روز: فتاه في الثالثه والعشرون من عمرها بنت جميلة جداً كانت عايشه مع عمها وابنه لأن اهلها اتوفو وهي صغيره.
مالك: شاب في الرابعه والثلاثون من عمره عايش لوحده في شقته رجل أعمال.
غيث: ابن عم روز هو كان بيحبها جداً وبيعتبرها اخته الصغيرة شاب في الخامسه والثلاثون من عمره.
فريد: عم روز رجل في اوائل الستون من عمره عم روز خلاها تعيش معاه بعد وفاه اهلها وكان بيعاملها كويس جداً.
مصطفى الشناوي:كان بيعمل كل حاجه غلط من قتل لتجاره سلاح لتجاره مخدرات وهو السبب في تدمير حياة روز.
..........................................................................................مالك: ادخلي برجلك اليمين ياعروسه.
روز دخلت البيت ولف وشها لمالك واول مالفت مالك ضربها بالقلم بأقوي ماعنده لدرجه انها وقعت علي الارض وبصتله بصدمه وهو وطي عليها وقال: ايه مصدومه ليه لسه الصدمه جايه من النهارده البيت ده هيبقي سجن بالنسبالك حياتك هتتخول لجحيم في البيت ده... عارفه ليه افتكري مصطفي الشناوي اللي بلغتي عنه وخد اعدام بسببك بس تعرفي انا مش هقتلك عشان كده هكون رحمتك لا انتي هتعيشي تتعذبي كده.
مالك سابها ومشي وهي فضلت مكانها مش قادره تتحرك من الصدمه وافتكرت اليوم اللي خسرت فيه كل حاجه.
.......................................................................................... Flash back
روز كانت في اوضتها وفجأه سمعت اصوات عاليه وخرجت من اوضتها واتسحبت براحه شافت ناس ماسكه مسدسات ومصطفي بيقول: عرضت عليك تشتغل معايا لكن انت رفضت ومصمم تبلغ البوليس.
الاب:وانا مستحيل اسكت علي قذارتك دي يامصطفي ياشناوي.
مصطفى ببرود:نفذو.
ضرب النهار اشتغل واهلها ماتو قدام عيونها وخرجو من البيت وروز كانت مش قادره تصرخ او تعمل اي حاجه وهي رجعت الاوضه وقعد في زاويه الاوضه ومسكت تليفونها اتصلت بغيث وهو قال بقلق، واستغراب لأن الوقت متأخر: في حاجه ياروز.
روز: الحقني بابا وماما الدم.
غيث بخوف: في ايه ياروز انا مش فاهم منك حاجه مالك.
روز: تعالى بسرعه الحقني.
روز سابت الفون وغيث راح صحي والده وخده وفضل فاتح الخط ووصلو واستغربو لما لقو الباب مفتوح ولما دخلو اتصدمو شافو الاب والام علي الارض والدم حواليهم وغيث طلع يجري علي اوضه روز وفتح الباب شافها قاعده زي ماهيا وغيث قرب منها ونزل لمستواها وقال: روز ايه اللي حصل.
روز: بابا وماما دم.
غيث: روز اهدي.
روز فجاة حطت ايديها على وشها وفضلت تصرخ بهيستيريا وشكل اهلها وهما واقعين والدم حواليهم مش بيروحو من خيالها وغيث حضنها وقال: هششش اهدي اهدي كفايه اهدي.
روز اغم عليها وغيث شالها ونزل لقي والده والبوليس وغيث خدها المستشفى والدكتور اداها مهدء وقال: جالها انهيار عصبي واضح انها شافت حاجه صدمتها انا اديتها مهدء وساعتين وهتفوق ربنا يطمنك عليها.
..........................................................................................
بعد ساعتين مالك رجع البيت لقي روز نايمه على الارض مكانها مالك قرب منها وخبطها بأيده:انتي قومي.
لكن روز متحركتش وفضلت زي ماهيا وهو عرف انها اغم عليها شالها دخلها الاوضه وقلعها الفستان ولبسها بجامه وفوقها وهي لما شافته قامتمن على السرير ولما جت تفتح الباب لقته مقفول بصتله وقالت:افتح الباب ده.
مالك:هقولهالك تاني البيت ده بالنسبالك سجن مش هتخرجي منه.
روز:وانا مستحيل افضل هنا متجوزني عشان تنتقم مفكرتش انا بلغت عنه ليه ها متعرفش حقيقته ده قتل امي وابويا قدام عيني بكل برود ولو الزمن اتعاد مليون مره برضو هبلغ عنه.
مالك ببرود:فاكره ان كده هسيبك تمشي..ورحمه عمي اللي مات بسببك هخليكي تتمني الموت ومش هتطوليه.
روز دخلت الحمام وقفلت الباب وكل حاجه حصلت خلال الخمس سنين بتتعاد قدامها كأنها كانت امبارح.
..........................................................................................
Flashback
عدي ساعتين وروز ابتدت تفوق لكن مكانتش قادره تتكلم صدمتها كانت اكبر من احتمالاتها وروز طلعت تليفونها من جيب بجامتها وفتحته وادته لغيث وهو شاف الفيديو لأن كل اللي حصل ده روز صورته على موبايلها غيث خد التليفون وبص لروز لاقاها باصه للفراغ وسرحانه وغيث قال:روز انتي كويسه..متسكتيش كده.
روز فضلت ساكته وبعد شويه الظابط جه عشان ياخد اقوالها بس هي مكانتش قادره تتكلم ولا حاسه بيهم وغيث اظي الفيديو الظابط وقال:روز صورت الفيديو ده وقت اللي حصل.
