-:نعم تسيبى مين!،انتى فرحك بعد بكرة انتى اتجننتى ولا ايه روحى نامى ى سارة بكرة يومك طويل
*سابتنى و قفلت الباب اترميت على السرير و قعدت و افتكرت كلامه بعد ما واجهتو ب شات بينه و بين بنت من يومين و هو بيقولى"و انتى بذكائك مفكرة ان اهلك هيوافقوا نسيب بعض ،طب قولى ابوكى هيوافق ،مرات ابوكى الى نفسها تخلص منك نهاردة قبل بكرة هتوافق! ، و بعدين كلام ناس عليكى ى سوسو ى حبيبتى انا قلبى عليكى"! ، بصيت لبرواز كبير فى اوضتى فيه صورة ماما بدأت اعيط و اتمنتها بجد تكون هنا !،كانت حاجات كتير اتغيرت و نمت
*...
صحيت على صوت مرات بابا الى بدأت تنبهنى إن مقولش لحد و اعدى النهاردة على خير ، و حكتلها انه بيخونى! ،كتير احتاجته مكنش معايا !، مش بيشتغل و مامته متحكمه فيه! و كان ردها
"بعد الجواز هيتغير و جوزك على ما تعوديه!"
*.*.*.*
يوم الحنه مر عادى جداا و بسرعه جداا ، و جه يوم فرحي كنت قاعدة جانبه و بتمنا اصرخ واقول مش عايزاه ، بس مرات بابا كانت بتبصلى بمعنى اعقلى و اعدى ليلتى!،و بصيت لبابا الى مش هيستحمل إن بنته ترجع معاه البيت يوم فرحها ،و مضيت على عقد القرءان
-مبروك ى عروسه
بصتله : تسلم
-فى واحدة تقول لجوزها تسلم!
-:اومال!
-قولى تسلملى
-:تسلملى ى احمد
*بعد شهر من جوازنا ...
-احمد مفيش أكل فى تلاجه!
-:هو الاكل الى اهلك جابوه خلص!
-اها!..و بعدين انت هتنزل شغل امتا!
-:بكره
-انت بقالك اسبوع بتقولى بكره!
-:والله انا مشتغلش غير بمزاجي مش عجبك انزلى اشتغلى انتى
-نعم!انا الى انزل اشتغل!
-ا:ها مش انتى برضو خريجه جامعه و كنتى طلعتى عينى عشان تخلصى قبل ما نتجوز ! اهو بقا انزلى اشتغلى بشهادتك !
-انت بتهزر صح!
-:لا انا بتكلم جد يلا خدى باب فى ايدك و اطفي النور
*طلعت برا و قفلت الباب، قعدت على كرسى الانتريه و بدأت ابص لكل مكان فى شقه و اعيط،انا جهزت كل حاجه بحب!، هو جارى و من صغرى حباه،كنت معميه عن كل عيوبه!،حبيت الهيئه و نسيت المضمون!،كنت طايرة من فرحه لما بابا قالى انه اتقدملى ،واقفت عليه،مهتمتش أنه مش معاه مؤهل قلت مهم انه بيشتغل و "بيحبنى"،بعد الخطوبه بدات طباعه تبان ،بس لسا كنت بحبه و باقيه عليه ،لحد ما اكتشفت أنه ديما بيكلم بنات غيرى! ، و بدء يهملنى، و اكتشفت عيوبه كلها قبل فرحنا بشهر بس!
حضنت نفسى و غمضت عينى :-مراية الحب فعلا عاميه ياسارة،و يوم ما فوقت كان فات الأوان
*.*.*.*
سارة:-يا بابا ده بيقولى انزل اشتغل انا!
-:و فيها ايه لما تساعدى جوزك شويه، حافظى على بيتك يبنتى مش هعيشيلك طول العمر!
-طيب يا بابا
*.*.*
-طب انزل اشتغل لحد ما ألاقى شغل!ولا هنفضل ناخد أكل مرة من مامتك و مرة من بابا كدة!!
