مي : همشي وصدقني مش هتشوف وشي تاني
مازن : براحتك انا اصلا مش عايز اعرفك تاني
مي بدموع : تمام
مازن بعدم اكتراث : في داهيه
في مكان آخر
مي وهي تجلس على البحر بحزن : انت الوحيد اللي بتسمعني ومش بتزهق ياريتك كنت
انسان انا كل الناس بعدت عني حتى صحابي وحتى واكتر شخص حبيته سابني وهونت عليه
فجأه الموج بقى عالى وخبط في رجليها
مي بإبتسامه حزينه: مش زعلانه بس ليه ممكن الناس توصل حد لدرجه انه يبقى نكره في الحياه تفتكر ممكن في يوم من الايام حد يحب مي اللي الناس شيفاها مريضه لمجرد انها بتبقى لوحدها
_ مين قال انك مريضه
التفتت مي لمصدر الصوت
مي :مين حضرتك
_مش لازم تعرفي بس انتي اجمل بنت في الدنيا متهتميش للناس حققي حلمك وملكيش دعوه بالناس ووعد مني هاجيلك تاني بس وانتي مي جديده والواد اللي هو لا يصنف راجل ده محبكيش وميستاهلش زعلك وهتلاقيه جايلك زي الكل*ب بعد ما تبقى ناجحه ومش هو بس ده هو وصحابك لان دول كلا*ب زيه لان ببساطه الناس طالما موقفتش جمبك في عز محنتك ف دول ميستهلوش ياخدو من وقتك دقيقه ....انتي قدها قومي وكل اللي فات ده كانت تجارب مش فاشله بل بالعكس دي حاجات انتي المفروض تحبيها عشان علمتك حاجات كتير وهتغيرك وانا متأكد سلام يا مي
مي بصدمه : مين ده وعرف اسمي منين وعرف كل ده ازاي
بعد مرور سنه من ذلك اليوم وبعد فتره حزينه كانت تعيشها مي بسبب كل ما حدث لها خلال حياتها كانت تجلس في غرفتها بعد ان تغيرت 180 درجه بعد ان قررت ان تتخطى كل ذلك
_ بكره يوم 1/6/2021
هكون بفتتح اول براند لتصاميم اللبس حلمي اللي كنت بحلم بيه طول حياتي الشخص المجهول اللي ظهر واختفى منغير سبب ده كان سبب رئيسي في اني افوق لنفسي
حبيت يكون اليوم اللي كان بالنسبالي اسوء يوم في حياتي هو هو نفس اليوم اللي هكون بحقق فيه حلمي.. اتمنى انجح
والده مي بحنان: يلا يا حبيبه ماما نامي عشان بكرا يوم طويل واخيرا هشوفك مبسوطه يا بنت بطني
مي بحب: كله بدعواتك يا ست الكل ادعيلي بس بكرا يعدي على خير لاني مش مطمنه
دخل اخو مي ثم قال بمرح : طالما احنا معاكي متخافيش ولا ايه
مي بحب: ربنا يخليكوا ليا
وفي اليوم التالي تم افتتاح البراند واصبح من انجح واشهر البراندات في العالم
وبعد مرور شهور
كانت تجلس مي في مكتبها وكانت تجلس بإستمتاع وهي تقرأ تلك القصيده ولكن قطع تلك اللحظه دخول السكرتيره الخاصه ب مي
_استاذه مي في واحد برا بيقول انه عاوز يقابلك
مي بإستغراب: قالك اسمه ايه
مازن بمقاطعه: ده انا
مي ببرود:طب اطلعي انتي خلاص
بعد ان ذهبت السكرتيره
مازن بتمثيل : مي حبيبتي وحشتيني
مي بإستمتاع وهي تعلم انه ممثل :وايه تاني
