انا هدير أدهم ف تالته ثانوي جسمي مليان شويه بس باين عليا التخن لاني قصيرة حبتين ملامح وشي مقبوله اوي بس مضيعاها الحبوب.... انا من الشخصيات اللي مقتنعه اقتناع تام ان الحلاوه حلاوة روح مش حلاوة الشكل ابدا... عايشه مع والدي بعد وفاة والدتي وانا وحيده ماليش اخوات ليا بنت عمي و هي بالنسبة ليا اختي و صاحبتي الوحيده اسمها غاده بحبها اوي و حقيقي هي كمان بتحبني اوي أصلها هي كمان وحيده ملهاش اخوات عمي و زوجته توفوا من 3 سنين بالمناسبة غاده ف نفس سني و احنا ف نفس المدرسه عشان كده مش بنسيب بعض نهائي
- صباح الخير يا بابا
- صباح النور يا دودو
- دودي لسه مصحيتش؟
- لا صحيت يا حبيبتي في المطبخ بتحضرلنا الفطار
- تمام انا هروح اساعدها عن إذن حضرتك يا حبيبي
دخلت المطبخ اتسحب عشان اخضها و فجأة بصوت عالي
- دودي!
هي بخضه : - حرام عليكي يا هدير والله اتخضيت
- تعيشي و أفضل اخضك
- ماشي يختي طلعي الاكل يلا على السفره
- اوامرك يا سكر حياتي
- آخرة الدلع ده فيه حاجه سكر و حياتي ف جمله واحده يا دودو
- بصراحة يا دودي فيه حاجه
- طب ما تقولي
- انا زعلانه منك اوي يا غاده
- انا؟! ليه يا هدير؟!!
- عشان مقصره ف الدراسه يا غاده.... يا حبيبتي احنا ف تالته ثانوي يعني بنحدد مستقبلنا يعني محتاجين نشد حيلنا يا غاده
هي بحزن : انتي عارفه يا هدير من ساعه ما دخلت ثانوي وانا ضايعه ما انتي عارفه اول يوم ليا ف ثانوي ايه اللي حصل!
- عارفه يا حبيبتي.... ربنا يرحمك يا عمي انت و طنط يا رب
- يا رب يا هدير
- بس ده مش مبرر يا غاده انك متزكريش
- اوعدك هشد حيلي
بوستها و طلعت اطلع الاكل على السفره... فطرنا و جهزنا عشان ننزل و كنت ناويه أخرجها عشان يبقى عندها طاقه انها تذاكر... نزلنا و روحنا كافيه قريب من البيت بس مش اوي
اول ما دخلنا كانت الناس بتبوصلي ب استغراب جداً.... بس انا عارفه ايه السبب... السبب هو شكلي بس مش هيخلوني أضعف.. عادي اتعودت
كان فيه شلة شباب في الطرابيزه اللي جنبنا.... كانوا بيتريقوا عليا وانا كنت بحاول اطنش كلامهم و غاده صممت اننا نمشي بس انا مرضتش و فضلنا مكانا متحركناش كملنا اليوم وانا بمثل اني مزعلتش بس انا مقهوره و مش هبين مش عايزه ابان ضعيفه ابدا لازم اكمل ف تمثيل الشخصيه القويه دي
مع تكرار أشباه الموقف ده و ف السنه دي بالذات لاني مش مهمه بأي حاجة غير المذاكره بس ف الثقه بالنفس عندي انعدمت تماماً
قررت اسحب الفلوس اللي بابا حاطتها ف البنك ب اسمي و اروح اعمل عملية تجميل..... اه انا لسه مقتنعه ان الجمال مش بالشكل بس انا تعبت من الناس و كلامهم خلاص تعبت!