-:تلاقي شغل! مكتب المحامين مفيش اكتر منهم فى البلد بطلى انتى دلع ،و صح اي الى فى ايدك ده !
-دى روايه !
-:هو كل شويه روايه، هتفيدك بإيه الروايات دى!قومى اتعلمى حاجه تفيدك
-طيب ى احمد
*.*.*
بعد شهرين...
-انت خدت المرتب تانى!
-:اها ما دى فلوسنا ،مش انتى مراتى حبيبتى!
-بس دى تكفي مصاريف البيت بظبط مش لازم كل شويه اخد من بابا و مراته مش بتسكت حرام عليك
-:عادى فيها لما تخدى من ابوكى ما انا باخد من امى
-طيب انا نازله
-:تعالى بدرى عشان اخواتى و امى جايين
-مقلتش ليه أنهم جاين؟
-:عادى
-بس بليل عندى ميعاد مع دكتورة
-:هو كل شويه دكتورة!هو انتى اول واحدة تحمل!!
-مش اول واحدة تحمل بس ده اول حمل ليا و عايزة
-:بس صدعتينى ،مفيش دكاترة يا سارة !
-انا ازاى كنت مخدوعه فيك كدة
-ازاى هانت عليا نفسى و حبيتك ازاى
-:مش هنخلص بقا مش هنخلص
-انا ازاى مشوفتش كل عيوووبك ديي ازاييي
-:انتى العيشه معاكى تقرف
-:مش هتنزل غير اما تتصل بمامتك و تلغي ميعاد بليل
-لا هنزل
-طيب هات فلوس عشان الكشف
-:مين قالك انك هتكشفى اصلا!
-انا بكرهك سامع بكرهك طلقنى
-:ابعدى ى سارة خلينى انزل
-طلقنى الاول
-ابعدى بقا
*نها جملته بدفعه ليا مش عارفه ايه الى حصل غير إن اختل توازنى و وقعت على الارض ،و جع شديد فى بطنى ،صوت باب الشقه و هو بيتقفل و خطواته الى بتبعد واحدة و احدة ،كل شئ هدأ و بدأت اقفل عينى الى بدأت دموعي تنزل منها ببطء ،كل شئ كان بطئ ،اتمنيت يغما عليا بسرعه عشان محسش بكم الالم الجسدى والنفسى الى حاسه بيه،فجاءة سمعت صوت أمى كأنها جانبى "كنتِ هتعيطى من كلام ناس شويه يا سارة ،بس انتى اختارتى تكملى معاه وتعيطى منه باقى عمرك يبنتى!"
-سارة كل ده نوم قومي بقا!
*فتحت عينى ببطء ،مفيش وجع فى جسمى!، اوضتى فى بيت بابا!،فستان فرحي جانبي ! ، كل ده حلم !
-سارة مالك؟
-:حِلم أنا عايزة اسيب احمد
-ايه !ليه يا سارة
*بدأت احكيلها كل حاجه، و سمعتنى بهدوء ،و شجعتنى إن أكلم بابا
-بس أنا خايفه يا حِلم مش يرضا
-:وقتها هخلى بابا يوفقلو انتى ناسيه إن بابا يبقا خالك و إنه برضو له حق فيكى!
-طيب ربنا يستر
*قومت غسلت وشى و اتوضيت ووصليت و دعيت ربنا كتير إن ييسرلى امورى ، و خلصت و خبطت على اوضه بابا و فتحلى و طلبت منه نتكلم شويه فى بلكونه،و حكتلو كل حاجه عملها ،أزاى فى مرة مد ايده عليا،و كام مرة فوت عيدميلادى او نجاحى من غير هديه،ازاى عرفت انه بيكلم بنات غيرى ، و بدأته اخليه يسمع الريك و هو بيقولى إن محدش هيرضا يخلينى اسيبه و فاضل على الفرح يومين
-بابا أنا عارفه إن جايه اقول كل ده متأخر جدا و إن..
-:اتصلى عليه
-حاضر ...اتفضل
-ألو يا احمد
=......
