-افندم!
بصتلي من فوق لتحت وكملت كلامها ولا كأني موجوده
-عاوز تتجوز البرميل دي انت مش شايف حجمها قد ايه بنات الدنيا خلصوا علشان تروح تتقدم لواحده بالحجم ده
-طيب احترمي اني واقفه طيب
-انا بتكلم معاه هو يبقي متتدخليش ياريت
-تمام بما انك بتتكلمي معايا انا احب اقولك انك واحده مريضه نفسيا ومحتاجة تتعالجي علشان انتي بني ادمه سطحيه اللي مش عاجباني دي مفيش في طيبه قلبها مش كل حاجه بالشكل وانتي المفروض كبنت تكوني عارفه كده بس الظاهر انك عندك عقده نقص وغيرانه منها علشان هي احلي منك علشان كده حبيتي تتكلمي علي جسمها انا مطلبتش رأيك يبقي تخليه لنفسك ولو فكرتي تتكلمي معاها بالاسلوب ده تاني هتلاقي مني معامله مختلفه دي خطيبتي وكرامتها من كرامتي
سحبني من ايدي وخرجنا من الكافيه انا مش عارفه ليه كل الناس بتحكم علي البني ادم بالشكل وليه الكل بيحب يدخل في حياة الناس ويأذيهم بالشكل ده محستش بنفسي غير وانا بعيط لقيته وقف ولف لما حس بدموعي ع أيده
-طيب انتي بتعيطي ليه دلوقتي
-انا اسفه
-وكمان بتعتذري وبعدين بتعتذري ليه هي اللي انسانه قليله ذوق
-اسفه علشان احرجتك وحطيتك في موقف زي ده
-انا اللي اسف ليكي علي كلامها اللي قالته صدقيني انا مكنتش اعرف انها هتكون موجوده في نفس الكافيه هي قالت كده علشان بتغير منك فعلا
-هتغير مني انا طيب وهتغير مني ليه بص قدامك ياعدي انت مش شايف انا عامله ازاي مش شايف وزني وشكل جسمي
-انا كل اللي شايفه ملاك واقف قدامي أريچ انا لما حبيتك حبيتك علشان قلبك وروحك الطيبه مش علشان شكلك وحتي ياستي لو قولنا علشان شكلك انتي بجد شايفه نفسك وحشه ده انتي قمر يابنتي
ابتسمت وبصيت في الأرض
-علي فكره انا هخس وهبقي قمر واخليها تخرس خالص ومتقدرش تتكلم معايا ربع كلمه تاني
-ومين قالك اني عايزك تخسي انا قولتلك اني بحبك زي ماانتي لما تاخدي قرار زي انك تخسي يبقي تاخدي علشان خاطر نفسك مش علشاني انا بحبك زي ماانتي ومش عايزك تغيري من نفسك علشاني
-طيب خلاص طيب علشان انا بني ادمه وبتكسف وكده وانت مش راحم
-الله مش انتي اللي بتعيطي وبعدين عايزه اقولك علي حاجه شكلك زي القمر وانتي بتعيطي
-عدي يلا نروح بالله عليك علشان خدودي هتفرقع كده
ضحك وبانت غمزاته الإنسان اللي مش محترم ده وهو عارف اني بحب ضحكته اكتر منه هو شخصيا
-يلا بينا ياست البنات
عدا علي الموقف ده شهر وانا كنت اخدت خطوه فعلا اني لازم اخس مش علشان عدي ولا بسبب كلامها علشان نفسي زي ماعدي قال انا كان ممكن اعدي ومحطش في بالي ولا اهتم بكلام الناس بس امراض السمنه كتير وبتأذي علشان كده قررت اني لازم اخس علشان اعيش سني زي ماباقي البنات عايشه البس اللي احبه وأخرج واجري واتنطط مش البس اللي يداري جسمي وتفاصيله بعد حوالي تسع شهور من التعب والمجهود الشديد كنت قدرت اوصل للجسم اللي انا عاوزاه وراضيه عنه
-ياسيدي ياسيدي مين القمر اللي واقف قدامي ده
-خطيبت القمر اللي بيتكلم
-اتمني انك بجد تكوني عملتي كده علشان نفسك مش علشان حد تاني
-صدقني ياعدي القرار ده اخدته بسبب اني عايشه اعيش سني زي باقي البنات ولا بسببك ولا بسبب قريبتك العقربه إياها بس مننكرش برضوا أن كان في نسبه 30%كده علشانك
انت تستاهل اني اهتم بنفسي وتستاهل اتعب علشانك
-صدقيني انا بحبك في كل حالاتك وعايزك تعرفي دايما أن اللي بيحب بجد بيحب الإنسان بكل حاجه فيه مش بيكون عايز يغيره علشان الناس ولا علشان اي حد
-خلاص بقا ياعم ده انت رغاي اوي
-تسلمي ياحبيبتي مش عارف انت بتحترميني كل الاحترام ده ليه
-حبيبي ده واجبي
-طيب امشي قدامي ياكلبه البحر علشان نجيب فستان الفرح
-لا خلاص انا مليش مزاج اتجوزك
-لا ياشيخه
-انا ياشيخ
-أريچ احنا لسه مكتبناش الكتاب وانا مقدرش المسك بسبب كده فممكن ياروح قلبي بأي طوبه في الأرض واديكي في دماغك عادي جدا
-قولتلي فين مكان الاتيليه ياقره عيني
ضحك
-ايوه كده اتلمي
-طيب والله بحبك ياابوغمازات قمر انت
-بس انا مش بحبك اصلا ويلا بقي علشان هنرش مايه
-بقي كده
-ايون
-تمام اوي
بصيت حواليا لقيت محل لعب اطفال دخلت اشتريت مسدس مياه وطلعت
-قولتلي مش بتحبني ها
-القميص هيتغرق ويبان العضلات وهتخطف منك عيب كده
-عضلات مين يالا ياابني ده انت معضم تعالي هنا
جري وانا بجري وراه وبغرقه بالمياه الاختيار الصح هو اللي فعلا يكون شايفك احسن حد في الدنيا من غير ماتبذل مجهود علشان تغير من نفسك هو اللي يحبك بجد بكل عيوبك قبل مميزاتك وميحاولش يغير منك اختاروا صح اختاروا الإنسان اللي يقدركوا ميقدرش الناس علي حسابكوا .
تعليقات
إرسال تعليق