"بأبتسامه لَطيفه ."
-صباح الخير يـَ أحلى حجوج وحجوجه في حياتي .
_صباح الجمال والحلاوه يـَ حبيبت حجوجك .
~صباح الفل يـَ حبيبتي .. يلا بقى خدي الأطباق عشان نفطر .
"على الفطار "
_اللواء احمد كلمني وبيقول انه عاوزك تروحي النهارده شكله كده في مهمه .
بزعل ~ لا بقى انا كنت عاوزه ليل تقعد معايا النهارده وكمان سمر وليلى جايين الاه .
" وهي بتحضنها بحب "
-الاه الاه مالك يـَ لولو بس ما انا لازم اروح لو عليا والله ما اروح بس عشان كلم بابا فا شكله في حاجه مهمه وانا هحاول اجي بدري يـَ روحي وانا ميرضنيش زعلك على فكره لو اطول اخدك معايا دايماً اخدك وبعدين ما زي ما انتِ قولتي في ناس جايه هيونسوكي واحتمال بابا يجي بدري كمان .
~ المره دي بس هوافق على كلامك بس بشرط .
-اشرطي يـَ جميل
~ الاسبوع الجاي ماتروحيش وتقعدي معايا .
"وهي بتبوسها في خدها "
-من عيوني يـَ ست الحلوين كلهم .
_يلا يـَ حبيبتي روحي البسي عشان اوديكي في الطريق .
"وهي بتقوم من على السفره "
-يلا حاضر .
" انا ليل بدر او ممكن تقولو الرائد ليل ؟ .. عندي ٢٦ سنه و سمر وليلى دول خالاتي و اه صح معنديش اخوات وانا من القاهره ومامتي اسمها حياه .. و اه صح انا مش محجبه "
لبست واخدت تلفوني من على الشاحن وجهزت شنطتي وحطيت حاجات زياده يمكن يبقى في مهمه فعلاً وسلمت على الحجوجه وتوكلت على الله .
"في الطريق ."
_حبيبتي اخدتي كل حاجه ؟
-اه يـَ حبيبي .
بأبتسامه _طيب يـَ حبيبتي احنا وصلنا خلي بالك على نفسك ولو في حاجه كلميني وما ترجعيش النهارده لوحدك لما تخلصي اتصلي عليا وانا هجيلك .
وهي بتحضنه -حبيبي يـَ بابا بس احتمال اتأخر .
_عادي انا هصحى واجيلك المهم ماتجيش لوحدك .
-حاضر يـَ حبيبي مع السلامه .
"وصلت مكتبي و اخدت نفسي شويه وظبطت حاجتي و كنت بشوف ورق ودخل عليا الظابط محمد ."
"صوت خبط على الباب"
-اتفضل
–صباح الخير
-صباح النور .. اتفضل حضرتك .
"اتقدم شويه و وشوشني ."
بصوت واطي –اللواء أحمد عاوزك و في رائد جديد اسمه بحر .. شكله كده في مهمه وانتو هتبقو فيها .
-ربنا يستر .. خلاص انا جايه وراك .
–تمام .
"من بعد دعاوي الدنيا كلها وقفت قدام الباب واخدت نفس وخبطت "
—اتفضل
-مساء الخير يـَ فندم .
—مساء النور اتفضلي يـَ ليل
كمل بأبتسامه —طيب انا حابب اعرفكم على بعض في الاول .. الرائد ليل والرائد بحر اعتقد انكم عارفين شويه معلومات عن بعض .
"بصو لبعض وابتسموا"
•اه فعلاً انا عارف عن الرائد ليل شويه حاجات يعني بحكم اتصالات الشغل .
—طيب كويس جداً انا هدخل في الموضوع على طول .. عرفنا انه عصابه المخدر*ات اللي بنراقبها هتسلم مخدر*ات المفروض انها تبقى في البضاعه اللي هتتسلم عشان يخبو المخدر*ات .. طيب اللي عرفناه واتأكدنا منه ان البضاعه هتتسلم بعد اسبوعين .. احنا دلوقتي في بدايه اسبوع عاوز منكم تجمعو معلومات على قد ما تقدرو والاسبوع الجاي هتروحو المهمه .