-بنتى ليها أب يا احمد يخدلها حقها،فرح بكرة ده ملغي و اطلع على شقتك عشان هبعتلك عربيات تنزل فيها حاجات بنتى و هبعتلك دهبك سلام
=.......
-سلام يا احمد و زى ما قولتلك تعمل
.^يالهوى انت بتقول ايه ! الناس مش هتسبنا فى حالنا!
-الناس كدة كدة بتتكلم مهم راحت بنتى ،لو كنتِ امها بجد كنتِ فهمتى
.^انا مقصدش بس
-الموضوع اتقفل و مش عايز نقاش فيه..سارة المهم سعادتك و راحتك و مهم سمعتى كبرى دماغك يبنتى ، وربنا يعوضك بالاحسن .
*.*.*.
*موضوع مكنش سهل نهائى عليا و على قلبى،سنتين من عمرى على الفاضى،ناس و هى بتتكلم بينهم و بين بعض حتى لو ابتسموا فى وشى،بس مهما حصل حتى لو طلعت خسرانه كل حاجه من الحكايه دى الاهم إن كسبت نفسى ♡
*.*.*.
حِلم:-يبنتى هتعملى ايه ،يعنى اتخرجتى هتقعدى!إنزلى اشتغلييي
سارة:-ممم طيب هدور على شغل و انزل
حِلم:- فى محامى واخد شقه فى العمارة عندنا و عملها مكتب و كنت سامعه إنه محتاج حد معاه ،إنزلى حتى كتدريب
سارة:-لالا مشتغلش انا و واحد لوحدنا مينفعش
حِلم:-ممم طيب
حِلم:-ااه صح ماما عزماكِ بكرة عندنا هه
سارة:-اشطا هقول لبابا و اجى سلام
*.*.*.
تانى يوم..♡
حِلم:-ماما انا هطلع فوق على سطح مع سارة اوريها حاجه
ماما حِلم:-تمام اطلعوا ى حبايبى
سارة-:هتورينى ايه؟!
حِلم:-تعالى بس
سارة:-حِلم مش قلتى هنطلع على السطح بتنزلى لى!مش مرتاحلكِ
حِلم و هى بتقف عند الشقه الى تحت منهم :-بكل صراحه أنتِ عندك انترفيو دلوقتى
سارة:-انتِ بتهزرى صح!!!!!!
حِلم و هى بتدفعه لجوا الشقه :-للاسف لاء يلا ى حبيبة قلبى بالتوفيق
سارة:-اها ى حِلم والله لأوريكِ
*نهيت جملتها و هى بتبص للمكان و ديكوره،شكله منظم ،كل شئ فيه كأن الى عملو فنان ..
-تقريبا ذوقى نال اعجابكِ!
لفيت وشى لصوت الى كان ورايا و الى كان شاب طويل و بشرته برونزيه و فى ايده فنجان قهوة مكتوب عليه كوبليه للست"و قابلتك أنت لقيتك بتغير كل حياتى"
سارة-:اها يفندم عجبنى
بص لساعته و رجع بص ليا:-جايه بدرى 10 دقايق
فركت ايدى ببعضها و لمحت روايه "ايكادولى" على مكتبه خدت نفس بهدوء و رديت:-أن تصل مبكراً و تنتظر ...خير لك من أن تصل بعد فوات الاوان
ابتسم:-طيب يا أنسه ..
-سارة اسمى سارة
-:و انا سِدر
*بدأت اشرحله إن متخرجة جديد و إن ده اول شغل ليا، و اتفقنا على مواعيد و المرتب و إن هبدء شغل بكرة الساعه 9.
*.*.*.
-:الو
-الو يا حِلم دبستينى فى الشغلانه يا حِلم
-:احم والله انا كل هدفى إنك تخرجي و كدة
-طيب يختي طيب
-:متزعليش
- انتِ اختى يا حِلم عمرى ما ازعل منكِ
*.*.*.
