عبد العظيم رضا "الرساله"
لما الرساله تجيلك بلغني
وابعتلي قوام سلاماتك
وان غبت في يوم اسال عني
اهو يمكن غايب علشانك
واقرا حروفها بالتفصيل
سايبلك كام كلمه مقصوده
وعشان تتأكد اقرا البدايه المنقوطه
وعيد من تاني الرساله
لما تجيلك بلغني سوالك
وهجاوبك بالتفصيل
عن كل الحاصل قدامك
تسالني إزاي علشانك
من تاني بقولك
ايامنا الحلوه في ماضينا
فاكرها ولا بقت ذكري مريضه
طب فاكر لما اتمشينا
وبصيت في عنينا
طب فاكر لما لعبنا
وخسرت زعلت قمنا كسبنا
طب فاكر لما حكتلي
وقولت انك مش هتسبني
...
عبد العظيم رضا"الرساله"
...
من تاني عيد الرساله
واول ما توصل بلغني سلامك
واياك تقراها من دلوقتي
وقطعها وارميها في الشارع
وخلي الهوا يطيرها
وتقابل غيرك بالصدفه
جمله في ورقه كانت طايره
ولسوء الحظ تتطلع هي
ايوه اياك تقراها
فيدور علي بواقيها
ويدعي عليك عشان رميتها
ويلاقي غيره الحته التانيه
بتاعت وان كنت في يوم ناوي تسيبها
فيسأل نفسه وقوام يجري
وتتطلع هي معاها الجمله الناقصه في ايده
إن كنت في يوم ناوي تسيبها قولها صريحه
يضايق ويقولها بصوت عالي
مين بس كان قطعها
ورماها في الأرض وهانها
قال يعني لو كان سابها في ايده
كان ممكن شيئ يتغير
اهو مجوبش الحلو علي سوالها
ولا قالها بكدب ولا حتي صريحه
عشان لقيت بعدها جمله تانيه بتقول
وان تاه الحب بينكم تفضل الاخوه دايمه
لما الرساله تجيلك بلغني
وابعتلي قوام سلامتك .
تعليقات
إرسال تعليق