قلبي اللي سافر كتير وياكم
كان ايه ذنبه ترموه
قلبي اللي اشتاق في كل الأماكن
كان ايه ذنبه تنسوه
قلبي كان حاله بخير لحد ما قبلتوه
لكن الخيانه طبع فيكم
يسلم قلبي
مشكوره الجروح
.....
قلبي اصيل
صدقكو وانتو خذلتوه
صان العهد وخنتوه
قلبي حقيقي منكو مجروح
قلبي باعت ليكو السلام
وبيقول بكل الحب والامتنان
شكراً علي وقفتكم جنبوا
....
قلبي حاله اتغير
بقا واحد غير اللي عرفتوه
بقا دايماً بيطاوع نفسه
ويشتاق يستقبل زواره
ويودع ويسلم علي احبابه
ماشي في حاله وسايب
عقله يتصرف
ولا حتي بقا قادر ينطق قدامه
أو حتي يراجع قراراته
بقا يسمع دايماً كلامه
....
وده ميمنعش أنه يقول إنه بيتالم
ويبات يشكيلي
وانا محلتيش غير اني
افضل قدامه مبلم
واقعد زي الداده اواسي
واقوله مش انت يقول يمكن
ويراجع تاني في قراراته
يشتاق يزعل يزيد في عياطه
واجيب مناديلي واديله
يبكيلي ويحكي في مواويلي
....
اينعم الموضوع محزن
لكنه حقيقي بيبهرني
انا عاوز اعرف مين ؟
قادر يفهم اللي بقوله
انا يا قلبي واقف وياك وبطولي
وبساندك وبقولك دورك بطولي
من غير ما تكسر جدرانك
أو حتي تنافق زوارك
خليك هنا جنبي
اهو حتي نونس بعضينا
مش يمكن بكره جاي بالخير
اهو انت كمان هتنساني
انساك إزاي يا عبيط وانت عايش جواني .
تعليقات
إرسال تعليق