بتركيز -بس مش شايف حضرتك انها شويه خطره ؟ وليه اخترتني ؟
بأبتسامه —بالنسبالي الرائد ليل والرائد بحر الاتنين مهمين بالنسبالي اللي هما انتم وماشاءالله شايفين شغلكم وممتازين فيه وانتِ يـَ ليل مش اول مره تروحي مهمه ولا انت يـَ بحر وحبيت اجمعكم مع بعض لأن متأكد انكم هتعملو الصح دايماً .
"بصو كلهم لبعض وابتسموا "
بوشوشه -احم هو حضرتك هتقول لأهلي ازاي؟
بغمزه —متقلقيش قولت لباباكي وانا كده كده هاجي عندكم اخر الاسبوع .
"وهو بيقرب منهم بضحك "
•بتتوشوشو في ايه ؟
بضحك -انت نطيت على الترابيزه كده ليه ؟
•مش عارف اوصل حتى .
بهزار—تصدقو انا غلطان اني هوديكم ده انتو هتضحكوهم مش تقتـ*لوهم .
-ايه ده حضرتك ايه الكلام ده اوعى تفهمنا صح !
—طب يلا يلا عشان تلحقو وخلو بالكم وانا معاكم اول بأول .
" خرج كل واحد فيهم واتفقو انهم هيتقابلو تاني يوم عشان يبدأ في التحريات ويجمعو المعلومات المطلوبه "
" بحر عبدالله او برضو ممكن تقولو الرائد بحر .. عنده ٢٩ سنه عنده اخت صغيره اسمها سما عندها ٢٢ سنه .. راح لأكتر من مهمه سابقاً زي ليل .."
تاني يوم (يوم الاثنين )
تحديداً في مكتب ليل .
الساعه ٦:٠٠ في المساء .
"وهي بترتب ورق قدامها "
-اتفضل
بأبتسامه •مساء الخير يـَ رائد ليل .
بأبتسامه -مساء النور يـَ رائد بحر اتفضل اقعد .
•بلاش رائد كل شويه هي حلوه ليل وبحر كفايه كده .
بضحك -عندك حق الصراحه انا زهقت كل شويه اقول رائد ما احنا عارفين بعض بقى .
كملت -جمعت معلومات ؟
"بيعدل لياقه القميص "
•وبلا فخر روحت البيت ونمت مجمعتش حاجه.
بضحك -طيب ماشي كويس انا برضو مجمعتش يلا بقى نحاول نجمع .
" بعد ٤ ساعات متواصله "
بتعب -انا تعبت كده كتير بدأت انام على نفسي .
•انا كمان .. بتشربي قهوه؟
-ايوه بتعرف تعمل ؟
•اكيد .. هروح اعمل و انتِ قومي فكي جسمك شويه .
"وهي بتقوم "
-آه يـَ جسمي يـَ انا يماا كده كتير والله انا قولت انا مش حِمل الشغلانه دي محدش صدقني .
" قاطعها رنه تلفون بحر "
•مين يـَ ليل ؟
-اللواء احمد
•ردي عليه .
-الوو ؟
—ليل شوفي اللي بعتهولك انتِ وبحر .
-تمام .
•في حاجه؟
-بيقول نشوف اللي هو باعته .
"فتحو التلفونات وشافو ان البضاعه هتتسلم فجر يوم الجمعه "
•روحنا فداهيه .
-احنا لازم نجهز .
•طب تعالي نروح للواء نديله المعلومات .
"جمعو الورق والأدله اللي بتثبت انه في بضاعه هتتسلم ومكالمات ومعلومات تانيه "
-اتفضل حضرتك دي كل المعلومات اللي جمعناها خلال الأربع ساعات اللي فاتو .