روحت لدكتور بيقولوا عليه شاطر اول ما دخلت لاقيت واحد باين عليه انه مش بقاله كتير بيشتغل يعني غالباً هو مش الدكتور لأنه صغير جدا باين عليه انه عنده 20 أو 22 سنه بالكتير استحاله يكون ده الدكتور..... دخلت و قولت :السلام عليكم
- و عليكم السلام
- كنت عايزه اعمل عملية شفط عايزه اخس، و عايزه اظبط وشي
هو باستغراب : ليه؟!!.... هو انتي المريضه اصلا؟!
- هو ايه اللي ليه؟!... و اه انا المريضه ممكن تقولي الكلام ده هيكلفني كام؟
- ولا جنيه!
- افندم!! ليه هتعملي اللي طلبته لله و للوطن؟!!
- مش القصد ا...
قاطعته بكلامي اللي مليان عصبية : انا غلطانه اني جيت لدكتور فاشل زيك و لسه هطلع من الاوضه لاقيته بكل هدوء بيقولي:
- اسف... مش قصدي اتريق زي ما فهمتي... حقيقي متاسف ليكي
انا باحراج و عصبيه :
- طب ايه كان اصدك يا دكتور؟!
- اصدي انك جميله
انا بكسوف :
- نعم؟!!
هو بتردد :
- مش بعاكس... انتي فعلاً جميله ملامحك حلوه اوي اوي ما شاء الله و إذا كان على الحبوب ف بالادويه و مع فتره من الوقت هتروح تماما... اما جسمك ف أمره سهل هتواظبي على نظام غذائي و هتبقي زي ما انتي عايزه و تبقي حلوه مع انك زي القمر اصلا
كان بيقول الكلام ده بنبرة ثقه و صدق و ابتسامة حلوه اوي
لقيت نفسي بقوله بكل تلقائيه بجد؟!!
- اه والله بجد
الباب اتفتح و دخل راجل كبير ف السن يعتبر قد سن والدي
قالي :اهلا يا فندم نورتينا
- انا باستغراب : بنور حضرتك بس اسفه هو حضرتك مين؟!
لاقيته بيضحك هو و الدكتور و اللي كنت فكراه الدكتور
لاقيته بيرد عليا و بيقولي انا الدكتور!
لقيت نفسي تنحت اومال الولد ده مين؟ انا قولت سنه صغير اوي!
روحت سألت الشاب اومال انت مين؟!
ضحك و قالي مش مهم
الدكتور سألني... ها ايه طلباتك؟
قولتله ولا حاجه... مشيت وانا فرحانه من كلام الشاب، خلى عندي ثقه ف نفسي من تاني و هعمل زي ما قالي هاخد ادويه ل بشرتي و اهتم بجسمي
و فعلاً عملت كده عدى شهور على كلام الشاب ليا وشكلي اختلف حبتين... كلامه كان بسيط و بسمعه من بابا و غاده دايماً لكن منه كان مختلف مكنش مجامله كان حقيقي.....و اهو خلاص الامتحانات على أبواب فاضل اسبوع و امتحن انا و غاده..... و غاده برضو اتغيرت و بقت مجتهده جداً رجعت زي ما كانت زمان شاطره و متفوقه
- بابا انا خايفه اوي
- متخافيش يا قلب ابوكي انتي قدها يا حبيبتي
- بجد يا بابا؟!
- بجد
عدى الأسبوع و امنتحنت خلاص و مستنيه اعرف مجموعي ب فارغ الصبر و غاده زيي
بابا: اصحي يا هانم!
انا : خير؟!
بابا: مجموعك ظهر!!
انا : عملت ايه؟؟!!!!
لاقيته ضحك و قالي مبروووووك يا حبيبتي جبتي المجموع اللي انتي عايزاه
و أخيراً انا فرحانه اوي يا بابا
- وانا كمان فرحان انك بنتي
- غاده فين؟... عملت ايه؟!
