"تكسر قلم اديلك بالقلم واديلك قلم تاني"
عبد العظيم رضا "قلمي"
تيجي أما اوصفلك قلمي
كلامه رزين ومنظم
لونه قمحي مش أصفر
عيونه عيون غزال
ريحته مسك وعنبر
خطوته ملوكي إن يمشي
وان يمشي بيمشي بيتمخطر
...
تعيب فيه مهما تعيب مبيتأثرش
عارف طريقه ومواصلاته في معاده مبيتأخرش
عايش بحسن النيه لكن من سوء الظن مبيسلمش
قريب إن كنت قابلته ومن دلوقتي متكملش
...
دمه خفيف وفي الحزن بيرقص
شجاع وصادق مش عايش اونطه
استاذ ومهندس
صبي ودكتور ومدير وموظف
غني وفقير
فرحان وحزين
شقيان وعايش رفاهيه
تقابله تتعجب وتسأل نفسك عنه
...قلمي
لبسه شياكه
بيتمادي في الحب ويرجع مطفي
بينور وسط الضلمه
وبتلامس رجله الوحله
وفي جداً عمره ما يخون
شرير اوقات وأوقات نرفوز
يمشي منعكش اوقات وأوقات مظبوط
حضوره ضروري وغيابه معيوب
حقيقي سألته عن حاله المتغير
لكنه دايماً يتنرفز ولونه يبدأ يغير
يمشي يزعق عليا ويتعصب
ولما اجي اصالحه يقولي يلا نهزر
يلا نهزر! .....وإعذرني هقصر
هتعيش عشان بس تعيش هتموت
ومش هيتبقي منك شيئ للتاريخ يذكر .
تعليقات
إرسال تعليق