=حي!
_بتستغفلني يا عبد الرحمن!
=جعان يا ابتسام!
_تقوم تسرقني! تنيمني و تجري على التلاجة من ورايا!
= ماهو انتِ مايمشيش معاكِ غير كدا!
_بدراما:واحسرتاه على قلبي اللي اتخذل! ياميت آه و آه على الكسرة اللي أنا فيها!
=اهمدي يا ابتسام مش مستاهلة!
_كملت بنفس الدراما: اشكو إليك حالي ياربي...
=بلاش الشويتين دول أنا حافظهم!
_هي دي امنتك ليا يا عبدو!
=هأو يا بيبي مش هاتخيل عليا و هاكل التورتة يعني هاكل
_فين وعودك بالحفاظ عليا!
=راحت مشوار مع وعودك اللي محققتهاش
_بقا دا وعدك لابويا!
=وعدت و وفيت يا ابتسام لحد ما خدودك هاتفرقع
_بتعايرني!
=زي مابتمنعي عني الأكل و تخبيه مني!
_و ليه ماتقولش أنت اللي أناني!
=و ليه ماتقوليش إنك طفسه!
_سيب التورتاية عبد الرحمن بقولك
=انجري من هنا يا بت هانرش مايا!
_بدارما تاني: كدا ياعبدو أهون عليك!
=زي مابهون عليكِ
_دانا ابتسام حبيبتك
=و أنا عبدو حبيبك، بتقدري تخفي مني الشكولاتة إزاي و أنا مأمنك على حالي و مالي!
_وزة شيطان يا روحي
=هي دي وصية أمي ليكِ و إنك هاتحطيني في عنيكِ!
_مانت اللي بدأت لما خبيت الأيس كريم مني و أكلتو لواحدك!
=كنت جعان!
_و أنا كان نفسي فيه!
=طفسة!
_أناني!
=امشي يلا سيبيني أكُل براحتي
_طب ناكل سوا
=هأو، دي لعبة كل مرة و الاقيكي بتاكلي حقي و حقك و بقوم جعان
_هانقسم بالنص، بالحنتوفة و اللي مايمشيش على القسمة مامته dancer
=روحي نامي يا ابتسام انتِ تخنتي و محتاجة تعملي دايت
_نعم يادلعدي! مانت كرشك متر و ساكتة!
=ايوة كدا ارجعي لاصلك
_أوف...عبدو بليز ماتعملش كدا و تهدم حاجة حلوة مابينا
=الحلو أهو في ايدي و غير كدا فاليذهب أي شئ للجحيم
_كدا! لا تلوم إلا نفسك يابن سناء!
خرجت و رجعت و في ايديها شوكولاتات و شيبسي كانت مخبايهم..ف انصدم و قال:
=يانهارك مش فايت! كل دا مخبياه عني! و أنا اللي كنت هاشيلك حتة!
_كنت ناوية اعرفك المخبأ بس خلاص جبرنا
= هاتي قالب شوكولاتة طيب و خودي حتة
_بعينك
=هاتخدي حتة و عشرة جنيه
_بسخرية:امممم مش عيب راجل طول بعرض زيك و ضعيف قدام الشوكولاتة!
=بتمسكيني من نقطة ضعفي يا ابتسام!
_زي ما بتمسكني من نقط ضعفي و بتخبي مني الچيلي كولا و الاندومي!
=لا دي بقت عيشة زفت!
_بدراما: دلوقتي بتقولي على عيشتي زفت! فين حبك! فين و عودك! فينك يا عبد الرحمن!
=بدارما هو كمان: عبد الرحمن اتغير من يوم ماتغيرتي يا ابتسام... وعديتني إنك طباخة و بقضيها دليفري... خلتيني ارسم أحلام بمشاركة الشوكولاتة و الاندومي و خليتي بيا...
_قربت منه: إيه اللي إحنا فيه دا إيه اللي وصلنا لكدا!
=قرب منها: الأنانية
و فجأة خطف منها الشوكولاتة و جري و هي متأثرة و جريت وراه لحد التورتة وقعت ف الارض :
=منك لله! منك لله!
_هأو اللي يجي على ولية مايكسبش يا راجلي
=جري وراها: و الله ماهحلك!
تعليقات
إرسال تعليق