خاطرة بعنوان "عيناها اللامعتان" بقلم المبدعه «أسماء عطيه » |تورنيد مصر

_سرطان ايه انت بتهزر صح شغل مقالب أحمد حسن وزينب ده مبحبهوش يا عمرو 

=نيرة انا مبهزرش ممكن تهدي وتسمعيني 

_انا هاديه اهو يا حبيبي قولي بقي هطلع الكاميرا امتي يلا بقي 

=اجيب المصحف يا بنتي عشان احلفلك عليه أن مبهزرش ارجوكي انا مش مستحمل فسمعيني 

_ طب بص احلف بالله كده وقول وغلاوة نيره عندك وانا هصدق او مش عارفه هصدق ازاي بس قول 

= مد ايدو وحضن أديه الاتنين وقربهم عنده وباسهم وبدأ يكلم بكل هدوء وملامح جد نيره أنا عندي سرطان في الغدة الدرقية متقلقيش الدكتور طمني وقالي ان سهل العلاج وهخف وهبقي كويس 

_ طيب مش احنا كاتبين كاتبنا احنا ليه مش عايشين في بيت واحد 

=نيره أنا بقولك ايه وانتي بتقولي ايه

_بقول اللي لازم يحصل انت هتروح لبابا بكرا تحدد معه معاد الفرح اخر الاسبوع في بيتنا مش عايزه فرح كبير ولا اي زيطه ولو معملتش كده صدقني هتلاقيني جايه بشنطة هدومي عندكم في البيت وانت عارف ان مجنونه واعملها 

=متخفيش مش هموت واسييك انا هخف عشانك 

_لو قولت كلمة موت دي تاني انسي انك تعرفني اصلا 

= انتي كنتي عايزه فرح كبير وعايزه تفرحي وتعزمي كل الناس ازاي. مش عايزه حاجه دلوقتي استني ام اقوم بسلامة وهعملك كل اللي نفسك في 

_وانت دلوقتي مش قايم ما انت زي القرد قصادي اهو اه وعايزه بكرا قبل ما تعد ما بابا نروح لدكتور بتاعك 

= كل ده بكرا نيره انتي كويسه !!

_احسن منك ويلا قوم روحني 

_ يارب انا عارفه انك مش بتدي حد ابتلاء غير ام يكون هيقدر عليه وهيقدر يستحمل ويصبر وانا مش معترضة اللهم لا اعتراض الحمدلله الحمدلله بس انا عارفه انك هتشفلي عمرو عشان انا هقدر امشي معه الطريق لغاية ما يخف ويقف من تاني بس مش هقدر امشي الطريق لغايه ما وصله لقبر فيارب اشفهولي 

(عند الدكتور )

_انت مش هتخش معايا انا هخش لوحدي الاول وياريت متنقشنيش عشان خلقي ضيق وانت عارفني فمتصدعنيش 

= متيجي تخدني قلمين احسن يا معلم حنفي احسن من الكلام ده عشان مينفعش معايا 

_ خليك جود بوي مطيع كده عشان أحبك 

= بحبك 

أتفضلي الدكتور مستنيكي 

_دكتور بالله انا عايزك تقولي حالة عمرو بكامل انا مراته وعايزه اطمن قولي ان هيعيش وهيخف وهيبقي كويس 

=طب اهدي بس كده هو بأذن الله هيعيش وهيخف وكل حاجه عمرو عنده سرطان في الغدة الدرقية اسمه السرطان الحليمي وده بأذن الله سهل الاستشفاء منه وسهل العلاج هنمشي رحله حوالي ٩ شهور هنبدأ يستأصل الورم وبعدين حبت علاج كده وخشي وأقرئي عن المرض هتلاقي ان سهل العلاج المهم والاهم في كل ده الإرادة والنفسيه وبما انك مراته وبتحبي بشكل ده وهو كمان بيحبك عشان همه كله ان يخف عشانك فأنا عارف ان بأذن الله هيبقي بخير 

_ربنا يسمع منك يارب متشكره جدا يا دكتور 

=هه اطمنتي يا ستي سمعتي ان مش خطير وان زي القرد 

_ ما انا عارفه انك زي القرد بس مش هطمن غير ام ابقي في بيتك اخر الاسبوع 

= انتي بردو مصره يا نيرة 

_ قول انك عايز تتخلي عني وتكسر قلبي ووتتخلي عني يا خاين يا غشاش 

=يخربيتك هتجبيلي مصيبه خلاص يختي هجوزك وادبس وخلاص اهو اخد ثواب 

(وبعد محولات اقناع لأهل الطرفين وبعد زن وتمسك نيره بعمرو وبأنها تجوزه قبل العلاج استسلمه ووافقه )

=نورتي بيتك يا عروسه اسف ان معملتكيش الفرح اللي انتي نفسك في ولا بقيت الشقه خلصت اسف ان عارف هتعبك معايا الايام اللي جايه كتير مش عارف اقول اسف قد ايه بس ممكن اقولك ان اسف بقدر حبي ليكي 

_ هشششش بحبك ، خته في حضني مكنش في رد على كلامه غير حضن يحسسه قد ايه انا بحبه ويفهمه الغبي ده ان عمري ما هتعب ابدا طول ما ايدو مسكه ايدي مش هتعب غير لو ايده سابت ايدي بس ده مش هيحصل ، نام وانا كمان نمت مطمنه ان جنبي دلوقتي وبأذن الله هيفضل جنبي ديما 

