ياه على القسوة إللى فيكى
عمرى ما تخيلت انك
تكتبي نهايتي باديكى
كنت عايش بيكى وحدك كنت واهب عمرى ليكى
يومى كان يبدأ بوصلك قبلتى كانت عنيكى
كنت أتوه في الدنيا بعدك والقى روحى تروح اليكى
كنت احس الكون ده ملكى ، ومين يا ناس فى الكون شريكى
واكتفيت انك هوايا وكل روحى
بعت عمرى عشان شاريكى
هان عليكى الحب فجاة واختصرتى سنين هوايا ف ليل ماضيكى
ضعتى منى وخنتى ظنى وحتى ما صعبتش عليكى
ياأاااه
ياه على الغدر إللى منك ياااه على القسوة إللى فيكى
كنت واهب للحياة والدنيا جسمى ومحتفظ جوايا بالطفل الصغير
طفل حالف مايخالفش العهد يفضل جوه منى طفل رافض انه يكبر
كان بيرقص جوا صدرى لو يشوف النور ويرسم بكره اخضر
لما حبك قلبي وهبك طفل عمرى وعاش معاكى صباه وحلمه
كان بيعشق ضحكتك يعشق وجودك كان رضاكى هواه وهمه
كان يدوب من لمسة الايد إللى كانت بالحنان والشوق تضمه
يرمى أحلامه ف عنيكى يحن ليكى طفل عاشق حضن امه
فجاة بعد الحب خدتى الطفل منى وبحسبك بالخير تجينى
وف صحارى العمر قبره بتحفرى ومن عطف قلبك تحرمينى
فاضت الريح بالرمال ترفض قساوتك رافضة انك تقتلينى
من برائتى قومت اضمك وامحى عن توبك رماله بفيض حنينى
عمرى ما تخيلت انك لو لقيتى بديل لحبي تهجرينى
مرة واحدة بكل قسوة تدفنى الطفل الصغير توادينى
كنت مشتاقلك وببكى ..كنت ابنك كنت ضلك من ظلام الموت خدينى
كنت بهرب ليكى منك كنت بستطعف عيونك ترحمينى
ضعتى منى وخنتى ظنى وحتى ما صعبتش عليكى
ياأاااه
ياه على الغدر إللى منك ياااه على القسوة إللى فيكى
ليه يا طير تكسر جناح الخير لخلك ليه رفضت ف يوم تسامح
كنت فاكر حبي ليك نعمة وهدية كنت بيك طاير وسارح
عمرى ما تمنيت يا طير البعد عنك
عمرى ما تخيلت انك تبق جارح
.وقت حبك كنت اغمض عينى وأحسب نفسي طاير بالخطاوى
كل يوم احلم بورد بيملا سقف الكون وفوق جبين الليل يمطر بالغناوى
وألقى ورق الورد متبعتر وطاير فوق بيوت الناس فوق السحاب فوق الجناين والقهاوى
يختلط مع لون سواد الليل ويدخل كل حلم يكون لفرح الكل غاوى
كنت بعشق عمرى جمبك كنت بتغزل مشاعرك يومها كنتى اسير عنيكى
ضعتى منى وخنتى ظنى وحتى ما صعبتش عليكى
ياأاااه
ياه على الغدر إللى منك ياااه على القسوة إللى فيكى
تعليقات
إرسال تعليق