الظابط خد التليفون ومشي والدكتور جه شاف روز وقال لغيث:للأسف الصدمه كانت اكبر منها عشان كده هي فقدت النطق...لازم تتعرض علي دكتور نفسي وانا جتبتلها على خروج.
غيث:شكرا يادكتور.
غيث خد روز وراح بيته هو ووالده وطلعها اوضه فاضيه وقال:روز عشان خاطري بلاش تسكتي كده انا عارف ان اللي شوفتيه صعب عليكي لكن بلاش تكتمي جواكي كده.
روز نامت علي السرير وغمضت عيونها وفضلت زي ماهيا ساكته ومش بتتكلم وغيث عرضها علي دكتور وابتدت حالتها تتحسن لكن مش قادره تنسي يوم الحادثه ومالك ظهر في حياتها وبدأ يقربلها وهي حبته.
..........................................................................................
مالك كان غير هدومه ونايم علي السرير وفجأه سمع صوت تكسير وروز بتصرخ وبتقول: كفايه كفايه.
مالك قام يجري فتح الباب بتاع الحمام لاقاها قاعده في الارض وحاطه ايديها على وشها وبتعيط وباين عليها خايفه مالك قرب منها ومسك ايديها وقال: في ايه مالك ايه اللى حصل.
روز كانت خايفه منه وقالت: ابعد عني انت هتموتني انا كمان زيهم.
مالك بأستغراب: روز اهدي انا مالك مفيش حاجه اهدي.
روز فضلت تعيط وخايفه زي ماهي ومغمضه عيونها ومالك قال: روز بصيلي متخافيش مفيش حد هنا انا مالك متخافيش مش هعملك حاجه.
روز فتحت عيونها وبصتله واطمنت شويه لما شافته لكن رجعت افتكرت انه كدب عليها وخدعها وروز قالت:ابعد عني يامالك ابعد عني ملكش دعوة بيا ومتقربليش....عمك قتل امي وابويا قدام عيني بكل برود الدم الدم كان في كل حته صوت الرصاص واسم عمك مش بيفارقوني...كل يوم نفس الكابوس بيتقرر لمده خمس سنين قضيت منهم 3سنين وانا في صدمه مبتكلمش وبتعالج عاوز مني ايه مفيش حاجه فاضله تاخدها يامالك كل حاجه راحت.
مالك كان خايف عليها هو حبها لكن انتقامه وغضبه كان عميه عن الحب ده.
مالك:روز اهدي ارجوكي انا اسف والله.
مالك مسك ايديها وقومها بس فجأء روز صرخت بوجع ومالك شاف رجليها بتنزف شالها وطلع بره نيمها على السرير وبص علي رجلها لاقاها متعوره وهو طهرلها الجرح ولفهولها ولما خلص وبص عليها لاقاها نامت وهو غطاها وشاف ايده معلمه على وشها ومالك قال بندم:انا اسف مش عارف عملت كده ازاي سامحيني.
..........................................................................................
تاني يوم روز صحيت وفضلت تدور علي مالك مكانتش لقياه ولما دخلت الاوضه شافت ورقه محطوطه على السرير فتحتها وابتدت تقراها:روز انا اسف ان اليوم اللي اي بنت بتتمناه خليته بالنسبالك ذكري بشعه سامحيني..روز انا رجعت بيتي القديم مش هرجع ولا هدايقك لحد مانتي تتصلي بيا وتقوليلي انك عاوزاني..بحبك.
روز بصت جمبها لقته سابلها تليفونها والفيزا بتاعتها وهي قامت غيرت هدومها وطلبت عربيه وراحتله الشركه ودخلت مكتب السكرتيره وقالتلها:لو سمحتي مالك جوه.
سهيله(السكرتيرة) بأستفزاز:اسمه استاز مالك..وبعدين هو لغي كل مواعيد الاسبوع ده.
روز ببرود:طيب ادخلي قولي ل استاذ مالك روز عاوزه تشوفك.
سهيله دهلت وقالت لمالك وهو قالها:دخليها فورا.
سهيله بغيظ:اتفضلي.
روز دخلت قفلت الباب واول مالفت جريت عليه لفت ايديها حوالين وسطه وحضنته ودماغها كانت واصله ل كتفه وقالت:ليه مشيت وسبتني...حتي انت سيبتني.
مالك حضنها وقال:انا اسف..مكنتش عاوز اوجعك اكتر من كده.
روز:انا مليش غيرك يامالك خليك معايا.
مالك:متخافيش انا جمبك.
روز فجأء خرجت من حضنه ومسكت هدومه وقالت:مين المسهوكه اللي بره دي.
مالك بتفاجأ:في ايه يامجنونه انتي.
روز بدلع:مشي البت اللي بره دي يابيبي.
مالك بتوهان:ها.
روز:مش عجباني يابيبي مشيها وانا هشتغل معاك.
مالك نده لسهيله وقالها:اعملي حسابك من بكره هتتنقلي للأستقبال تحت.
سهيله:ليه يافندم انا عملت ايه.
مالك:سهيله انتي لو كنتي عملتي حاجه كنت هرفدك مش هنقلك.
سهيله خرجت وهي متغاظه ومالك قال:خلاص ارتحتي.
روز:اه.
مالك فجأء مسكها من وسطها وشدها عليه وغمزلها وقال:مش هنروح ولا ايه البيت وحشني.
روز بتوتر: بلاش قله ادب.
.......................................................................................... مالك وروز كملو حياتهم مع بعض ومالك عرف انه كان ظالمها واتأسفلها واعترفلها انه حبها بجد لكن انتقامه وغضبه كانو عاميينه على الحب ده.
تعليقات
إرسال تعليق