—تمام ممتاز معلومات كافيه جداً .. ما انتو شاطرين اهم .. المهم دلوقتي زي ما انتو عارفين ان البضاعه هتتسلم بدل اخر الاسبوع التاني هتتسلم فجر الجمعه الجايه وبما ان باقي ايام لازم تتجهزو نفسياً .. وهيروح معاكم ظباط تانيين منهم جاسر وعصام و ده من وجهه نظري كده عملنا تشكيله كويسه جداً .. واكيد حضرتكم عرفتو حاجات كتير عن البضاعه اللي هتتسلم والمكان .. عندكو اي سؤال ؟
-ايوه انا .. حضرتك انا لاحظت انه في معظم المكالمات بتاعت عصابه جان .. كان اندرو لويس اللي من رجاله لوسيفر معاهم يعني اتكلم في مكالمه من المكالمات .. انا شاكه انه هو معاهم .
بتساؤل •فعلاً انا كمان شكيت انه صوته .. بس ازاي و العصابه اللي هتسلم البضاعه فيها مخدرات ولوسيفر جرايم قت*ل مش مخدر*ات ؟
-يمكن هو اللي هيتسلم ليهم البضاعه بس برضو ليه ؟
—طيب انتو عندكو حق وكلامكم صح ان اللي موجود معاهم اندرو من عصابه لوسيفر وصح برضو انه في اختلاف ما بين العصابتين لكن اللي مكناش نعرفو ان اندرو في الحقيقه من عصابه جان اللي هما هيسلمو بضاعه المخدرا*ت لكن بقى مع لوسيفر او بمعنى اصح ليه تواصل معاهم لأن اخر جر*يمه حصلت كانت بالأتفاق مع العصابتين و الله اعلم ان كان في اي جرا*يم تانيه العصابتين كانو متشاركين فيها والمفترض ان البضاعه تتسلم لعصابه لوسيفر .
-تمام انا كده فهمت .
—تقدرو تتفضلو .
•تمام .
—————————-
-هتعمل ايه دلوقتي ؟
•هروح بقى استريح ..
-تمام انا هروح انا كمان .
•في حد يوصلك؟
-لا المره دي هروح مشي .
•لا بلاش الوقت متأخر تحبي اوصلك ؟
-تمام عادي .
" في العربيه "
-هو انا ينفع اسألك سؤال ؟
•ايوه طبعاً .
بحماس -هو انت مخابرات؟
•عرفتي منين ؟
-عشان اللواء قالي انك جيت مكان جابر والمفروض جابر مخابرات على حسب معرفتي .
•صح فعلاً .
بضحك -ياربي على ذكائي .
•يخربيت تواضعك امشي اطلعي برا السياره .
-حرام عليك ده انا على نياتي !
•طب وصلنا ياللي على نياتك انتِ يلا انا هستنى لحد ما ترني عليا وتقولي انك طلعتي .
بأبتسامه لطيفه -مالوش داعي عادي .
"وهو بيتأمل ضحكتها "
•ازاي بقى ؟ يلا بس .. تصبحي على خير يـَ ليل .
-وانت من اهل الخير يـَ مخابرات .
" وصلت قدام باب الشقه وبعت لبحر اني وصلت و سلمت على ماما وبابا ودخلت اوضتي "
"وهي بتبص على نفسها في المرايه "
-يالاهوي انا وشي كان احمر للدرجادي .
كملت - انا قولت اني مش تقيله محدش صدقني .
"قاطعها صوت بدر "
_بس الواد حلو برضو ما ننكرش .
بخضه -بابا
_ايه يـَ روح بابا ياللي وقعتي على ..
" ضرب*ها على قفاها "
_قفاكي وقعتي على ايه ؟
-قفايا
_ايوه كده .
-قفايا ورم كده عيب .
_عملتي ايه بقى النهارده ؟
"حكت لباباها اللي حصل وقالتله عن المهمه"
_طب حلو كويس .. انا عارف انك شاطره وممتازه يـَ حبيبتي .
كمل _وبحر بقى حصل ايه ؟
-الحمدلله كويس .
_هو انا بسألك عن حاله ؟ احكي احكي
"بعد قليل من الوقت "
-وضحكته قموره خالص بقى والا بقى دقنه الخفيفه يختاااري وطوله وشعره يختاااي والقهوه يخرابييي على جمالها وبس كده .
_آه يـَ بختك الابيض يـَ بدر بنتك اتك…
"قاطعهم زغروطه الام "
_باااااااس .
