأخره وانت عمال ترغي و مأخرني زياده لا مني بفطر ولا مني نزلت ينفع كده؟
يزيد بضحك : طب يلا يا ست المستعجله توكلي على الله
نور جريت عليه باسته ف راسه و حضنته و نزلت جري
ركبت عربيتها شغلت فيروز و بدأت تدندن معاها.....
سألوني الناس عنك يا حبيبي
كتبوا المكاتيب و اخدها الهوى
بيعز عليا اغني يا حبيبي لأول مره ما بنكون سوا
سألوني الناس عنك يا حبيبي
كتبوا المكاتيب و اخدها الهوى
بيعز عليا اغني يا حبيبي لأول مره ما بنكون سوا
سألوني الناس عنك سألوني
قِلتلون راچع اوعى تلوموني
سألوني الناس عنك سألوني
قِلتلون راچع اوعى تلوموني
غمضت عيوني و خوفي للناس يشوفوك مخبى ف عيوني
نور : ياربي على الفصلان لازم ترني يا مروه
_ الو يا فصيله هانم
مروه بضحك : يبقى كُنتي بتسمعي فيروز مش كده؟؟
نور : ايوه دايمًا ترني ف الحتت اللي بحبها غلسه اوي انتِ
مروه بضحك : احنا اسفين يا صلاح ولا تزعلي نفسك.... المهم فينك؟ دكتور اشرف عايزك ضروري و سأل عليكي
نور : ابشر يا تيمور يا خوفي ماشي انا كده كده على اول شارع المستشفى اهو
مروه : خلاص تمام هبلغوا ان 10 دقايق و تبقي عندوا
نور : تمام يا حبيبتي يلا باي
مروه : باي يا حبي
مروه عندها 27 سنه زميلة مروه ف المستشفى و صاحبتها من ايام الكليه
بعد 10 دقايق
في مكتب دكتور اشرف ( صديق يزيد والد نور )
الباب بيخبط
اشرف : اتفضل
نور بتدخل
_ صباح الخير يا دكتور
اشرف : صباح الخير يا نور اتفضلي استريحي
نور : merci لحضرتك يا دكتور
اشرف : بُصي بقى ده ملف مريضه جديده بتتعالج هنا من فتره بسيطه مكملتش شهر المهم هي رافضه الكلام مع زمايلك اللي اتكلفوا بحالتها كانوا بيستسلموا ايه رأيك تبُصي بصه كده عن حالتها و لو عايزه تاخدي التجربه و تتكلفي بحالتها مفيش مشاكل
نور : اوي اوي و ان شاء الله اقدر اساعدها اديني الملف حضرتك و آخر اليوم هرد على حضرتك
اشرف : اتفضلي يا نور.... انتِ دكتوره شاطره اوي واثق فيكي حقيقي
نور : merci يا دكتور ان شاء الله ابقى عند حُسن ظن حضرتك
اشرف : اتفضلي انتِ على شغلك
نور : عن اذنك
في مكتب نور
اعدت على المكتب ابتدت تشوف الملف عرفت اسمها و سنها و بس مفيش اي معلومات عنها لانها ببساطه رافضه الكلام مع اي دكتور
الباب اتفتح فجأة
نور : في حاجه اسمها تخبيط عرفاه يا مروه؟ ايه دخلة المخبرين دي يبنتي
مروه : انا غلطانه اني جايه اشوفك هتشربي قهوه ولا لأ
نور ب ابتسامة : لا مش غلطانه اشرب قهوه ماشي
مروه : ثواني وتكون اجمل كوباية قهوه على مكتبك
بعد ربع ساعة
مروه : اتفضلي قهوتك يا نوري
نور : تسلم ايدك يا حبيبتي
_ عارفه يبت يا مروه انتِ رزق ربنا ليا اخت و صاحبه و ام كمان
مروه : و هنفضل اخوات و صحاب لأخر يوم ف حياتي والله
نور : واثقه ف كده من غير ما تقولي
_ كفايه تلزيق ها قوليلي اخبار الشغل ايه
مروه : الحاله اللي معايا رافضه الكلام نهائي بحاول معاها اهو
نور : ربنا يقويكي يارب
مروه : وانتِ ايه الدُنيا ؟
نور : لسه هكرر هاخد حالة نورهان اللي ف أوضة رقم 137 ولا لأ
مروه : سمعت عنها بيقولوا رافضه الكلام برضو
نور : ايوه فضولي عايز يعرف حكايتها
مروه : خُديها و توكلي على الله
نور : ماشي هروح أبلغ دكتور اشرف و اروح عايزه حاجه؟
مروه : سلامتك يا حبيبتي باي
نور : باي
نور : دكتور اشرف
اشرف : ايوه يا نور ها قررتي
نور : اه هاخدها يا دكتور
اشرف : على خير انا واثق ف خبرتك
نور روحت البيت فتحت الباب
نور : باباااا يا بوب فينك ايه الريحه دي انت فين
يزيد وهو بيكُح : نور انتِ جيتي؟!