= صباح الخير يا عروسه قومي بقي كفايه كسل 

_ ايه اللي قومك وعامل فطار كمان 

= اه قولت اعمل انا الفطار بدال متعملي انتي وبطني وتوجعني 

_ بقي كده خسارة فيك الفطار اللي زي السكر اللي كنت ناويه اعملهولك اصلا 

= اقولك انتي كلك خسارة فيا انا اول مره اعرف ان ربنا بيحبني كده غير ام رزقني بيكي ورزقني بتعبي ربنا ام بيحب حد بيبتلي وانا راضي الحمدلله 

_ طبعاً انا ابتلائك اصلا مش التعب خالص اوعي تفتكر ان التعب ده هيخليني ابقي كيوت معاك يعني وكده اه وبالمناسبة احنا هنروح لدكتور بعد يومين عشان نحدد معاد العمليه 

= يومين ايه طب حتي بعد اسبوع يكون الناس جم بركه وعامله الواجب 

_ ناس ايه ووجع دماغ ايه وجتوه داخل وجتوه خارج وتنضيف شقه ووجع دماغ بس يا عم 

= هو مينفعش هو بيعمل العمليه يزرعلي قلب كمان احبك بي 

(يوم العملية ) 

_ هتخرجلي كويس هه 

= هخرج كويس عارفه انا بدعي ربنا بشفي ليا مش عشاني عشانك انتي وعشان مش عايز الضحكه دي تدبل ولا العيون دي تعيط ولا القلب ده يحزن ابدا عايز الدنيا عشانك عايز ربنا يسبني شويه في الدنيا عشان اوريكي انا قد ايه بحبك بس 

_ انت قاعد على قلبي مش رايح في حته وبعدين بلاش الفيلم الهندي ده الدكتور قال ان العمليه سهله وانت هتبقي كويس بأذن الله 

يلا يا بطل جاهز 

= جاهز 

هنخده منك كام ساعة بس وهنرجعه تاني 

_ لا إله إلا الله بحبك 

= محمد رسول الله وانا كمان 

_ مكنتش هقدر اعد استني الفتره اللي فيها في العمليه من غير ما أعمل حاجه كنت محضره حاجات هوزعها بنية الشفا بقيت ماشيه في الشارع اوزع على الناس واطلب منهم الدعاء ليه كنت صمده جدا مش بعيط ولا زعلانه اهلي واهله كانه مستغربني جدا بس انا كنت واثقه في ربنا ان هيخلهولي ان ربنا كان عالم بيا ان لو حصله حاجة في روحين هيموته. مش روح واحده خرج بعد خمس ساعات والدكتور بلغني ان العمليه نجحت بس هنكمل بالعلاج 

_ حمدالله على سلامتك 

= وبصوت شبه مش مسموع ، متعيطيش انا كويس علشانك وبيكي بحبك 

_ وأنا كمان 

_ وبعد كام يوم خرج من المستشفى وبدأنا رحلت العلاج 

وفي يوم كان تعبان جدا من العلاج وحرارته كانت عاليه جدا بس مكنش عايز يحسسني ان تعبان 

= عارفه كل مره بتعب واحس ان ممكن اموت واقول يلا يا واد حتي لو موت هتعوز ايه تاني من الدنيا ربنا رزقك بوحده بتحبها وشوفت حبها ليك وحسيت بحضنها ودفاها ورزقك بتعب يكفر من ذنوبك شويه بس رجعت قولت لنفسي عايز تبقي اناني عايز تقابل كل الحب ده بأنك متبقاش قوي عشانه وعندك حبة إرادة وبقيت ادعي بالشفا وقول عشانها يارب وعشان حبها ليا 

_ طب ممكن بلاش تتعب نفسك بكلام اكتر من كده ونام دلوقتي بكرا نكلم العمر كله نكلم في 

=العمر كله ميكفيش غزل وحب فيكي صدقيني 

_ بس بقي يا عم صدعت منك اصلا وانا عايزه انام 

= طب خدني في حضنك عشان نام 

_واقولك نام يا نونا نام وابحلك جوزين حمام 

= اه يا ماما 

( بعد مرور عدة أشهر ) 

جوزك بقي زي الفل يا مدام الحمدلله يعني تقدري تطلعي عليه القديم والجديد زي ما بيقوله 

_بجد يا دكتور 

= يعني مفيش علاج تاني 

مفيش علاج تاني بس في متابعه شهريه عشان نفضل نطمن على صحتك وناخد بالنا من كلنا شويه نخلينا في الحاجات الصحية اكتر حبة محظورات صغننه كده 

= الحمدلله الحمدلله 

_ انا بقي كده انهارده فرحي انا دلوقتي اسعد واحده في الدنيا 

= مش عارف اقولك شكراً شكر الدنيا كله قليل عليكي انا خفيت بفضل ربنا اولا وبعدين بيكي وبأردتك انتي اللي معيطيش قدامي مره ولا حسستيني بيأس ولا بتعب ديما كنتي بتصدرلي حب وقوه وطاقه وبس ربنا يقدرني واسعدك وبالمناسبة دي انا حجزت شهر عسل لينا بس في مكان مختلف شويه 

_ مختلف ازاي

=قدمت على عمره 

_ بجد 

= بجد جدا ربنا يتقبلها منا يارب 

_طيب وانا بالمناسبة دي عايزه اقولك ان في ندوة عن مكافحة السرطان وعايزه نروح ونكلم فيها 

= نكلم فيها عن ايه 

_ عن ان المرض ده علاجه هو عدم اليأس ومرض صبر ورضي وثقه بالله مرض إرادة وقوه ولازم نبقي أقويه زيه عشان نهزمه 

= هكلم عن ربنا وعنك يعني 

_ عني ازاي 

= عن حبك وعن عنيكي وعن ضحكتك وان هما دول اللي ادوني إرادة وحب وقوه ان أكمل عشانك وليكي ⁦❤️⁩

_بحبك