-انا بعد الزغروطه دي انا كده اتجوزت وخلفت وحامل في التالت .
~يختي وهو الحب وحش يعبيطه ؟
-لا مش وحش يـَ حبيبتي ما يمكن يكون اعجاب وبعدين انا بهزر بس مش بهزر انه اللهم بارك جميل بس برضو انا بهزر .
~ لو اني مش فاهمه حاجه منك بس ماشي .
—————————
يوم الخميس تحديداً عند ليل في البيت
الساعه ٧:٠٠ بليل .
"صوت جرس "
_حاضر جاي ..
وهو بياخده بالحضن .
_حضرت اللواء احمد بنفسه .
بيبادله الحضن .
—وحشتني والله يـَ بدر .
_انت اكتر اتفضل .
" وهي داخله بصانيه الشاي "
~اهلا وسهلا نورت حضرتك .
—بنور حضرتك يـَ أم ليل .
" بعد القليل من الكلام "
—ينفع يـَ بدر تنادي ليل ؟
_ايوه طبعاً ثواني .
" طلعت مامت ليل .. "
~ليل
-ايوه يـَ ماما ؟
~انزلي يـَ حبيبتي حضرت اللواء احمد تحت .
-حاضر .
—————
-مساء الخير .
—اهلا اهلا مساء النور .
بوشوشه -حصل حاجه على المهمه ؟
—لا مفيش .. زي ما هيا .
—طيب بما انكم كلكم متجمعين انا جيت بس أدي حاجه لليل .
وهو بيمد ايده بكيس .
—ليل .. ده حمايه للرصا*ص و لازم انتِ وبحر تبقو موجودين الساعه ٢ ونص بليل النهارده تكونو في مكاتبكم .
-حاضر .. انا عارفه بحر كان بيكلمني وقالي انه حضرتك روحتله واديته نفس الحاجات .
بهزار —والله وبقيتو صحاب .
بهزار ~امال دول صحاب الصحاب .
بأستغراب -ايه ده ثواني ؟ ماما انتِ عارفه المهمه ؟
~اه يـَ حبيبتي ابوكي واللواء احمد قالولي .
-يعني موافقه ؟
~اه يـَ حبيبتي .. انا عارفه انك ممتازه ومش هيحصل حاجه وحشه ان شاء الله .. اللي ربنا كاتبه خير .
-والله واقنعتوها .
_اماااال .
—————
فجر يوم الجمعه
الساعه ٢:٠٠ .
"جهزت حاجتي ولبست .. وكنت عاوزه اعرف حامي الرص*اص بيتلبس ازاي فا دورت على بابا ولقيته قاعد في البلكونه ."
-صباح الخير يـَ بابا .
_صباح النور يـَ حبيبت بابا ، جاهزه ؟
-اه يـَ حبيبي .. انت منمتش؟
_لا يـَ حبيبتي
-ليه ؟
_مكنتش هعرف اقوم في الوقت اللي هتنزلي فيه .
-حبيبي يـَ بابا .. بقولك هو ده بيتلبس ازاي ؟
_اديني .. بصي وقت لما تلبسيه لازم تشدي الخيوط دي جامد بس المهم متوجعكيش .
-تمام يـَ حبيبي .
~صباح الخير
-صباح النور يـَ حبيبتي .
_صباح النور يـَ روحي .. ايه اللي مصحيكي؟
~عشان اعمل لليل الفطار .
-ليه كده .. كنت اكلت اي حاجه عادي .
~لا لا مينفعش .
-ماشي يـَ ستي براحتك و بعدين ال..
"قاطعها صوت رنه تلفونها .. بصت وكان بحر"
بضحك ~اهو ابتسامتها من الودن للودن .
_يبقى بحر .
بضحك -الاه .. على الصبح كده .
" ردت على الموبايل "
-الو
•صباح الخير .
-صباح الفل .
•عامله ايه ؟
-الحمدلله كويسه انت عامل ايه ؟
•كويس الحمدلله طول ما انا سامع صوتك .