بصيت لساعه فى موبايلى الى كانت 9الا خمس دقايق ،و فتحت باب ال اصانصير و كان باب المكتب مفتوح و دخلت ،كان صوت الست و هى بتغني و ريحه قهوة بتتعمل على نار هديه
-صباح الخير ..اعملكِ قهوة معايا؟
-:صباح النور..تمام
*شويه و طلع بصينيه عليها فنجانين قهوة و بسكويت ،بدأت اشرب و ممكن نقول انها اكتر قهوة حلوة شربتها فحياتى برغم ان بحب القهوة سُكر زيادة إلا إن حبيتها سادة النهاردة، كان جوا صحي إن انسان يبدء فيه شغل بعد عشر دقايق
سِدر:-أنا عملت القهوة ،انتِ عليكِ تتضيف الاطباق
*ابتسمت بهدوء و بالفعل نضفتهم ،و هو طفأ الراديو و بدأنا شغل.
*.*.*.
كُنت ديما اسمع إن شغل حاجه صعبه بس انا جايه بعد شهر اقول أنه امتع حاجه فى دنيا،او ممكن تحديدا الشغل مع ناس سوية أحسن حاجه فى دنيا.
سِدر:-القضيه دى انا هسيبها ليكِ و ع ثقه إنكِ هتكسبيها
سارة بتوتر:-بس انا هحتاح مساعدة حضرتك
سِدر:-هساعدك بس عايز الى يشتغل فيها اكتر انتِ deal?
سارة:-deal
*بدأت اشتغل على القضيه و حماسه ليا ،شجعنى اكتر و اكتر و بقت هدفى الرئيسى إن اكسبها ،و جه قبل الجلسه بيوم ،و مثل أنه القاضى و خلانى اترفع اودامه و صقفلى،و تانى يوم روحت المكتب الاول شربت معاه قهوة و طلعت على المحكمه، و كسبت القضيه♡.
سارة :-كسبتهاا
سِدر:-كنت واثق فيكِ و كنت متاكد إنك هتكسبيها
سارة:-أنا متخيلتش إن ممكن اقدر اقف اودام قاضى و اتكلم متخيلتش كدة نهائى
سِدر:-لا عايزك تثقى فى نفسك كتير لانك قد اى حاجه و اتفضلى دى هديتك
سارة:-بجد دى ليا!
سِدر:-ايوة افتحيها
*فتحت البوكس و بدأت اطلعهم كتاب كتاب و الى كانوا"سلسله مملكة البلاغه الخمس اجزاء"
سارة بفرحه:-دول ليا بجد!!
سِدر:-ايوة اتمنا يعجبوكِ
سارة:-يعجبونى! دول خدوا قلبى بجد
سِدر:- و ليكِ اجازاة يوم مقدرش استغنى عنك اكتر من يوم ...وراح عند المكتب بتاعي و كتب على اول ورقه فى ال ستيكى نوتس بتاعي تاريخ النهاردة و "اول قضيه اكسبها" و علقها على الحيط الى ورا مكتبى و ابتسم .
*.*.*.
روحت البيت اخدت شاور و نمت، و قمت على صوت بابا
-مين جايب الهدية دى؟
سارة:-ده المحامى الى شغاله معاه
-و ايه المناسبه!
سارة:-عشان يعنى كسبت القضيه الاخيرة و حب يكفأنى بس
-مم بصى يا سارة هعديها المرة دى بس افتكرى انا واقفت إنكِ تشتغلى بس هدايه بقا و كدة لاء تمام؟
سارة-:حاضر يا بابا
*بابا خرج و فتحت الموبايل لقيت مسيد كول من "احمد" ،انا كنت مسحت رقمه لاكن كنت حفظاه اتنهد و قفلت موبايل ،بس بعد دقيقه اتصل و رديت
-خير يا احمد
-:وحشتينى يا سارة
-كلام ده مبقاش ينفع
-:عاتبينى و ازعلى ووحقك والله بس انا بقالى 3 شهور وومش قادر اتقبل حقيقه عدم وجودكِ
-لا اتقبلها يا احمد لانى اتقبلتى عدم وجودك
-:طب ممكن فرصه تانيه بس
-أظن ان الااحسن ادى غيرك فرصه اولى احسن ما تاخد انت فرصه تانيه ..بعد اذنك و اتمنا متتصلش بيا تانى
-:بتقسى عليا يا سارة!