مازن وهو يكمل : بجد انا ندمان ونفسي نرجع وعمري ما هخذلك
مي:هايل ايه تاني
مازن:موافقه
مي بضحك: طب اطلع برا بكرامتك بدل ما اطلعك منغير كرامه براااااا
مازن : مي فعلا انا ندمان ولسه بحبك
مي : وانا مش بحبك وميشرفنيش اني احبك انت شخص قذر وبجد عمري ما هكرهه حد قدك
واطلع برا عشان مش طايقه اشوفك
خرج مازن بيأس ف ها هي اصبحت ناجحه بعد ان كان يسخر منها دائما
عند مي في المكتب
مي بحزن:هو السبب هو اللي وصلنا لكده مكنتش اتمنى انه يبقى استفلالي بالشكل ده بس للاسف ساعات بنتمنى حاجات مش بتحصل بس بتبقى في صالحنا بعدين
بعد فتره ليست بكبيره
امنيه (مامت مي) : مي يا ميوش حبيبت امها اللي مش بترفضلي طلب ابدا
مي بشك:خير يا نبع الحنان مش مطمنالك
الام بخوف : جيبالك عريس
مي بعصبيه:قولتلك مش هتجوز يا ماما
الام:يا بنتي نفسي افرح بيكي بقى قبل ما اموت
مي بلهفه :بعد الشر يا حجه بس انا مش حاطه الحوار ده في دماغي مش عايزه راجل ملهوش اي تلاتين لازمه يقولي تعملي ومتعمليش ومافيش شغل والكلام الاهبل ده انا ما صدقت بقى ليا شخصيه وكارير
الام:طب قابليه ومش هتندمي
مي:ماما مش موافقه
الام : مقولتلكيش وافقي قولت قابليه بس
مي بزهق:ماشي
الام بفرحه : لولولولولولولولولوللي ربنا يتمم على خير
مي بإندهاش: ايه الست دي انا مش موافقه اصلا
وفي اليوم التالى
الام بزعيق : مي يا مي يااااااااامييي اصحى يلا
مي بخبث: انا صحيت
الام : قومي البسي يلا الناس الى وصول
مي :حاضر يا حببتي اقفلي الباب واطلعي وانا ساعه وهكون جهزت
بعد ان خرجت الام
مي بنوم : الله يخربيت العريس على اليوم اللي فكر انه يجي يتقدملي فيه والله لو معرفتش اطفشه لاقتل*ه بقى انا بعد التعب ده كله اتجوز
بعد مرور ساعه
الام بصدمه : مي يابنت ال*** الناس جت وانتي لسه نايمه يخربييييتك قومي يا اخره صبري منك لله يابعيده
مي بخضه: ايه يا ماما في بني ادم يصحي اخوه البني ادم كده
الام: ما ده اللي انتي فالحه فيه الناس برا خمس دقايق الاقيكي خلصتي ووالله يا مي لو نمتي تاني هزعلك
مي بخبث: عنيا ياماما بس كده
بعد مرور خمس دقائق خرجت مي بهيئه غير طبيعيه ف كانت ترتدي بيجامه البيت وكان شعرها غير مهندم وكانت تضع ميكب ولكن غير طبيعي ف كانت تشبهه المهرج بتلك الالوان الغريبه
الام بصدمه وحرج: يا جماعه معلش دي اخت مي بتحب تهزر بس
مي بشهقه وتمثيل : اخص عليكي يا ماما بقى بتستعري من بنتك فين حقى يا حكومه امي بتستعر مني
قاطع كلامهم ذلك الصوت الرجولي الذي كان يكتم ضحكته بمعجزه
_ جماعه بعد اذنكوا سيبونا لوحدنا شويه
ام العريس : انت متأكد يبني
_ طنط بعد اذنك خدي ماما وسبوني معاها شويه
نظرت له مي بتذكر ثم قالت
مي : هو مش ان....