" ثواني يـَ جماعه هو ده حقيقي ولا بيهزر ولا ايه ده يالاهوي "
-احم .. قولت حاجه ؟
" بعد ما استوعب اللي قاله "
•هاا؟ لا ابداً … كنت بقول انتِ نزلتي؟
-لا لسه هفطر وانزل .
•طيب انا ١٠ دقايق وهبقى عندك .
-ملوش لزوم .
•لا ازاي بقى ؟ يلا بس اجهزي ومتنسيش الحاجات .
-حاضر سلام .
•سلام .
———————
" على الفطار ."
بخبث _وش قالك ؟
-هاا ؟
_وش قالك ؟
-منو ؟
~انتو قلبتو خليجي ليه كده؟
_قالك ايه الواد بحر ؟
-مفيش حاجه .
_علينا برضو ؟
-قالي كل خير .. هيعدي عليا يوصلني معاه .
~هنعمل نفسنا مصدقين يـَ جميل .
-لو فضلتو تنكشوني كده هروح اقوله بحبك .
_وانا هعلقك من حمايه الرصا*ص بتاعك ده .
-حبيبي يـَ حجوج .
"بعد شويه من الوقت ."
-يلا انا نازله .
بدموع ~خلي بالك على نفسك يـَ حبيبتي .
-متقلقيش يـَ حبيبتي هبقى كويسه ان شاء الله وبعدين النهارده الجمعه يوم مبارك وجميل اهو .
_توصلي بالسلامه يـَ حبيبتي .
" اخدتهم بالحضن وبعد دموع .. نزلت لبحر "
-انا اسفه اتأخرت .
•مالك ؟ حد ضايقك ؟ انتِ معيطه ؟
-ماما وبابا عيطو فا عيطت معاهم .
كملت -انا قلقانه يـَ بحر .
بأبتسامه لطيفه وعيونه المطمئنه •متقلقيش كل حاجه هتبقى تمام واحنا مع بعض ومش هسيبك ابداً ان شاء الله نطلع كويسين وراضيين بالنتيجه .
"وصلو للواء وفطرو مع بعض وراجعو الخطه مع بعض .. والكلمات المحفزه من اللواء احمد ليهم ."
بضحك -بتعمل ايه ؟
•بحاول البس البتاع ده .
-يعم شد الخيوط اللي ورا .
"لف ليها وشاف من ورا خيوط نازله من بدله الحمايه "
بضحك • طب بصي نشد بتاع بعض عشان نخلص .
-ايه ده انت لاحظت ؟
•بصي كده في المرايه .
"بصت على المرايه ولقت الخيوط كلها نازله وبتتمرجح "
بضحك -يخرابي ايه ده ؟
" مسكو هما الاتنين خيوط بعض وعدو لحد ٣"
-واحد
•اتنين
-هوبا
بتألم -بطنييي بطني انت شفطتني مع البدله .
—يـَ هبله انتِ وهو تعالي هنا ..
" ظبط ليها البدله ."
-شكراً اوي .
—يلا العربيه مستنياكم .
————————-
" وصلو للمكان وكان كالتالي .. صحراء كبيره وفي على الجنب جبال وفي مخزن تبع العصابه .. اتوزعو الظباط والرائد بحر والرائد ليل .. كان الرائد بحر في جهه من الجبل قريبه من جهه ليل والظابط جاسر و عصام كانو بيحضرو السلا*ح و لبسو الحمايه .. وفي ظباط تانيين بيحموهم ."
" في الناحيه التانيه عند اهل ليل "
بدموع ~يارب بنتي يارب احميها واحمي اللي معاها يارب .
_يارب يارب ..
~يارب احميهم وساعدهم يارب .
_اهدي يـَ حبيبتي كل حاجه هتبقى ان شاء الله خير .
" عند ليل وبحر "
•سامعني يـَ جماعه ؟
*ايوه يـَ فندم
-سامعينك .
•انا شايفهم .. اول ما تشوفو ان كلهم بعاد عن العربيه على طول ابدأو .
-تمام .
"بعد شويه من الوقت بدأ الهجوم ."
•بسم الله .. يلا .
