-الاتنين
-لا مش قاصدى اقصد النهارده كام؟
- 2/14
-وده معناه ايه!!
-ايه!! .. يوم من ايام ربنا
-اللهم طولك ياروح .. النهارده الفلانتين
-ااااه عيد الحب والكلام ده استغفر الله العظيم استغفرى يابنتى ..
-ايه اوعا تقول انك مجبتليش هديه
-حاضر
-حاضر ايه!!
-مش هقول انى مجبتش هديه
-لا والله ..
-اه والله،، وبعدين الفلانتين ده بدعه هى معروفه احنا معندناش غير عيدين عيد الفطر، وعيد الاضحى ..
-يعنى ايه مجبتليش هديه فى عيد الحب زيي الناس دى
-دى ناس تافهه ياحبيبتى .. وبعدين هو عيد الحب لازم يبقاله يوم وباقى السنه ايه مفيش حب
-مليش فيه أنا عايزه هديه عيد الحب
-انا هديتك ياروحى
-ولا حتى جبتلى ورده
-خلاص انتى هتعيطى بهزر معاكى .. اهى الهديه
-ايه ده دبدوب!!
-اه .. حلو صح!!
-صح ..
-مالك .. هو الدبدوب مش عاجبك ولا ايه؟
-لا
-لا ايه!!
-لا عاجبنى .. الدبدوب حلو
-ايوة شبهك
-نعم!! .. قصدك ايه قصدك أنى دبدوب!!
-ياست لا..
-ولا قصدك انى تخينه ..
-ياست مقصدش قصدى أنه حلو
-اممم .. ماشى
-شوفتى بقا انك بتكبرى المواضيع
-قصدك ايه؟ .. قصدك انى تافهه!!
-بقولك ايه!! هو النهارده ايه؟
-النهارده الاتنين
-ايوة يعنى كام فى الشهر؟
-2/14
-وده معناه ايه!!
-النهارده الفلانتين
-كل فلانتين وانتى فى حياتى ياروحى
-حبيبى ياسطا تسلم
-قولتلك احنا مالناش فى الرومانسيه وكلام الحب ده .. الحب ده للعيال التوتو يازميلى
"وماا الروايات الا مجرد خيال 🖤✨"
تعليقات
إرسال تعليق