نور : لا لسه ايه يا بابا هل ده خيالي يعني؟؟ ايه الريحه و الدخان ده بتولع فينا ولا ايه
يزيد : كنت بحاول اعمل اكل بس فشلت و حرقت الرُز
نور : ولا يهمك يا حبيبي هاخد دُش سريع واطلع اعملك احلى غدا
_ انت بتبقى هايل ف الفطار و العشا خليك فيهم وانا عليا الغدا يلا عن اذنك
بعد ساعتين
نور : يلا يا بوب الاكل جهز
يزيد : تسلم ايدك يا حبيبتي
نور : بالهنا على قلبك
بدأوا ياكلوا
نور : صح يا بابا وانا طالعه على السلم لقيت الشقه اللي جنبنا فيها ناس هو حد اشتراها؟؟
يزيد : اه شاب محترم اوي هو و والدته
نور : طب كويس هيبقى فيه ونس
يزيد : ايوه يعملوا حِس للعماره من ساعة ما عمك حسن توفى مفهاش روح خالص وانتِ عارفه الحَجه كريمه ملهاش حد خالص ف معندهاش دوشه زينا برضو
نور : الله يرحمه عمو حسن كان راجل طيب
يزيد : يارب يبنتي
_ الحمدلله شبعت الاكل كان حلو اوي يا نوري كالعاده تسلم ايدك
نور : انت قلب نورك والله يا بوب
يزيد : حبيبتي يا نور انا هدخلك اريح شويه قبل ما انزل بالليل عشان ابقى فايق و انا بلاعب دكتور اشرف و اكسبه كالعاده ف الشطارنج
نور بضحك : انت اللي بتكسبه برضو يا زيدو؟
يزيد : عيب عليكي يبنتي طبعًا
نور : هحاول اصدقك و اعمل نفسي معرفش اللي فيها
_ يلا روح نام وانا هبقى اصحيك
نور عملت مَج قهوه و اخدت رواية مذكرات الثانيه عشر ليلًا لأحمد مهنى
و دخلت البلكونه
ده روتين عندها تشرب القهوه وهي بتغني لفيروز ف البلكونه و بعديها تقرأ ف الرواية اللي عليها الدور
بدأت تغني
بُكره بِتشتي الدني على القصص المچرحه
بيبقى اسمك يا حبيبي و اسمي بينمحى
بيبقى اسمك يا حبيبي و اسمي بينمحى
بِحكي عَنك يا حبيبي لأهالي الحَي
بتِحكي عَني يا حبيبي لنبعة الماي
بِحكي عَنك يا حبيبي لأهالي الحَي
بتِحكي عَني يا حبيبي لنبعة الماي
ولما بيدور السهَر تَحت قناديل المَسَى
بِيحكُوا عَنك يا حبيبي وانا بِنتَسَى
بِيحكُوا عَنك يا حبيبي وانا بِنتَسَى
صوت تصفيره من البلكونه اللي جنبها بتبُص بتلاقي شاب مربع ايده و بيصفرلها
نور ب ابتسامة خجل : مساء الخير
الشاب : مساء النور حقيقي امتعتيني صوتك حلو اوي براڤو بجد
نور ب خجل : merci عن اذنك
و جريت دخلت البيت
نور بتكلم نفسها : غبيه لازم تغني و انتِ مغمضه عينك اهو سمعك و محستيش بيه و اه لازم تراعي ان بقى فيه ناس ف الشقه يعني متغنيش ف البلكونه تاني عشان متزعجيش حد
بعد ساعه.....