بدأ الكل يضرب على التاني وليل صابت لوسيفر رئيس العصابه اللي هتستلم البضاعه ، وبحر لقى حد ورا ليل وصابه .. والظباط قت*لو اندرو لويس .. نجحو في اصابه الجميع الا اتنين رئيس عصابه المخدر*ات و حد من رجالته … والظباط اخدو معظم الرجاله و رئيس العصابه لوسيفر ، وخلال اطلا*ق النا*ر سمعو صوت طلقه جمب ليل .
•ليل سيبي المسد*س دراعك اتصاب يـَ ليل .
"ليل مسمعتش كلام بحر وصابت رئيس عصابه المخدرا*ت .. لكن كان عارف يتحرك واطل*ق رصا*صه جمب بحر لكن ليل زقت بحر بسرعه ."
" اخد حد من الظباط ليل سندها عشان تمشي لكن سمعو صوت دب على الأرض وكانت ليل مغمى عليها "
صرخ بحر بأعلى صوت •ليييييييييل
"جري ليها وشالها وعرفو يدخلوها السياره .. ونجحو في قت*ل معظم رجاله العصابتين .. وتم اعتقال بعض رجاله العصابتين .. وأخدو البضاعه كلها ."
"صوت رنه تلفون بحر .. وكان اللواء احمد""
—الو
بصوت حزين •الو
—مالك في ايه ؟
بعياط زي الاطفال •ليل اتصابت واغمى عليها ومش عارف من ايه انا خايف عليها يـَ احمد .
—بس بس اهدى ودوها المستشفى المخصصه ليكم يلا وانا جاي وهعرف ابلغ اهلها واهلك .
"وصلو عند المستشفى ولقو اهل ليل وبحر موجودين واللواء احمد "
بعياط ~فين بنتي ؟
<بس اهدي يـَ حبيبتي هي هتبقى كويسه ان شاء الله .
"كانت مامت بحر بتهدي ام ليل "
" اول لما اهل ليل شافوها عيطو لكن اهل بحر بيحاولو يهدوهم "
دخلو ليل العمليات عشان يشيلو الرصا*صه واللي اتضح انها اغمى عليها بسبب كميه الد*م اللي خسرته .
+احنا عاوزين حد دمه A+ لليل .
"راحت مامت بحر اتجاه الدكتور "
<انا انا نفس النوع .
+طيب تعالي حضرتك .. متقلقوش ليل هتبقى كويسه .
" اخدو من ام بحر الد*م المطلوب ."
+الحمدلله ليل بقت احسن من الاول لكن الحاله مش مستقره ١٠٠٪ .
~طيب هي ليه مش بتكلمنا ايه اللي حصل ؟
+ليل خسرت د*م كتير مش اكتر .
بتعب _يارب يارب بنتي يارب .
"بحر اول لما شاف اهله راح حضنهم وعيط بسبب خوفه على ليل "
•ليل يـَ سما ليل .
=بس يـَ حبيبي اهدى الدكتور قال انها ان شاء الله هتبقى كويسه واحنا كلنا معاها وبندعيلها .
————————
" الدكتور طلب منهم انهم يمشو لان مفيش حاجه هتحصل في اليوم ده وتاني يوم الصبح راحو كلهم يشوفوها ومحصلش حاجه ومازال عياطهم كل ما يشوفوها وخوفهم عليها .. وممنوع دخولهم لليل ، وجيه اليوم التالت "
اليوم التالت ..
الساعه ٦:٠٠ بليل .
"كلهم كانو موجودين في المستشفى وبيدعو .. و الدكتور وافق ان مامت ليل وباباها يقدرو يدخلو "
وهي بتبوس راسها ~ليل حبيبتي
بدموع مكتومه _وحشتينا اوي يـَ ليل .
التفت لبدر بدموع .
~هي هتبقى كويسه صح ؟
_بأذن الله يـَ حبيبتي .. ادعي ربنا انتِ بس .
——————
"مشيو كلهم ورجعو تاني يوم على امل انها تفوق .. والجو اتحسن شويه لما الدكتور نقلها غرفه عاديه وسمح للكل انه يدخلها لكن واحد واحد "
+حد عاوز يدخل ؟
•انا .
