مكُنتِش لاقية العَصا بتاعتي فَجأة مَلَقِتهاش، حاوِلت أتمشي بَس للاسف عَلي الكُورنيش كُنتذ فَاكرة إني هَعرَف أتعامل بَس خَبَطت في بِنت وشَكلها كدَ مِش هَتُسكُت إتنَهِدت تَنهيدَة طويلة عَشان أقدر أستَحمِل الكَلام اللي هَتقولُه.
_أنا أنا أسفه مَعلِش أنا عَمية فِعلاً أعذُريني.
_عَمية تفضَلي في البيت لَكِن قُعادِك هِنا عَلي الكُورنيش عَايزة تِمَوتي نَفسِك إنتي غَبيه؟!
_لا مش غبية أنا إعتَذَرت. لِحَضرِتِك وكدا خَلَصنا لَكِن قِلِة ذوق مِش هَسمَحلِك!
_وهَتِعمِلي إي بَقي!
سِكِت عَشان حَقيقي مِش عارفَه هَعمِل إي، حَسيت إني عاجزة عَن الرَد، نزلت الأرض دورت علي العصا بس هي حتي مساعدتنيش ألاقي العصا!! لقيت العصا وأنا أكاد أكون اصلا عاجزة عن الحركه سبتها، ومشيت كام خطوة قعدت علي اقرب كرسي وعيطت، يمكن الشئ اللي بعرف انجزه العياط، اكتر كائن بيعيط علي وجه الأرض انا، قاطع عيااطي حد خبط علي كتفي واتكلم
_بتعيطي لي!!
_لو سمحت إمشي من هنا وسيبني في حالي
_ولو ممشيتش!!
_انا اللي همشي
مشيت كام خطوة بعصبيه ومخدتش بالي وقعت علي الارض،أيدي اتعورت، عيطت تاني وللمرة التانيه الكائن السمج ده قاطع عيااطي!!
_منديل!!
_ممكن لو سمحت تبعد عن طريقي!!!
_طريقي هو طريقك
_اي!
_اي؟
سكت فحط المنديل علي ايدي يكتم الدم، هو شخص من صوته حسيت أنه حنين، بس طبعا مينفعش اديله أمان اومال هو انا عبيطه!!
_مانتي عبيطه فعلاً
_نعم؟!
_سمعتك بتفكرني بصوت عالي، انتي اديتيني الأمان فعلا!
سكت اي الغباء ده بجد!! حسيت بألم ايدي فعيطت، وفضلت حوالي خمس دقايق بعيط حاسه بأنفاسه، وصوته الهادي بس متكلمش، قاطع تفكيري المرة دى واتكلم الشخص قاطع اللحظات دَ
_ممكن اعرف مالك، انا كنت متابعك من بعيد وأخدت بالي من معامله البنت بس محبتش أتدخل.
اتكلمت بعياط
_ليه التفرقه دي، العالم بقي مؤذي جدا، انا مبقتش عندي ثقه بسبب كلامهم يمكن بدون قصد ساعات، بس احساس السخرية دايما ملاحقني، مبقاش عندي طاقه اتكلم أو حتي أرد علي حد انا مبقتش قادرة
_ ممكن تهدي!! انا عارف أن كلام الناس غير مريح دايما بيجي علي الوجع حتي لو مش مقصود بس انتي لازم تتعايشي مع ده، متفقديش الثقه في نفسك، العمي عمي قلوب يا..!!!
_شمس
_اسمك جميل زيك
شغلت شعور اللامبالاة، واتكلمت عشان بصراحه الإنسان قلبه اتخطف ومكسوف.
_العالم مؤذي وغير سوي يا...!
_رحيم
سكت شوية فكما كلامه
_مش هتقوليلي اسمك جميل زيك!!
_انا مش شايفاك،بس اسمك جميل صافي زي قلبك يا رحيم
_ممكن سؤال!!
_اكيد
_انتي خارجه لوحدك ليه!!
سكت فكمل كلامه
_انا انا مش قصدي بس عشانك ممكن تتئذي!!
_حاولت أخرج، من مود الضعف اللي انا فيه, يمكن اقدر أتعامل مع البشر، بس كنت غلطانة.
_انتي مش ضعيفة بالعكس انتي قوية، بس محاولاتك ممكن تئذيكي، لازم كل خطوة تعمليلها حساب بلاش تجازفي!!
سكت عشان كلامه صحيح، يمكن اخدت قرار خروجي برا البيت مش صح، قمت من علي الكرسي وأخدت العصا ولسه هبدء امشي قاطعني.
_ممكن اوصلك!
اكتفيت بس اني اهز راسي، عقلي مشتت جداً، تفكيري مش موجود اصلا انا فعلا مستهترة،كنت بوصف الطرق وهو أخدني علي بيتي اللي بعد الكورنيش بشارع واحد قاطع تفكيري صوته الهادي
_دي العمارة؟!
_اه شكرا ليك انا هكمل
_أ.. استني
_نعم؟!
ممكن يعني رقم تليفونك عشان اعرف اطمن عليكي؟!
سكت ف كمل كلامه
_لو هيضايقك خلاص بعد اذنك
مشي بسرعه ملحقتش اتكلم أو ارد،مشهد فضل في ذاكرتي بقاله سنه بنت عشرينية بيساعدها شاب علي الكورنيش مكانتش شايفه اي شئ بسبب حادثه حصلت معاها، نفس اليوم في السنه يمكن بس المختلف في اليوم اني خلاص بقيت بشوف عملت عملية وبدأت حالتي تتحسن من بعد ما سافرت برا، اتمشيت كام خطوة فسمعت صوته الحنين اللي كنت اتمني اسمعه لدرجه اني مصدقتش الصوت كنت فاكرة ان ده عقلي أو بفكر بس الصوت اتردد مرة تانيه!! بصيت علي ملامحه كانت هاديه عنيه تطمن لابس جاكت جامد والله نبغاه،اتكلم بصوت باين فيه الفرحة
_شمس ازيك
بصيتله بصدمه أو استغراب أحاسيس متلغبطة!!
إتكلم بحزن بان علي صوته وعقد حواجبه بزعل.
_انا انا رحيم فكراني!!
_لا بصراحه مش فكراك مشوفتكش قبل كدا
_انا اسف بعد اذنك
كان هيمشي بس اتكلمت بسرعه
_شكلك جميل صافي زي صوتك وقلبك يا رحيم
ابتسامه اترسمت علي وشه وظهر عليه الفرح
_يعني فكراني؟!
_مقدرش انساك
_كنت باجي كل يوم، علي امل انك تيجي مرة واحدة!!! عرفت انك سافرتي من فترة كنت أقف قدام بيتك، بس مكنتيش بتنزلي غير نادراً، عدي سنه بس لسه زي مانتي, شمس!!
_نعم!
_ شمس بتنور، اسم وصفة موجودين فيكي، كنت خايف، جيت علي امل اني اشوفك!!
_مش هكدب واقولك اني نسيت موقف جميل وذكري جميله فضلت محفوره جوايا مقدرش انساها
_اي رأيك نخليها روتين!
_هي اي
_الذكري!!!
وأشوفك كل يوم بقلبي!!!
_ تشوفيني كل يوم بقلبك.
ضحكت بكسوف، وسكت، ف بصوته اللي خطفني غني أيوة الله
_ياللي شمس الدنيا تطلع لما تطلع ضحكة منك،حسي بالناس الغلابة اللي زي بعد اذنك.
_مكدبتش لما قلتلك صوتك صافي زي قلبك يا رحيم!
تعليقات
إرسال تعليق