"أقع في حُب الرسائل التي يتوسطها ذِكر اسمي، وكأن أحدهم يُناديني بقلبه 🫂
_أنا عارفة أنه صعب بس ليه تعذبيه معاكي يا ذات؟
_ هو ميعرفش بس مش مقتنع أننا صحاب وبس بيجاهد في حاجه مش هتحصل مش عايز يفهم أني مشاعري معاه مش هتتغير أني لسه شيفاه الشاب الكويس المحترم اللي بتسند عليه من غير خوف مش مقننع بده !
_جربتي تحبيه !
_ في حد يحب أبن عمه دول بيبقوا زي الأخوات يا سمر !
_ عشان كده هو أحسن حد عارفك هتلاقي حد زيه فين يفهمك عارف تفاصيلك ؟
_ بس أنا أتعودت عليه أننا صحاب وأخوات مش من يوم
وليله الاقيني حبيته يعني ومفكرش في يوم أذيه بيا ؟
_أنتي بس اللي مجربتيش ..
_ هو فاتحك في حاجه ؟
_ وهو بيكلم بنت غيرك ولا هو شايف غيرك أساسا !
_طب أطفحي وأنتِ ساكته يلااا
" حلوه الحاجه اللي بنبقي بنعاند عليها أننا مش هنقع فيها فنقع فيها وندلق و نحبها بعد ما كنا حالفين أننا عمرنا ما هنعملها ، أنا مش بحبه يمكن متعوده عليه بس هيحب فيا أيه ! أن عيلته اللي أنكرت وجودي ولا عيشتي لوحدي ولا شكلي أنا مش عارفه هو مش خايف علي شكله وسط الناس وهو معايا ، بيخرج معايا بشكلي وبنضارتي دي مش عارفه هو مقتنع أننا عيله أزاي وأهلنا مش مقتنعين بيا ؟ "
_ يعني أيه مرفوده ؟
_يعني عِينا حد تاني مكانك كفؤه غيرك !
_يعني أيه وأنا أبيع مخلل ولا أيه مش فاهمه أنا قصرت في أيه مش فاهمه ؟
_ قصرتي في كتير في شكلك ولبسك و لا بلاش أتفضلي ..
_ ذااات ذااات
_يعني أيه يا سمر يعني هبقي في الشارع والسكن هبات فين هبقي لوحدي تاني ؟
_ أستني بس طب كلمي أمجد !
_ المره دي هطلب منه أيه ها مش كفايه أنه كان مشغلني هنا بواسطه منه !
_هتعملي إيه ؟
_هدور علي شغل تاني ..
" كنت حاسه بدوخه في حياتي بعد ما كانت حياتي أبتدت تتعدل أبتدت تبوظ تاني كنت عايزه أختفي وكان وجودي مش مرغوب فيه كنت عايزه أبعد أبعد من هنا خالص .. دورت علي شغل يوم وأتنين كنت بنام في المحطه ساعه او في المكتبه شويه ساعتين وأصحي تاني كنت خايفه و مرعوبه كوني لوحدي كنت كل ما أفتح تليفوني أتردد تاني أني متصلش بيه تاني كنت خايفه مع أن وجوده أمان بس أنا مش عايزه أبقي تقيله عليه "
_ مش بتردي ليه!
_ معلش كنت هنام و..
_ ذات أنتِ فين أنا عرفت كل حاجه وبدور عليكي في كل حته أنتِ فين ؟
_ (معرفش ليه حسيت أني محتجاه )
أنا محتجاك تعالا يا أمجد
_ أقفي في حته أمان وأنا هجيلك متخافيش
" كنت قاعده وبضغط علي كفوفي من الخوف مستنياه يجي مر شويه وقت وجه كان خايف عليا كان باين ده في عينه وفي ثانيه كنت في حضنه كان ضاممني جواه وكأنه بيقولي أنه هنا ومش هيمشي ، بعدها بشويه فضل يلوم فيا وأنا كنت خايفه من عصبيته أكتر من خوفي من وجودي لوحدي وبعدين روحنا بيته معرفش أزاي كان في بيته أمان مع أني كنت خايفه"
_ من بكره كل حاجه هتتحسن كل حاجه هتبقي بخير
_ أمجد !
_ همم ؟
_ شكرا عشان ...