+اتفضل معايا حضرتك .
"اتعقم ودخل "
•ليل .. وحشتيني يـَ حبيبتي .
كمل وهو بيمسك ايدها .
•وحشتيني اوي .. بقالك ٤ ايام مش معايا ولا بنرزل على بعض .. انا اسف مقدرتش احميكي يـَ …
"قاطع كلامه صوت جهاز القلب "
بخضه •لا لا لا .. لا يارب لا
"دخلو الممرضين والدكتور بسرعه وجابو جهاز انعاش القلب "
+لو سمحت اخرج برا .
"كان الوضع كالآتي… اهل ليل كانو من الخضه ساكتين لكن دموعهم مش واقفه .. وبحر قاعد بيدعي .. واهل بحر بيعيطو ويدعو والمنظر قدامهم وليل بيحاولو ينعشوها "
_يارب .. يارب بنتي يارب يارب .
~بنتي يـَ بدر بنتي يـَ بدر .
•ليل يـَ ماما .. ليل ليل ..
=يارب يارب يارب ليل يارب .
<يارب ليل يارب .
"في الجهه التانيه عند ليل "
+اخر مره .. مش هينفع اكتر من كده .
"في سره "
+يارب بسم الله الرحمن الرحيم .
"قاطع بكاء الكل وخوفهم ضحكت الدكتور لما ليل جهاز القلب اشتغل تاني ونبضاتها رجعت تاني وشويه شويه انتظمت ."
خرج الدكتور وهو مبتسم واول ما شافته ام ليل راحت لعنده .
بعياط من الفرحه ~ربنا يجازيك خير يـَ ابني ربنا يجازيك خير يارب .
+متقلقيش يـَ امي ليل كويسه ده شيء طبيعي بسبب انها مغمى عليها بقالها فتره كبيره .
وهو بياخده بالحضن _ ربنا قبل دعانا كلنا .
بيبادله الحضن +متقلقش حضرتك هتبقى كويس .
بفرحه •ليل ليل يـَ ماما .. الحمدلله يارب الحمدلله يارب .
<الحمدلله الحمدلله .
=الحمدلله الحمدلله ربنا استجاب .
"بعد ساعتين "
رن تلفون بحر برقم الدكتور .
•الو
+بحر .. انتو موجودين لسه ؟
بقلق •ايوه في حاجه ؟
+ليل فاقت وحالتها مستقره .
"بحر محسش بنفسه غير وهو بينط من الفرحه "
•ليل فاقت ليل فاقت .
"جريو كلهم لليل واتجمعوا كلهم عندها في الاوضه "
بتعب -ايه ده كلكو هنا ؟
"بحر جري عليها ومسك ايدها بس من غير ما حد يشوف وكان هيتكلم وقاطعه بدر "
_شوفتك يـَ حيوان .
•اني اسف .
بضحك خفيف -يـَ جماعه بقى .
التفتت ليل لمامتها اللي واقفه ساكته .
بتعب وصوت رايح -مالك يـَ ماما ؟
بدموع ~وحشتيني اوي .
بدموع -يـَ ماما هتخلوني اعيط وانا تعبانه .
+معلش يـَ جماعه هقاطعكم .. بس ليل استقرت ميه في الميه بس هتكون تحت الملاحظه لمدت ٢٤ ساعه وبعدها تقدر تطلع عادي .
"ليل بصت عليهم لقتهم كلهم ابتسمو مره واحده لما سمعو الخبر "
~انا هقعد معاها .
<طب روحي جهزي حاجتك وكلي حاجه وتعالي انا هقعد معاها انا وسما وبحر يوصلكم .
~لا لا انا خايفه عليها .
•ما هي يـَ طنط بقت كويسه تعالي بس هوصلكم خدو حاجتكم وكُلو وهنيجي تاني .
_يلا يـَ حبيبتي .
-روحي يـَ ماما انا كويسه .
"خرجو اهل ليل وبحر .. وجريت سما على ليل"
=حمدلله على السلامه يـَ جميل .
بأبتسامه -الله يسلمك يـَ حبيبتي .