نور : يلا يا بابا قوم الساعه بقت 7 ونص يدوب تصحى معادك مع دكتور اشرف الساعه 8
يزيد : حاضر صحيت اهو هاخد دُش و اتوكل على الله
_ هتنزلي؟؟ ؟
نور : لسه مش عارفه هشوف مروه و لو هننزل هكلم حضرتك ابلغك
يزيد : تمام يا حبيبتي
بيعدي اليوم و مش بتنزل و بتدخل تنام
بتصحى تاني يوم بدري عن معادها و بتعمل فطار و بتفطر و بتجهز الباقي لوالدها و بتسيبله ورقه جنب الاكل و بتلبس و بتنزل
بتركب عربيتها بتتصل ب مروه
نور : الو يا لوزه
مروه : صباح الخير بدري بدري انهارده خير
نور بضحك : مزاجي رايق و متشوقه للحاله الجديده دي
مروه : يارب دايمًا رايقه
نور : يارب يا حبي
_ بقولك ما تيجي نشرب القهوه سوا قبل الشغل
مروه : اشطا جدًا استناكي ف الكافيه المُعتاد ؟
نور : ايون يا بيبي يلا باي
بتشغل الراديو و بتلاقي اغنية چوليا بطرس
" يومًا مَا "
و بتغني معاها بصوت عالي
على رغم الچَو المشحون
تبعًا للظرف المَرهون
مَطرح ما عيونَك بَتكون
بِحلم شوفَك يومًا مَا
بُكره بيخلَص هَالكابوس
بَدل الشمس بِتَضوي شِموس
على ارض الوَطن المَحروس
رَاح نِتلاقى يومًا مَا
بتقفل الراديو و بتركن العربيه و بتنزل من العربيه بتدخل الكافيه بتلاقي مروه مستنياها و طلبالها قهوتها
نور : بردت ولا لسه؟؟
مروه : لسه نازله
نور : تمام ها ايه الاخبار
مروه : الحمدلله كله تمام
و بيرغوا كتير
بيقاطع كلامهم مكالمه من يزيد لنور
نور : الو يا بوب صباح الخير
يزيد : صباح الفل عليك يا احلى حاجوج ف الدُنيا
بتبتسم نور و بتفهم انه بيقرأ الكلام اللي كان ف الورقه اللي سابتها مع الفطار
بيكمل يزيد : محبتش اتعبك انهارده و قولت اساعدك شويه عملتلك العصير اللي بتحبه بدل الشاي اللي بتشربه غصب عشاني و افطر كويس و خد ادويتك انا سبقتك و فطرت و محبتش اصحيك من النوم بالف هنا على قلبك يا بابا
_ ايه الكلام المُبهج ده
نور : اي خدمه بس متتعودش بقى
بيضحكوا و بيطمن عليها و بيقفلوا
بتشرب قهوتها مع مروه و بيروحوا الشغل
في مَمر الاوض بتدور نور على اوضة نورهان
اللي رقمها 137
وصلت عندها و وقفت قدامها فضولها بيدفعها تدخل بس توترها موقفها مكانها بتلاقي صوت بنوته وراها
بتلف بتلاقي بنوته صغننه بتقولها واقفه كده ليه
نور : ايه العسل ده؟ محتاره ادخل ولا لأ
البنوته : ادخلي مادام وصلتي لحد هنا
نور : حاضر انتِ صح مادام جيت هنا يبقى ادخل بس قوليلي اسمك ايه يا بسكوته انتِ
البنوته : مِريام مش مَريَم مش بحب حد يغلط ف اسمي
نور بضحك : حاضر يا مِريام انتِ جايه هنا ليه بقى؟