- جابت مجموع حلو اوي اوي ما شاء الله عليها
- بجد؟!... الحمدلله كنت هزعل لو حصل غير كده
- لاقيتها داخله عليا ب تورته مبروك يا احلى دودو
- حبيبتي يا غاده مبروك ليكي انتي يا احلى اخت
بابا : ربنا يباركلكوا فبعض يا حبايبي
احنا : امين و ف حضرتك يا رب
قررت ادخل طب عايزه ابقى دكتورة .... دكتورة تجميل عشان كل ما حد يجيلي اللي العياده اديله ثقه ف نفسه و ادعمه زي ما الشاب اللي مش هنساه قالي
و انهارده اول يوم كليه ليا انا و غاده بالمناسبه غاده برضو مجموعها جاب طب بس خاص مش حكومه زيي
دخلت الكليه حضرت اول محاضره و بعدين روحت الكافيتريه اجيب حاجه اشربها
دخلت و جبت مشروبي المفضل و هو قهوه بالبندق و انا طالعه متسربعه كالعاده خبت ف حد بس مدلقلتش القهوه عليه زي ما بيحصل ف الأفلام هو اللي دلق عليا قهوته
انا بكل عصبيه و بصوت عالي بقوله انت ايه مش بتشوف قدامك طب خد بقى و روحت دالقه القهوه بتاعتي عليه ك نوع من انواع الانتقام يعني ف بصيت عليه اشوف ردة فعله لأنه ساكت من اول ما خبطني لاقيته هو!... هو نفس الشاب بتاع العياده!!
انا : هو انت؟!!
- اه انا يا....
- هدير
- اسمك حلو زيك
انا بكسوف : merci
رجعت تاني ل عصبيتي : مش تفتح وانت ماشي يا....
- أدهم
- بجد ؟؟
- اه... هو وحش ولا ايه و ضحك ضحكه عسل كده... احم احم مش القصد يعني متفهموش صح اصدي غلط
- لا مش وحش... اصل انا والدي اسمه أدهم برضو
ابتسم و قال ب ثقه: على كده حلو زيي برضو؟!
ضحكت و مردتش
- انتي ايه اللي جابك هنا؟!
- هكون بعمل ايه جايه اتعلم عشان ابقى دكتوره
- بس انا اول مره اشوفك انهارده... انتي دي اول سنه؟!
- اه.... انت ف سنه كام؟!
- تالته
موبايلي رن و كان بابا ف بعدت عن أدهم حبه و رديت عليه عوبال ما خلصت مع بابا رجعت لاقيته مشي
ببص على نفسي لاقيتني متغرفه قهوه من المفاجأة نسينا القهوه
بعد فتره بقينا صحاب جداً و بقى هو ال best friend بعد غاده طبعاً
كان بيشجعني على المذاكره و دايماً بيساعدني ف شرح حاجه لو وقفت معايا
عدت السنين و انهارده حفلت تخرجي و هو طبعاً كان اتخرج قبلي
قالي انه مسافر و مش هيقدر يجي زعلت اوي انه مش هيبقى معايا...... و ف اخر الحفله لاقيته جه و كان واقف مع والدي و لقيت بابا و غاده بيقولولي مبروك يا عروسه
انا : مين دي اللي عروسه؟!!
أدهم : انتي
انا : انت بتقول ايه؟! انا ازاي؟!
بابا بضحك : مش عايزه تعرفي مين تعيس الحظ اللي هيتجوز واحده زنانه زيك كده؟!
انا : طبعاً عايزه اعرفه! مين اللي مامته داعيه عليه اللي هيترفض بعد دقيقه ده!
أدهم : حتى لو المتعوس ده انا؟!
انا بكل تلقائيه : لا اكيد.... ها مين بقى؟!....اييييه مين؟! انت يا أدهم!!!
أدهم : اه انا للأسف... بحبك من يوم ما شوفتك ف العياده و اتاكدت ساعة موقف القهوه اللي غرقتيني بيها
بابا : احم احم..... ها موافقه يا هدير؟
انا : طبعاً
الجمال عمره ما كان برقم وزنك كام.... الجمال جمال روحك انتي حلوه فكل حالاتك يا ملكه .
تعليقات
إرسال تعليق