=انا اخت بحر على فكره .. وبحبك اوي بحر على طول بيحكيلي عنك وانا شوفت صورك قبل كده .
<يـَ بت مش وقته البنت تعبانه .
بضحك -لا خليها دي عسوله خالص .
"قربت منها ومشت ايدها على شعرها "
<حمدلله على السلامه يـَ حبيبتي .. خوفنا عليكي كلنا .
-الله يسلم حضرتك يـَ حبيبتي .
"الممرضه دخلت وكان معاها الاكل ، سما اخدت منها الاكل ومامت بحر ساعدت ليل عشان تقوم "
<بسم الله الرحمن الرحيم .. ايوه كده اسم الله عليكي .
"حطت سما الاكل وساعدت ليل في الاكل "
=يلا الاكل رايح فيييين ؟
وهي بتاكل
بضحك -يـَ هبله ، اللي اعرفه انك اصغر مني وبتقوليلي الاكل رايح فين .
<وسعي يـَ بت انا هأكلها .
<يلا الطياره رايحه فين ؟
بضحك -محدش يأكلني فيكم امشو اطلعو برا .
بخبث =براحتشك بس مش هقولك ان بحر كان دخلك ومسك ايدك وفضل يعيط زي الاطفال هااا .
"قاطعهم دخول الدكتور "
+وانا هقاطعك بقى واقولك انه ليل كانت سامعه بس مش عارفه تتحرك .
بصدمه =قول والله !
بضحك -اه والله .
كملت -مش بالأماره قال حبيبتي باين .
<الاه الاه .
"عدى وقت ورجعو اهل ليل وبحر وباتوا كلهم معاها .. ونام الكل الا ليل وبحر "
-بحر اديني مايه لو سمحت .
•حاضر يـَ حبيبتي
بأستغراب -انت قولت ايه ؟
•قولت يـَ حبيبتي .
-ده بجد ؟
•اقولك الكبيره ؟
-ايه ؟
بوشوشه •بحبك اوي .
بشهقه -يخرابي .
~انا اللي سمعاك يـَ بحر المره دي .
•حماتي حبيبتي .
بضحك -اديك اتقفشت يـَ ابو الحبايب .
"رجع بحر للكنبه وهمس .. بحبك "
-انا كمان .
————————
" عدى فتره كبيره شويه و ليل بقت احسن بكتير من الاول .. والجر*ح بدء يخف وبس اثار العلامه موجوده مش اكتر ."
_ليل ينفع ادخل ؟
-ادخل يـَ بابا .
_ينفع اسألك سؤال ؟
-اتفضل
_بتحبي بحر ؟
بضحك -عاوز توقعني في الكلام ؟
_لا بجد .. بحر متقدملك .
" بتحاول تعمل نفسها متعرفش انه بيحبها لكن الفرحه باينه في عيونها "
_متحاوليش تخبي عليا عينيكي مبينه يـَ ليل .. وانا عارف انكو بتحبو بعض .
-بحبه يـَ بابا .
بأبتسامه _طب على بركه الله ؟
-على بركه الله .
~لولولولولولولولولولولولي
بضحك _مبروك انتِ حامل
-مش قولتلك زغروطه ماما هتخليني متجوزه ومخلفه ايضاً .
_انتِ هتقوليلي .
~قولتلك بتحبي يـَ ليلو .
-كلامك طلع صح يـَ قلب ليلو .
—————————
في يوم من الايام والبحر هادي كأنه مستمتع باللحظه اللي بتحدث الان .. في تجمع اهل ليل واهل بحر واللواء احمد …
^بارك الله لكما وبارك عليكما وجمع بينكما في خير .
"قام بحر وحضن ليل "
بصوت عالي •لقد هرمنا من اجل هذه اللحظه .
بهمس -بحبك اوي .
"وهو بيبادلها الهمس "
•انا بحبك اكتر بكتيييير .
كلهم قالو في نفس الوقت .
_شوفنااااااااااااك .
-اتقفشنا ؟
•اتقفشنا !
"فيُقالُ إنَّها فُلانة حلِيلةُ فُلان . 🤍"
تعليقات
إرسال تعليق