مِريام : جايه مع مامي عندها جالسه وانا كنت بتمشى عشان زهقت
نور : طيب خلي بالك من نفسك و ارجعي قدام المكان اللي مامي فيه عشان متقلقش عليكي
مِريام : حاضر باي
نور : استني تعالي
مِريام : نعم
بطلع نور من شنطتها شوكولاتة و بتديها للبنوته
نور : اتفضلي دي هديه مني ليكي مبسوطه اني شوفتك اوي
مِريام : شكرًا اوي و بتاخدها و تجري
نور بتستجمع جرأتها و بتخبط على الباب مش بتلاقي رد ف بتدخل
بتلاقي نور نورهان واقفه بتتفرج على الجُنينه من الشباك و نورهان مش بتدي ردة فعل خالص ف بتحاول نور تقطع الصمت
نور بضحك : هاااي نحن هُنا
مش بترد نورهان بتكتفي انها تبُصلها و ترجع تتفرج تاني من الشباك
بتحمحم نور لأن نورهان كسفتها
نور بتحاول تتكلم تاني و قررت انها مش هتسكت غير لما نورهان تتكلم
نور : طب تحبي اغنيلك؟؟ صوتي حلو
بتلف نورهان ليها و عيونها فيها دموع و في بسمه خفيفه على وشها و بتقول : انتِ بتغني ؟
هو كمان كان بيغني
نور ردت في محاوله منها انها متحسسهاش بانها بتاخد معلومات منها و خلاص
_ اه بغني صوتي جميل اوي
نورهان : و هو كان صوته حلو اوي برضو
نور ب ابتسامة : مين ده معتقدش ان في حد صوته حلو زيي شوفتي الغرور؟
ابتسمت نورهان ب حُزن : ابني
نور : و هو فين؟
نورهان : اتقتل
نور : تحبي تحكي ولا اغني ولا امشي؟؟
نور حبت تحسسها انها مش مجبره على اي حاجه و وقت ما تحب تتكلم تتكلم و وقت ما تفضل السكوت تسكت
نور حبت تنوع ف الاختيارات اللي سيباها لنورهان و هي تختار اللي تحبه
نورهان : غني
نور فرحت انها بتتكلم معاها بأريحيه و قالت : تحبي تسمعي حاجه معينه ولا على ذوقي
نورهان : احب اسمع اغنية ما بلاش لحماقي
نور ابتدت تغني
ما بلاش تغيب عنا تاني ما بلاش يا سايب اراضينا ما بلاش تغيب عنا تاني ما بلاش
قولي مين هيملى ف يوم مكانك قولي مين يعوضني حنانك قولي مين ف حُزني يقولي مالك قولي مين
الحقيقة ان الحياة ضحكت علينا
لا الفراق ولا اللقى كانوا بأيدينا
لما يومها حضنتني و بعدين مشينا ليه مقولتش ان ده الحضن الاخير
كنت سيبني لحد اخر لحظه جنبك
سيبني اقولك قد ايه و ازاي بحبك
مهما طال بينا البُعاد مش هنسى حُبك
و اشوفك يوم على خير......
نورهان ب ابتسامة و دموعها مغرقه وشها : وحشني اوي اوي
نور اكتفت بانها تجري تاخدها ف حضنها و تطبطب عليها
نورهان فضلت تعيط و ساعتها ابتدت نور تهديها
بعد ربع ساعة
نورهان هديت و رجعت متتكلمش تاني
نور : ايه رأيك ننزل نتمشى ف الجُنينه ؟؟
_ الجو حلو اوي و الشمس طالعه انهارده و الجو مش برد
نورهان مكانتش بترد...