_ تصبحي علي خير يا ذات
" لاول مره أحلم بأمي كنت بحلم الاحلام دي لما كنت بحن ليها وأنا صغيره بس دلوقتي بقيت لوحدي معرفش ليه حلمت بيها تاني وهنا ليه كنت أول حاجه كنت هعملها أول ما هصحي همشي من هنا مش عايزه أسبب ليه مشاكل بس صحيت لاقيته جنبي ومحضر الفطار ومستنين أصحي عشان هيمشي ينزل شغله وهو مبتسملي بكل الرضا ده ! "
_ بصي مش عايز أي فتفوته تفضل هروح الشغل مضطر بقي معلش و هاجي بسرعه متقلقيش ماشي
_ ماشي
" بعدها بشهور بقيت ساكنه معاه قالي لما هبقي معاه مش هيفضل كل شويه قلقان عليا وخايف عليا ، بقينا ننزل الشغل مع بعض بقيت السكرتيره بتاعته كمان مكنش بينزلني غير في الاجتماعات الضروريه وبس كنت مبسوطه معاه بأهتمامه بيا بس كنت حاسه أن كل ده العادي في أي شخص ممكن يعمل كده لو كان مكانه صح ! "
_ جعااااان أووي
_ نأكُل سوا أيه رأيك أطبخ ونأكُل سوا !
_ هتعود عليكي كده ومش هأكُل من حد تاني
_ متقلقش أنا مش هسيبك ده ما صدقت لقيتك
_ بجد يا ذات
_ أومااال
_ من جهه كده هنتفرج علي فيلم أيه والفشار عليا
_ في الاخر بتسبني وتنام هااا
_ ومين قالك أني بنام مش يمكن بستعبط
_ يعني مش بتنام !
_أيه !
_كتك أووه ...
" كانت حياتنا هاديه فكرتني بهدوء بيتنا زمان صوت المفتاح بتاع البيت اللي كنت بعدها بجري بفرحه علي بابا وياخدني في حضنه وأحكيله يومي ويسمعني ويساعدني مش عارفه كان مقتنع بأن كل حاجه بتتحل بالحضن بالطبطبه بالحنيه بالأمان مفيش حاجه غير كده وتتسمي حب !"
_بتعيطي ليه؟
_عشان أفتكرت بابا ..
_ ربنا يرحمه .. بس ليه أفتكرتيه ؟
_عشان شوفتك فيه يعني أقصد زي ما كان بيعمل معايا وأنا صغيره في حاجات فيك شبه أووي مش عارفه ليه .!
_عشان كده ربنا بعتني ليكي !
_ تفتكر لو كنت من غيرك كنت هعمل أيه كنت هعيش أزاي ؟
_ ممكن تبطلي عياط
_حياتك هتبوظ بسببي ومش عايزني أعيط ده أنا لو هطول أهرب ههرب ..
_ ششش أهدي تعالي في حضني بس وأهدي
_ وكتفك ما أنت أتزحلقت بسببي أمبارح .. بتضحكني ليه دلوقتي شكلك كان مسخره أووي
_ طب أمشي من وشي
_ خلاص مش هضحك خلاص .. متزعلش
_ تعرفي أنا ليه جنبك عشان زي ما قولتي زي باباكي
_ بس أنت مش سنك كبير أووي ؟
_ أمشي يا ذات من وشي يلا بشعرك القمر ده يلا
_ مش هتضفرلي شعري طيب .. نسيت صح أن أيدك وجعاك
_ أعملي قهوه وتعالي نحكي وأضفرلك شعرك
" كان كل ما يبصلي وقت ما بحكي عن حاجة ليه كان بيشدني ليه أنه بيبقي مركز معايا حتي بحس أنه بيتوهه وبيبتسملي ومش بيمل ، من صغري ملاقتش حد بعد بابا يسمع حكاياتي التافهه ويسمعني بكل لطف .. أبتديت أحس بلطف بيني وبينه ومش عارفه أتخطاه يعني أزاي يومي يعدي من غيره ؟ "
_ يعني أيه يعني هي مش من حقها تعيش مش من حقها يعني مش من حقها تبقي مبسوطه كل ده عشان الفلوس ملعون الفلوس أنا مش عايز منكم حاجه أنا مش عايز حد يكلمني في الموضوع ده تاني محدش يدخل في حياتي ماشي مش عايز حد يتعرض ليها ولا ليا أبعدوا عني وعنها
" كنت سامعه كل كلمه ونزلت علي قلبي خلته يزيد دقاته مش عارفه أني مبسوطه عشان هو خايف عليا ولا خايفه عليه مبقتش عارفه أحساسي بس جيت أكلمه زعق فيا من المفترض كنت أسيبه يهدا مكنش وقتي خالص فنزلت ومشيت شويه كنت حاسه أني عايزه أهدا شويه معرفش حياتي ليه متلعبكه عدا وقت ومحستش بيه قعدت شويه علي نفس الكرسي اللي كنت مستنياه في يوميها وكأني كنت مستنياه تاني .. "
_مرجعتيش البيت ليه؟
_ مش قولتلي سيبيني ... وبعدين هرجع في بيت مش بيتي ليه هكون مش محترمه كرامتي بعد ما مشتني منه !
_ ذااات أنا...
"المره دي كنت فـ حضنه المره دي كان قراري في وجوده ليا "
_ مش هتتأسف !
_ أنا أسف ..
