"نزل ل مستوايا وقعد على روكبه وطلع مصاصه من جيبه"
_تيجى نتسابق وال يوصل ل البيت فوق ياخد المصاصه دى
"ابتسمت فجأه وسقفت وانا بتنطط "
_بيت عمتى
_لا بيتى انا
"اتوترت رجعت خطوه ل ورا وانا بتكلم "
_لا مش عاوزه انا هنزل العب تحت
" قام وقف و حط ايدو على شعرى واتكلم بهدوء خوفنى"
_مش انا بلعب معاكى فوق
"شيلت ايدو من على شعرى وانا بحاول ادور على رد عشان اهرب منه زى كل مره سكت شويه وماعرفتش اقول اى رفعت عينى فوق على السلم بخوف وبصتله
مسك ايدى و وقفنى قدام السلم"
_يلا اطلعى بسرعه عشان تاخدى المصاصه
"اتنفست براحه ومسحت عنيا قبل مايشوف انى معيطه وطلعت على اول سلمه وهو لسه واقف ورايا ماتحركش "
_ كل دا وانتى ف اول سلمه يلا عشان نلحق نلعب قبل ما مامتك تيجى تاخدك عشان تمشو
"نزلت من على السلمه بسرعه واتكلمت بلغبطه "
_انا مش عاوزه العب دلوقت ممكن نلعب بعدين المره الجيه لما ماما تجيبنى تانى
"مسك ايدى وهو بيطلعنى على السلالم واتكلم وهو بيشدنى"
_هنلعب شويه صغيرين بس
"غمضت عينى بخوف وهو موقفنى قدام بيته
طلع المصاصه ونزل ل مستوايا"
_خدى اهى
"دخل وانا لسه واقفه مكانى برا ببص عليه وعلى البيت بيت على الطوب الاحمر بيته لسه ماتعملش فيه حاجه قالى ان هو هيلعب معايا بس انا مش بحب اللعبه دى بتخوفنى بكون مضايقه وهو بيقرب منى مس فاطمه قالتلنا ف الحضانه ان ماينفعش حد يقرب من جسمنا عشان احنا بنات وكدا غلط وحرام
اتخضيت وهو بينادينى ف المصاصه وقعت من ايدى على السلم نزلت عشان اخدها مسكنى قبل ما انزل"
_هجبهالك انا واحنا نازلين
"سحبنى على مكان ل جوا ف اخر الشقه بعيد عن الباب
وقفنى غمضت عينى بخوف وقبل مايحصل اى حاجه سمعت ماما بتنادينى وبتدور عليا ابتسمت و بصيت عليه وطلعت من البيت اجرى على السلم
دوست على المصاصه وانا بجرى ف وقعت رفعت وشى ل فوق عشان اقوم لقيتو نزل يقومنى"
_حاسبى ليه بتجرى كدا كنتى ممكن تتعورى
"قومت وانا بنفض هدومى "
_لا انا كويسه بس ماما بتنادينى عشان نمشى مش انت سمعتها وهى بتنادى عليا من تحت
_اه سمعتها
"عطيتو ضهرى وانا بكمل نزول السلالم شد ايدى جامد"
_هتيجى تانى مع مامتك
"سحبت ايدى من ايدو بسرعه وانا بتكلم بلغبطه"
_اه اكيد هاجى اه
_ماتعرفيش حد اننا بنلعب سوا عشان اجبلك مصاصه تانى
_لا مش هعرف حد خالص
_شاطره
"سمعت ماما بتنادى عليا تانى بصيتلو بسرعه ونزلت"
9_10_2012
_انا كبيره عندى خمس سنين سبينى هنا وانا هقعد هخلى بالى من نفسى مش هعمل حاجه حتى هنام لحد ماتيجى بس بلاش اروح عند عمتى مش بحب هناك
"كانت بتلبسنى الجذمه وبتتكلم بسرعه وهى بتدور على المفتاح عشان نمشى"
_مش هينفع اسيبك لوحدك هسيبك مع على زمانه رجع من الكليه وهو بيحب يلعب معاكى
"سبت ايدها وجريت ورا الكنبه"
_بس انا مش بحب العب معاه
"جاات سحبتنى من ايدى"
_يلا انا مستعجله كدا عيب هتأخر
"وصلنا عندهم واخدت مامته عشان يروحو العزا لقيته واقف جمبى"
_هنلعب سوا
"بصيت عليه وبصيت على ماما وهى نازله انا قولتلها تسيبنى هناك انا مش بحب العب معاه ومابقتش عاوزه مصاصه "
تعليقات
إرسال تعليق