نور : انا بحب الشتا اوي و بكره الصيف بتلزيقه
نورهان نفس حالها متغيرش
نور : طيب انتِ مرتحالي ولا امشي و يجيبوا حد غيري؟؟
نورهان : خليكي
نور : اخيرًا اتكلمتي
_ ممكن نبقى صحاب انسي اني الدكتوره بتاعتك ممكن؟؟
نورهان اكتفت بأنها تهز راسها بالموافقه و بس
نور : هسيبك ترتاحي و بكره هجيلك
قامت نور و اتجهت ناحية الباب و قبل ما تخرج لفت لنورهان تاني و رجعت عندها فتحت شنطتها و طلعت منها قلم و note book
نور : خدي دول اكتبي فيهم كل حاجه جواكي ولما تحسي انك قادره تتكلمي ف اللي كتبتيه انا جاهزه اسمعك
و مستنتش نور منها رد سابتهم على المكتب اللي ف الاوضه و طلعت
طلعت نور من اوضة نورهان ل مكتب دكتور اشرف
نور : ازي حضرتك يا دكتور
اشرف : بخير يبنتي
نور : نورهان اتكلمت و عيطت كمان
اشرف : كنت واثق فيكي عندك قبول بيرتاحوا معاكي
نور : الحمدلله يا دكتور عن اذنك الحق اروح و كل ما يبقى فيه جديد هبلغ حضرتك
اشرف : تمام ربنا معاكي
روحت نور و هي طالعه بتجري على السلم كالعاده خبطت ف الشاب اللي ساكن جديد
نور ب حَرج : انا اسفه جدًا
الشاب : ولا يهمك بس هو انتِ بتجري كده دايمًا ؟! امبارح جريتي و دلوقتي كمان
نور : هي بتيجي كده عن اذنك
الشاب وقف قدامها : طب عرفيني اسمك طيب
نور : اسمي نور
الشاب : انا زين
نور : اتشرفت بمعرفتك عن اذنك
و طلعت جري برضو
زين بضحك وصوت عالي : حاسبي لتقعي
نور دخلت البيت لقت والدها بيجهز و شكله نازل
نور : ازيك يا بابا رايح فين كده
يزيد : الحَجه كريمه عزمانا على الغدا مع الجيران الجداد
نور بحماس : طيب هاخد دُش و البس و انزل وراك
يزيد : ماشي يا حبيبتي
بعد ساعه كانت نور نازله على السلم بتجري و كانت هتقع لقت زين لحقها
زين بعصبيه : يبنتي قولتلك هتقعي هو انتِ عيله صغيره؟؟
نور : متعليش صوتك عليا لو سمحت و بعدين هو انت اللي هتدفعلي فلوس الجبس لو اتكسرت؟!
زين بعصبيه : لسانك طويل انا غلطان اني لحقتك كنتي اتكسرتي و ريحتينا منك شويه
يزيد فتح الباب : كنت لسه طالع اشوفك اتأخرتي ليه
نور بصت لزين بغيظ : معلش يا بابا اصل كان في كلب جربان عطلني وانا نازله
يزيد : و ده دخل ازاي العماره
نور : معرفش يا بابا يلا ندخل
دخلوا تحت نظرات زين لنور اللي مليانه غيظ
زين لنفسه : وانا مالي خايف عليها ليه؟ ما تولع انا مالي
اتغدوا هزروا و ضحكوا و استأذن يزيد يطلع شقته و بعديها بشويه نور و زين كمان استأذنوا عشان يطلعوا و اتبقى مرڤت والدت زين مع الحَجه كريمه بس
زين طلع يجري ورا نور
زين : بقى انا كلب جربان يا نور ماشي ماشي
نور : احفظ الألقاب يا بشمهندس اسمي الدكتوره نور
زين بيقلدها : احفظ الألقاب يا بشمهندس اسمي الدكتوره نور نينيني
نور بغيظ ادخل شقتك و متوجعليش دماغي ايه ده يارب ابتلاء اكيد
زين : يبنتي هضربك والله
نور و هي بتفتح باب الشقه : اتشطر على حد غيري العب بعيد يا سكر
زين بتريقه : سكر ايه يا....
