-يابنتي ماتخافيش إن شاء الله هتنجحي وتجيبي تقدير
=بعياط بقولك الإمتحان كان صعب، ومعرفتش أصلا كنت بعمل إيه ولا بحل إيه؟!
-ثقي بالله يا رضوى يا حبيبتي ربنا مش بيكسف عباده ادعي كتير واذكري الله كتير، والله هتتفاجئي من النتيجة، وربنا هيجبر بخاطرك ويكرمك، وما أدراك كرم ربنا.
=تعرفي كلامك ريحني شوية شايفة الرعشة اللي في جسمي أنا فعلا غلطانة إني مذاكرتش من بداية السنة، وإن شاء الله مش هكرر غلطتي دي تاني.
-إن شاء الله يا حبيبتي تبدأي التيرم التاني جد مش زي كل سنة، وتوكلي على الله
=والله بتوكل على الله يا حبيبتي ومفوضة أمري إلى الله دايمًا بس أنا المرادي مذاكرتش كنت تعبانة إزاي هيكون ليا عين أدعي ربنا إنه ينجحني
-وربنا مش بيبص للمذاكرة بيبص لتعبك اللي تعبتيه سواء في حياتك أو في مذاكرتك يا حبيبتي وخلي عندك أمل كبير بالله، وربنا مش هيشمت فيكي حد أنتِ بتذاكري كل المواد ولا تعبك كان زمانك عرفتي تلمي المادة دي
=ما هو للأسف ماعملتش حساب إن ممكن أي ظرف يحصل معايا أيام الإمتحان.
-ماتقلقيش خير إن شاء الله متعرفيش الخير فين
وفات يومين ورضوى مرعوبة لأن اليوم النتيجة هتظهر
اتصلت على رضوى وقالت ليها: قومي صلي وأدعي ربنا يكرمك وربنا كرمه كبير واستغفري ربنا
وربنا هيجبرك بدرجات وتقدير مكنتيش تتوقعيهم
قامت رضوى تصلي وهى بتدعي وتقول: يارب نجحني عايزه أنجح بس، يارب أنت الل عالم بيا اجبرني يارب واكرمني وأفرح أهلي بنجاحي وفضلت تستغفر ربنا كتير
وبعد نص ساعة كانت ريما بتتصل على رضوى وهى خايفة ترد، وفي الآخر توكلت على الله وردت بصوت مرتجف: أيوا يا ريما جبتيها؟
ريما بفرحة: أيوا ونجحتي في كل المواد يا قلبي وكمان المادة اللي مكنتيش حالة فيها كويس وطالعة بتعيطي منها جبتي فيها تقدير يا حبيبتي
رضوى كانت بتسمع كلامها ودموعها على خدها دموع الفرحة مش مصدقة اللي حصل
رضوى بفرحة: مش قادرة أستوعب بل ريما، ربنا كرمني يا ريما ومش كسفني واستجاب لدعائي ومخيبش ظني بجد أنا فرحانة أوي.
وسجدت لربنا والدموع مش بتقف مش مصدقة إن نجحت بتقدير كمان مكنتش متخيلة.
رجعت كلمت ريما تاني وقالت: ربنا كريم أوي وبيلطف بعباده يا ريما
ريما بفرحة: خلي دايمًا عندك ثقة بالله يا قلبي، وادعي بيقين تام وهتتفاجئي من كرم ربنا دايمًا.
رضوى: فعلا ربنا كرمني رغم قلة اجتهادي في المادة الحمد لله حمدًا كثيرًا طيبًا مباركًا فيه
ريما: عشان كنتي صادقة في كلامك إنك هتذاكري بعد كدا من بداية التيرم
رضوى: فعلا وبشكرك عن دعمك ليا وتخفيفك عليا.
ريما: حبيبتي أنتِ أختي وبتمنالك الخير دايمًا
كنت ملجأي وسندي يالله، ولم ترجعني خائبة الأمل، ولكن كرمتني أشد الكرم وجبرتني، إن الله على كل شيء قدير
تعليقات
إرسال تعليق