قطع كلامها
_ اه انا اللي جتلك من سنه و 9 شهور لما كنتي قاعده ع البحر
كانت سوف تتحدث ولكن اكمل كلامه بضحك
_قبل ما تتكلمي انتي ايه اللي عملاه في نفسك ده
مي : عشان ناويه اطفشك
_ هه لا متحاوليش ده في سنين ضاعت عشانك
مي بإستغراب : طب انت تعرفني منين
_ لا دي حكايه طويله
مي: طب عرفت مكاني ازاي
_عيب عليكي دي قدرات
مي : طب اسمك ايه
سليم: اسمي سليم ياستي
مي: طب انت جاي ليه
سليم : تقريبا بيقولوا اني جاي بتقدملك
مي : اه صح ....ماشي وانا مش موافقه
سليم: لا مهو مش بمزاجك للأسف
مي بإستهزاء : فعلا
سليم ببرود : اه
مي: وايه الثقه دي
سليم بغرور مصطنع:ما قولتلك قدرات
مي:طب تعالى قرب عاوزه اقولك على حاجه
سليم وهو يقترب منها بالفعل : خير
مي وهي ممسكه بزهريه وتضر*به على رأسه
سليم وهو ينظر لها ببرود : ايه اللي عملتيه ده
مي بفزع : نهار اسود انت .....مامااااااااع
الام بخضه: في ايه يا مي ....... ايه ده عملتي ايه في الواد
سليم بضحك على تلك الهبله : لا يا طنط معملتش حاجه دي كانت بتهزر
مي بتوتر: ااااا اه ايوه بظبط
الام بشك: تهزر ايه ده في صوت حاجه اتكسرت
سليم بإبتسامه وهو يريد ان يمسك تلك التي تدعي مي ويلقى بها من النافذه بسبب ما فعلته : يا طنط مافيش حاجه والله انا كنت بقنعها ف هي وافقت اندمجت حبه راحت ضرباني
مامت العريس بخضه:اومال ايه اللي في دماغك ده
رد بإبتسامه
_دي ضريبه ان مي وافقت
مامت مي: ربنا يستر عليك يبني
نظر سليم لها بتحذير
مي بعفويه:انا موافقه يا جماعه بس ياطنط انتي ابنك ده مش بيموت اقصد هو بني ادم عادي
مامت العريس بضحك:اه بني ادم عادي
مي في سرها: محصلش
سليم وهو ينظر ل مي بتوعد : طب يا جماعه نستأذن احنا وهاجي بكرا اخد مي عشان ننقي الشبكه
مي وهي تبتسم بإصطناع: سلام
مامت مي : خليكم شويه ده حتى لسه بدري
مامت سليم بحب :هنبقى هنيجي وقت تاني ان شاء الله
مامت مي : نورتونا والله
مي في سرها: نوروكي انتي بس ياماما
سليم وهي يهمس لها: سمعتك على فكره
مي بتذمر: يوووووه
سليم بتحذير: صدقيني هندمك على اللي عملتيه ده بس اصبري
مي بتوتر:ليه كده يسطا ده انت حتى هتبقى قره عيني في المستقبل
سليم ببرود: لو عملتي ايه مش هسيب حقي
وبعد ان ذهبوا
مامت مي وهي تمسك بأبو ورده وتقول بغضب: انا هسكتلك على انك طلعتي بمنظر مايعلم بيه الا ربنا لكن تضر*بي الواد بالمزهريه انتي مجنونه يا بت
مي بعد اكتراث: يا حجه ده ولا حصله حاجه ياريته مات وخلصني
مامت مي بنفاذ صبر:امشي من وشي يا مي امشي من وشيييي
ذهبت مي الى الغرفه وكانت سوف تذهب الى ثبات عميق ولكن نهضت بإستغراب عندما استمعت الى صوت رساله من شخص مجهول
مي بصدمه: يا نهااار اسووود
ياتري مين اللي بعت الرساله وايه اللي حصل
تعليقات
إرسال تعليق