قطع كلامه صويت نور و هي بتجري تدخل الشقه دخل وراها يشوف في ايه لقى والدها مرمي على الارض
نور فضت تصرخ و زين كان بيحاول يهديها و طلب الاسعاف
زين : اهدي خير ان شاء الله
نور بدموع : بابا بابا يا زين مش بيتنفس مليش غيره مليش غيره والله
زين : يمكن متهيألك اهدي الاسعاف على وصول
بعد عشر دقايق
كان الاسعاف وصل و نور اتأكدت ان والدها توفى
الايام عدت عليها بصعوبه مكنتش بتتحرك من البلكونه بتتفرج على السما و النجوم بالليل و طول النهار نايمه و ساعات تروح الشغل تطمن على نورهان و ترجع بيتها تاني
كان يزيد ف الفتره دي كل يوم يطلع البلكونه و يحاول يتكلم معاها وهي مكانتش بترد
عدى شهر وهي على نفس الحال
مروه من يوم الوفاه وهي اعده معاها بس برضو نور مكانتش بتتكلم
بعد اول اسبوع ف الشهر التاني من وفاة والدها نزلت الشغل
Back
نور : صباح الخير يا دكتور اشرف
اشرف : صباح النور يا نور
نور : اتفضل....
اشرف بتعجب : ايه دي يا نور
نور : استقالتي يا دكتور انا مش قادره اكمل شغل
اشرف : انا كمان حزين على والدك اوي و مقدر ظروفك بس متضيعيش كل حاجه يا نور انتِ دكتوره شاطره جدًا و المرضى بتوعك محتاجينك
نور : انا اسفه بس مش هقدر
اشرف : متتسرعيش انتِ كده ف اجازة يا نور مستعجله على ايه اهدي كده اشغلي وقتك بشغلك غلط اعدتك ف البيت كده
نور : هحاول
_ صح هي نورهان أخبرها ايه؟؟
اشرف : رافضه الكلام مع حد غيرك
نور : هعدي عليها قبل ما اروح لو تسمحلي
اشرف : اكيد براحتك
اكتفت نور بالابتسامة و راحت لنورهان اوضتها
دخلت من غير ما تخبط
نورهان : كنتي فين محتاجه اتكلم معاكي
نور كانت ساكته مش بترد
نورهان : انتِ كويسه في ايه مالك؟!
نور : بابا مات
ابتدت تعيط و تعيد نفس مشهد نورهان ساعة اول جلسه
جريت عليها نورهان و حضنتها و الآيه اتعكست
بعد نص ساعه من عياط نور
نور : لازم تقبلي بدكتور غيري انا مش هشتغل تاني
نورهان : لا مش هقبل غير بيكي انا في تحسُن ف حالتي بفضلك بعد ربنا كملي شغل اطلعي من الدوامه اللي انا كنت فيها اصلها صعبه اوي
نور :مش قادره
نورهان : هتقدري وانا معاكي......
بعد 6 شهور
نور واقفه في البلكونه و بتفكر لو كانت استسلمت كان ايه ممكن يحصل شافت انها عدت كل حاجه و نجحت اكتر ف شغلها نورهان اتعالجت تمامًا و بقوا صحاب و مروه باعت شقتها و عاشت مع نور و زين قرب من نور و بقوا كل يوم يسهروا ف البلكونات سوا
زين دخل البلكونه
و نور كانت ف البلكونه بتاعتها
زين ما تغنيلي حاجه كده صوتك وحشني
نور ابتدت تغني اغنية " انت فرحه " لنداء شراره
انت فرحه اخرها طرحه و دبله تربط قلبي بيك
انت نجمه جميله سرحه ضَيها عاكس عينِك
انت فرحه اخرها طرحه و دبله تربط قلبي بيك
انت نجمه جميله سرحه ضَيها عاكس عينِك
انت نور الشمس لما تظهر ملامح ضحكتي
انت حاله عايشها قلبي نسمه ساكنه ف وردتي
حابه احبك حب اكبر من ميت قصيده ف الف بيت
حابه اعيشلك عمري تاني حابه قول ان انا حبيت
اه بحبك حب اقوى من خيال مليون روايه
زين قاطعها : بحبك يا نوري
نور : ايه
زين : تتجوزيني يا نوري
نور : ايه
قاطعهم زغروطه من مروه
زين بضحك : على بركة الله
" كُنت ليِ العوض و المأمن و الأمان " ♥️
تعليقات
إرسال تعليق