_ تعالي هوديكي مكانك اللي بتحبيه بس بحاجه مختلفه !
_ حاجة أيه؟
_ شايفه الصندوق ده ..
_ماله !
_ ده صندوقك تقدري تفضفضي ليا فيه وتقدري تكتبي اللي عايزاه وانا كمان هبعتلك عليه
_لسه بتحب الرسايل !
_في حاجات كتير لسه بحبها ومش قادر أنساها
"حياتنا كان كويسه جداً بعد اليوم ده كنت فـ كامل أنبساطي معاه حصلي شويه تغيرات جوايا بس لسه أنا بحزني برضو "
_ جايبني هنا ليه!
_ عشان أعرفك أنك جميله مهما حصل مش بشويه اللبس لا أنتي جميله يا ذات
_ أنت بس اللي شايف كده ومحتاج نضاره زي بتاعتي دي
_ مش مهم المهم أن أنا شايفك حلوه فـ عيني وده كفايه
_ بكاش أووي المهم في موضوع كده كنت عايزه ..
_ قولي !
_ فـ شاب بيحبني و..
_ وأنتِ حاسه بحاجه أتجاهه ؟
_ مش عارفه بس أول مره حد يقولي بحبك وحاسه أني هحبه فاضي أعرفك عليه !
_ .. اللي تشوفيه يا ذات
"كان باين عليه الحزن أنا كنت عايزه أجرب الحب ده مكنتش عارفه أن ممكن إخسره بعد شهور اللي كنت مفكراه بيحبني لما عرفني رفض أننا نتجوز وسابني ومشي ساعتها مكنتش عارفه أواجهه أزاي ! كنت منهاره وحاسه أن الحياه مش متقبلاني معاها مشيت مشيت ودموعي لسه مش عايزه تنشف وتتعب ومتنزلش مني تاني روحت المكتبه تاني وقعدت ساعات فيها بس عياطي مش عايز يخلص بقالي شهور عايشه في شقه تانيه بعيد عن أمجد هو مكنش عايز يعارضني عشان كان مفكرني أني بحب فعلا بس في الوقت ده لاقيت نفسي كل ما بقع في ضيقه مش بلاقي غير أمجد جنبي كل حته فيها ريحته فيها بصمه ليه عمال يبرهن ليا بحبه وأنا مش قادره أديله حبي ليه اللي بنكره ، فتحت الصندوق لاقيت رساله منه "
( بقالك 30 يوم و3 أيام مش لاقيكي مش بتردي عليا، أنا مفتقد وجودك أرجعي يا ذات أنا مش قادر أعيش من غيرك)
_كنت عارف أني هلاقيكي هنا أنتِ كويسه بتعيطي ليه نمشي من هنا وحشتيني وحشتيني ممكن متبعديش تاني ؟
_ شفت يا أمجد .. مع أني بقيت جميله زي ما قولتلي بس مفيش حد عايز يحبني ويتجوزني محدش عايز ياخد الخطوه دي خايف مني مش متقبلني معاه أنت ليه مش خايف مني وانت معايا وليه مش ..
_ أنا أسف عشان كنت واقف متكتف كان نفسي أضربه وأكسرلك وشه بس كنت خايفه أبوظ الحب اللي حبتهوله أو فرصه تانيه كانت ممكن ترجعكم لبعض أنا أسف
_ أنت مش مسئوليتك أنك تكملي كل قصصي الناقصه حياتي اللي مليانه تعب مش مسئوليتك أنك تعيشهالي مش...
_أمال مسئوليه مين !
_ أنا من ضمن خيارتك الوحشه يا أمجد
_ وأنا بحبك مش عشان خياري لا عشانك يا ذات
_ خدني من هنا أنا عايزه أمشي من هنا أبعدني عن الناس يا أمجد أنا بكرهه وجودي معاهم أنا مش عايزه أتكسر أكتر من كده أنا تعبت وحاسه بتعب في كل جسمي
_ بيني وبينك أنا فرحان أنه سابك أيوه متبصليش كده عشان أنا الوحيد اللي بحبك ومش عايز غيري يحبك
_ طب وتعبي وكل حاجه كنت بسببهالك لسه بتحبني !
_ سيبك أنتِ أنا جعان أووي
_ ده وقته يخربيت دماغك
_ ذات تقدري تعيشي من غيري !
_ فكرك التعود هو الحب ولا الحب هو التعود .؟
_ لو مفيش حب يبقي مفيش تعود !
_ يعني أنا بحبك
_ عشان كده هتتجوزيني
_ تعرف
_ هعرف وهسمعك بس نروح ممكن
_ هتحبني !
_ ما أنا متنيل علي عيني وبحبك من زمان ومستنيكي تنولي الرضا وترضي عليا وتحبيني يا ذات
_ ورضيت
=إني أتكئ عليكِ، فلا تميلي؛ "🖤
تعليقات
إرسال تعليق