-القسوة دى اتعلمتها منك يا احمد ..سلام
*قفلت الموبايل و بدأت اعيط بهدوء ،كنت بعيط لأخر مرة منه و عليه..متخيلتش فى مرة اتقفل منه للدرجه الى مقدرش حتة اعاتبه !
بس هو مكنش يستاهل عتاب،هو رجع غريب ملهوش فرصه أنه يقرب ده حتى ممكن الغريب له فرصه يقرب وهو لاء .
*.*.*.
بعد اسبوع..
*كنت قاعدة بقرء فى سلسله مملكه البلاغه، و ابتسمت لما افتكرت سِدر،و أنه اول مرة حد يجبلى هديه شبهى♡..و جالى نوتفيكشين و فتحت الموبايل ولاقيت مسدج "صاحيه؟"،كان اول مرة يكلمنى واتساب ،كانت ساعه 12 بليل فرديت ب استغراب
-اها
-:بسمع فيلم حلو جدا ،ابعتلك اسمه؟
-اها تمام نسمعه
*بعتلى أسمه و فعلا سمعته ،و خلصت و بدأ يتكلم عن الفيلم،و حكتله عن الأفلام الى بحبها،و اكتشفت اننا تقريبا بنحب نفس الافلام !..بدأت احس إن عدا وقت كبير لما ساعه بقت "4 الفجر"
-شغل بكرا بقا هيبدء الساعه 2 الضهر ..يلا تصبحي على خير.
*بصيت للفون بإستغراب من طريقه إلى بدء بيها كلام والطريقه الى خلص بيها كلام،ازاى محستش بكل وقت ده و ازاى مر بسرعه كدة!
*.*.*.
بعد اسبوع..
-بتحبيه!
-:حِلم انا قلت بحبه امتى انتِ هبله!،بس انا فعلا مش فاهمه انا بقيت بكوى الطرحه الساعه 8 صبح ى حِلم! ،بقيت بروح فى مواعيدى بالظبط،بقيت بشرب القهوة سادة!،انا عارفه إن دى حاجات تافه،بس دى كلها حاجات اكتسبتها منه، هو اكتر شخص اثر فيا ،و ديما بقيت احبه يكون مبسوط معرفش ليه،بس لما خسر قضيه امبارح وجه مضايق كُنت حاسه إن عايزة اعمل ايه حاجه عشان يتبسط،بقيت بشاركه الأفلام و الاغانى،انا مش عارفه هو ايه ده ومش فاهمه
-ده اسمه حب يا سارة ،مش فاهمه ايه!
*.*.*.
-سارة مالك باين عليكِ التعب
-:لا مفيش ى سِدر بس حاسه ب دوران شويه
-طب خلاص روحي
-:لا طبعا هكمل شغل
-كل حاجه ممكن تتأجل ،يلا تعالى هوصلك
-:لا شكرا مينفعش
-لا يلا احسن ما تتبهدلى فى مواصلات يلا بدون نقاش
*فعلا نزلت و ركبت معاه عربيته و وصلنى،دخلت البيت
بابا:-مين الى وصلك ده يا سارة
-ده المحامى الى شغاله معاه ،حسيت بدوران و تعب فجه يوصلنى
-:وآلله! ،و متصلتيش عليا اجي اخدك ليه!
-اسفه يا بابا
-:انا شغل ده مش عاجبنى صفى حسابك فيه
-اي!
-زى ما سمعتى و اتفضلى
*دخلت اوضتى و بدأت اعيط مش عارفه ليه! ،عشان هخسر شغلى و الحاجه الى بضيع فيها وقتى ،ولا عشان مش هقدر اشوفه تانى! ،بس فى نفس الوقت قلت إن يمكن ده احسن و ممكن هو محبنيش لان لو كان ،كان قال! ..و كلمت حِلم و طلبت منها تجبلى باقى حسابى.
*.*.*
بعد يومين
-يعنى هو لما قلتيلو إن مش هقدر اشتغل تانى سكت!
حِلم:-اها و ادانى مرتب بتاعك اوصلهولك
-طيب ى حِلم
*نمت و بدأت احس إن كل الى كنت حساه منه كان مجرد وهم منى ، و عدا شهر من أسوأ الشهور الى مريت بيها فى حياتى،و خسرت وزن كتير، و اكتشفت إن مفيش اسوا من توهة القلب
-سارة فى عريس جاي بليل جهزى نفسك
-:حاضر
*قلتها بإستسلام و قررت اواجه مسيرى،و فعلا جهزت نفسى و لبست دريس نبيتى و طرحه سودا و حزام اسود، و خرجت بالعصير ليهم ،و كل ما كنت اقرب كانت دقات قلبى تزيد بطريقه غربيه ،لحد ما دخلت الاوضه ، و شميت ريحة البرفيوم بتاعته الى لو بين الف شخص هقدر اميزه عن طريقها،رفعت عينى و كان هو لابس لاول مرة بدله مع أنه قالى كتير أنه مش بيحب لبسهم،مخفف شعره شويه،وقف و اخد الصنيه من ايدى و حطها على الترابيزة
سِدر:-ماما دى سارة هانم ،الاميرة الى سرقة قلبى ، و دى يا سارة حرم المستشار سُهيل الى سبب فى وجود القلب الى انتِ سرقتيه ....بما إنك حد مميز و اكيد تستاهلى ان يطلب إيدكِ بطريقه مختلفه ،بس انتِ اختفيتى فجاءة و ملحقتش بس ..قعد على ركبة واحدة و فتح علبه فيها خاتم
سِدر:-تقبلى تكونى حَرم سِدر سُهيل،تقبلى تكونى حبيبة و شريكة العمر؟
سارة بإبتسامه:-موافقه ♡
*اتعرفت على مامته والى كانت حلوة جدا زى ما وصفها♡،و اتصورنا صور مخوطبين اخيراً😂♥️
فتحت الواتساب و نزلت استيت بصورتى معاه و تحتها "صالحت بيك ايامى
سامحت بيك الزمن"♡
سارة:-فى حاجه كُنت محتاجه اقولك عليها ،أنا كنت مخطوبه قبل كدة و سيبت خطيبى قبل فرح بيومين عشان مكنتش مرتاحه و محستش أن هو ده الشخص الى هقدر اكمل معاه باقى العمر ،حسيت ان من حقك تعرف فقلتلك،بس صدقنى حسيت إن عوض دنيا كله جالى بيك
Seen
Typing
بدأت احس إن ثانيه و هو بيكتب ساعه و بدأت دقات قلبى تعلى بخوف
-و اتمنا اعيشلك و اعوضك عن كل حاجه، ولو شوفت الشخص ده هشكره إنه دفعك انك تسبيه ،عشان الاقيكِ♡
*قربت من مامته الى حقيقى اعتبرتها امى، و من يوم ما عرفتها بدأت انسا شعور ان يتيمه ،برغم إن كنت عايشه مع مرات اب مش وحشه اوى،بس كنت مفتقدة فيها الخوف و الحنيه ولاقيتهم فى "ام سِدر"، و سِدر اتقدملى تانى ،عملى مفجاءة ،فى كافيه و اتقدملى و برغم أنه كان جايب ليا خاتم و دبله دهب إلا أنه جابلى "خاتم فضه" و قالى عرفك بتحبيهم.♡
*قطر الجواز مش بيفوت حد،بس المصيبه أنكِ تركبى قطر مش شبهك ،و حتى لو حصل ،انزلى منه فى اسرع وقت كل ما هتطولى ،كل ما كانت تكلفة الرجوع صعبه،صعبه جدا.
"و كنت بمثابه أجمل و أفضل اعتذار من الزمن لىّ"
تعليقات
إرسال تعليق